«Циркуляр икътисад» юнәлеше буенча фәнни-мәгариф семинары «УЛ ГАМӘЛИ ЮНӘЛЕШЛЕ СЕМИНАР. ОЕШТЫРГАН ӨЧЕН РӘХМӘТ!»

2020 елның 1 октябре, пәнҗешәмбе

Ике тонна кулланылган батарейка тапшырырга яки пакет урынына әбиләр букчасы кулланырга – Казан энергетика университетында узган тематик фәнни-мәгариф семинарында циркуляр икътисад принципларына күчү процессын тизләтү өчен башка күп кенә адымнар турында сөйләштеләр.

Чарада Татарстанның белем бирү оешмалары һәм бизнес вәкилләре катнашты. Спикерлар сыйфатында югары уку йортлары укытучылары, эре сәүдә челтәрләренең топ-менеджерлары, профильле министрлыклар һәм ведомстволар белгечләре чыгыш ясады.

Чара Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов тарафыннан расланган мәгълүмат-белем бирү чараларын уздыру циклы кысаларында гамәлгә ашырылды.