Татарстан тәҗрибә уртаклашырга һәм Яһүд автономияле өлкәсе сәнәгатен үстерүдә ярдәм күрсәтергә әзер
Татарстан Республикасы Сәнәгать һәм сәүдә министрлыгында Татарстан Премьер-министры урынбасары – сәнәгать һәм сәүдә министры Олег Коробченко Яһүд автономияле өлкәсе делегациясе белән очрашты.
Ул Татарстанга ЯАО губернаторы Мария Костюк җитәкчелегендә эш визиты белән килде. Визит остазлык планын гамәлгә ашыру буенча уртак эш кысаларында оештырылды. Татарстан 2026 елга Яһүд автономияле өлкәсе сәнәгатен үстерүдә тәҗрибә уртаклашырга һәм ярдәм күрсәтергә әзер.
ЯАО Хөкүмәте Рәисе урынбасары Михаил Юркин белән очрашуда Олег Коробченко билгеләп үткәнчә, Татарстан предприятиеләре өлкәгә нефть һәм нефть продуктлары, медицина инструментлары һәм җиһазлары, блоклар һәм башка төзелеш эшләнмәләре китерә.
«Безнең республика сәүдә элемтәләрен ныгыту белән кызыксына, без тәҗрибә белән уртаклашырга һәм Яһүд автономияле өлкәсе сәнәгатен үстерүдә һәрьяклап ярдәм күрсәтергә әзер», – диде Олег Коробченко.
Яһүд автономияле өлкәсе икътисадының иң мөһим һәм социаль әһәмиятле тармакларыннан берсе – сәнәгать. Җитештерелгән тулай төбәк продукты структурасында сәнәгать җитештерүенә 15,6% артык туры килә, шул исәптән эшкәртү производстволарына – 5,5%, тау чыгару тармагына – 10,3%.
Кичә делегация КАМАЗ, «Мастер» КИП һәм «Алабуга» МИЗда булды. Кунаклар компанияләр белән сөйләшүләр алып бардылар һәм хезмәттәшлекне үстерү юнәлешләрен билгеләделәр.
«Мастер» КИП белән ЯАО белән кооперация мөмкинлеген карарга килеште – беренче чиратта Кытай белән актив эшләүче резидентлар өчен.
«Бүген Министрлыктагы киңәшмәдә безнең эшкуарларны тәкъдим иттеләр, продукцияне сатуда ярдәм итү чаралары турында фикер алыштылар, шулай ук Россия һәм Кытай чигендәге бердәнбер тимер юл күпере – Түбән Ленин – Тунцзян күпере районында логистик мөмкинлекләрне тәкъдир иттеләр. Бу мәйданчыкка компонентлар сатып алу һәм тышкы сәүдә өлкәсендә Кытай партнерлары белән эшләүче Татарстан компанияләре аеруча кирәк булырга мөмкин, – Михаил Юркин. – Очрашу нәтиҗәләре буенча Россия Сәнәгать һәм сәүдә министрлыгы карамагындагы уртак остазлык проекты өстендә эшне дәвам итәчәкбез. Безнең уртак бурыч – үзара файдалы хезмәттәшлекне үстерү. Үз чиратында, Яһүд автономияле өлкәсе логистика үсеше һәм Ерак Көнчыгыш һәм Кытай базарларына чыгу белән кызыксынган Татарстан инвесторлары өчен максималь уңайлы шартлар тәэмин итәргә һәм инфраструктура тәкъдим итәргә әзер».