ЯҢАЛЫКЛАР
Хәрби продукция кабул итүнең бердәм көне кысаларында "Вертолеты России" холдингының "Ростех Дәүләт корпорациясенә керә) Казан вертолет заводы Россия Оборона министрлыгы вәкилләренә биш Ми8МТВ-5-1 хәрби транспорт вертолетын вакытыннан алда тапшырды. Ел азагына кадәр хәрби ведомствога биш машинадан тагын бер партиясен тапшырырга планлаштыра.
Кабул итү-тапшыру сынаулары һәм хәрби вәкиллек тарафыннан кабул итү барышында әзерләнгән вертолетларның сыйфатына һәм андагы состав өлешләренең агрегат-механик һәм җыю производствосында эшләтеп карауга контроль оештырылды, барлык системаларының да эшкә сәләтле булуын тикшереп, ахыргы җыю цехында тулысынча җыелган вертолетлар каралды. Моннан тыш, очу-сынау комплексында да сынаулар уздырылды.
РФнең төрле көч структураларына җиткерелә торган Ми-8МТВ-5-1 хәрби транспорт вертолеты Ми-8/17 семьялыгына карый һәм 4 тоннага кадәрле йөкләрне һәм техниканы транспорт белән күчерү өчен билгеләнгән. Шулай ук машина эзләтү-коткару операцияләрен уздыру һәм төрле махсус бурычларны үтәү өчен дә башкарыла. Пилот кабиналары яктылык-техник җайланмалары белән тәэмин ителгән, алар төнлә күрә торган күзлекләрдән файдалану өчен яраклаштырылган, бу исә тәүлекнең караңгы чорында очышларны кече һәм чиктән тыш биек урыннарда ясау, шулай ук билгеләнмәгән мәйданчыклардан очып китү һәм утыру мөмкинлеген бирә. Вертолет заманча элемтә комплекслары белән җиһазландырылган. Күп еллык эксплуатациясе барышында Ми-8МТВ-5-1 вертолеты үзенең төрле климат шартларында бурычларны яхшы үтәвен һәм хокуклы нигездә үз классы буенча дөньядагы иң яхшысы булуын дәлилләде.
2019 елның 15 апрелендә Татарстанда "Эшче һөнәрләр елы" кысаларында ел саен уздырыла торган "Турникетсыз бер атна" россиякүләм акциясе башланып китте. Акция Россиянең әйдәп баручы предприятиеләре эшчәнлеге турында һөнәри ориентация мәгълүматларын җиткерүгә һәм сәнәгый производствода соралган белгечлекләрне һәм инженер һөнәрләрен популярлаштыруга юнәлдерелгән чаралар комплексыннан гыйбарәт.
Дүшәмбе көнне "АЛНАС" заводында Әлмәт муниципаль районының 11 нче урта гомумбелем мәктәбе һәм Урсалы төп гомумбелем мәктәбе укучылары булып китте. Предприятиедә алар өчен җитештерү цехларына һәм "Киләчәк Татарстан көллияте"нең укыту үзәгенә экскурсия уздырылды. Мәктәп укучысының һәркайсы үзен эретеп ябыштыручы, электрчы һәм программачы сыйфатында хис итеп карый алды.
"КГКПЗ" ФКП Өстәмә һөнәри белем бирү һәм өйрәтү-производствога укыту үзәгендә КФТТУ Инженер химик-технологик институтының химия заводлары җайланмалары кафедрасының 5 нче курс студентлары белән очрашу булды.
Балалар алдында баш инженер, кадрлар сәясәте идарәсе җитәкчесе, цехларның башлыклары һәм эксперименталь-механик участок башлыгы чыгыш ясады. Казан дары заводы бүлекчәләре җитәкчеләре студентларга производствоның перспективалы үсеш юнәлешләре турында, предприятиедә эшләү үзенчәлекләре, хезмәткәрләр өчен булган социаль ташламалар турында сөйләде. Чыгыш ясаучылар заводка эшкә урнашуның өстенлекләре буенча шәхси тәҗрибәләре белән уртаклашты. Күзалдына китерү өчен өлкән сыйныф укучыларына завод тормышыннан видеороликлар күрсәтелде.
Өстәмә
"Турникетсыз бер атна" проектының төп максаты мәктәп укучыларын, студентларны, аларның ата-аналарын һәм мөгаллимнәрне үз төбәкләрендә урнашкан предприятиеләрнең эше белән таныштырудан гыйбарәт. Һөнәри юнәлеш бирү эшенең мондый формасының үзенчәлеге шунда ки: предприятиеләрдәге әйдәп баручы белгечләр һәм хезмәткәрләр белән аралашу һәм мәгълүматтан максималь файдалана алу мөмкинлеге. Россиякүләм акциягә республиканың сәнәгый һәм сәүдә предприятиеләре кертелгән.
Бүген Татарстан Республикасы Сәнәгать министрлыгы һәм Кытайның Хунань провинциясе сәүдә-сәнәгать компаниясе вәкилләренең ике яклы очрашуы булды.
Очрашуда "Чжунфа" ВФХ топ-менеджерлары, "Казан вертолет заводы" ГАҖ вәкиле Марат Кыямов, Татарстан Республикасының ХКРдагы вәкиле Марсель Гыйлаҗев һәм Министрлык хезмәткәрләре катнашты. Очрашуны министр урынбасары Илдар Мингалиев уздырды.
Яклар республиканың граждани билгеләнештәге авиация сәнәгате вәкилләре белән үзара хезмәттәшлек итү мөмкинлекләре турында сөйләште.
2019 елның 12 апрелендә Түбән Каманың "Пионер" индустриаль паркында цинкланган төргәкле корыч буяу буенча Россия-Кытай заводы – "Камасталь" ҖЧҖ ачылды. Чарада ТР Премьер-министрының Беренче урынбасары Рөстәм Нигъмәтуллин катнашты.
"Камасталь" ҖЧҖ "Түбән Кама" алгарышлы социаль-икътисадый үсеш территориясе резиденты булып тора һәм "Роскамасталь" бренды белән продукция чыгара.
"Камасталь" ҖЧҖ производствосы барлык заманча таләпләргә җавап бирә, ул буяуның технологик процессын өзлексез тикшерүдә тотуның иң яңа системасы белән тәэмин ителгән, бу исә продукциянең югары дәрәҗәле сыйфатын даими сакларга ярдәм итә. "Камасталь" ҖЧҖ партнерларының берсе булып Haier компаниясе тора, көнкүреш техникасы корпуслары өчен корыч шунда тапшырыла.
2019 елның 23-24 апрелендә "Һөнәр стандартларын кулланып, персоналны аттестатлау: предприятиеләрдә эшләүчеләрнең квалификациясен бәяләү" темасы буенча семинар-практикум булачак. Татарстан предприятиеләре катнашу өчен чакырыла. Семинарда катнашу өчен заявкалар 2019 елның 19 апреленә кадәр кабул ителә.
Үткәрелү урыны: Казан ш., Журналистлар урамы, 24. Конференцияләр залы, 4 нче кат.
Тулырак мәгълүматларны
+7(843) 292-04-95 телефон номеры буенча алырга мөмкин, Рөстәм Рәшид улы Мөхәммәтҗанов.
Чара Татарстан Республикасында Төбәк методика үзәге – "Идел буе сыйфат үзәге" коммерциясез партнерлыгы тарафыннан "НАРК" АКО укытучылары белән берлектә уздырыла.
Тулырак:
2019 елның 12 апрелендә энергия-ресурс нәтиҗәлелеге буенча ТЭФ-2019 Татарстан халыкара форумының программа чаралары кысаларында "Казан Экспо" ХКҮдә традиционга әйләнгән Яшьләр көне узды.
Яшьләр көнен оештыручы булып Татарстан Республикасы Сәнәгать һәм сәүдә министрлыгы, "Казан дәүләт энергетика университеты" ЮББ ФДБМУ һәм "Татарстан Республикасы Министрлар Каршындагы Татарстан Республикасы энергия саклагыч технологияләр үзәге" ДАУ катнашты.
Яшьләр көненең йомгаклау өлешендә "Без энергетика нәтиҗәлелеген сайлыйбыз-2019" яшь инициативаларның VI республика конкурсында һәм Татарстан Республикасының ТЭК предприятиеләрендә яшьләр коллективлары арасында узган "ENERGY QUIZ" викторинасында җиңүчеләрне тантаналы рәвештә бүләкләү чарасы булды.
Җиңүчеләргә бүләкләрне һәм дипломнарны Татарстан Республикасы сәнәгать һәм сәүдә министры урынбасары Алмаз Хөсәенов "Казан дәүләт энергетика университеты" ЮББ ФДБМУ ректоры Эдвард Абдуллаҗанов белән берлектә тапшырды.
Бүген Бензол экстракциясе җайланмасы тантаналы рәвештә эксплуатациягә кертелде. Җайланма төзелеше 2018 ел азагында төгәлләнгән, ә инде март аенда ул проект куәтенә кертелгән. Яңа җитештерү объекты производство эчендә бензол катнашкан фракцияләрне эшкәртү процессын оптимальләштерергә һәм гамәлдәге энергосыешлы төеннәрне бушатырга ярдәм итәчәк. Җайланма ярдәмендә заводта эшләүчеләр бензол җитештерү күләмен елына 265 мең тоннага кадәр җиткерергә планлаштыра, бу исә аны читтән сатып алудан тулысынча баш тарту мөмкинлеген бирәчәк.
10 апрельдән 12сенә кадәр Татарстан Республикасында губернатор Виктор Томенко җитәкчелегендә Алтай крае делегациясе эш визиты белән сәфәр кыла. Визитның төп максаты – төрле эшчәнлек өлкәләрендә Татарстан Республикасы тәҗрибәсен өйрәнү һәм төбәкләрдәге предприятиеләр һәм оешмалар арасында турыдан-туры элемтәләр көйләү.
Делегация Татарстан Республикасының Инвестицияле үсеш агентлыгында, "Химград" технополисында, "Алабуга" МИЗ, Яр Чаллы шәһәренең алгарышлы социаль-икътисадый үсеш территориясендә булды. Шулай ук ТАИФ, Татнефть һәм Татэнерго җитәкчелеге белән дә очрашулар узды.
11 апрель көнне ТР Президенты Рөстәм Миңнеханов белән киңәйтелгән очрашу булды, аның барышында Алтай крае Хөкүмәте белән В.Д.Шашин исемендәге "Татнефть" ГАҖ арасында Хезмәттәшлек турында килешүне тормышка ашыруның Чаралар планы имзаланды.
Документ Алтай крае белән "Татнефть" ГАҖ арасында элегрәк төзелгән Хезмәттәшлек турында килешү кысаларында имзаланды һәм Компаниянең Алтай краендагы җитештерү предприятиеләре белән энергетика ягыннан нәтиҗәле технологияләрне кертү, импорталмаш проектларын тормышка ашыру, нефть табу җайланмаларын җитештерү өлкәләрендәге партнерлыгын һәм башка мәсьәләләрне үз эченә ала.
Фәнни-техник һәм социаль өлкәләрдә проектларны тормышка ашыру буенча Алтай краеның проект институтлары, югары белем йортлары, шифаханә-курорт учреждениеләре, стартап-бергәлеге белән үзара хезмәттәшлек итү планлаштырыла.
12 апрельдә ТР Сәүдә-сәнәгать палатасында Алтай крае һәм Татарстан Республикасы предприятиеләре очрашты.
Алтай крае белән Татарстан Республикасының партнерлык мөнәсәбәтләре Алтай крае белән Республика арасында сәүдә-икътисадый, гыйльми-техник һәм социаль-мәдәни хезмәттәшлек турында имзаланган Килешү кысаларында үсеш ала.
Альберт Кәримов Яр Чаллыда Ford Sollers заводы хезмәткәрләре белән очрашты. Очрашуда шулай ук Яр Чаллы шәһәре мэры Наил Мәһдиев, Ford Sollers Президенты һәм СЕО Әдил Ширинов, ТР Хезмәт министрлыгы һәм Халыкның мәшгульлек үзәге вәкилләре катнашты.
Очрашуда "Форд Соллерс" уртак предприятиесендә хәзерге вәзгыять һәм дәүләт органнары тарафыннан күрелә торган чаралар турында сүз барды.
"Бүгенге көндә шәһәрнең әйдәп баручы "КАМАЗ" ГАҖ, быел һәм киләсе берничә елда берничә яңа производствоны башлап җибәрүче Haier предприятиеләре компания хезмәткәрләрен эшкә алуда үзләренең мәнфәгатьле булуын белдерде. Шулай ук эштән азат ителгән персоналны резидент-предприятиеләргә урнаштыру предметы буенча "Алабуга" МИЗ белән дә сөйләшүләр алып барыла", – дип билгеләде министр белгечләрне эшкә урнаштыру мәсьәләсе буенча.
Шунысын билгеләү әһәмиятле, "Алабуга" махсус икътисадый зонасы территориясендә 2019 елда 7 яңа производствоны ачу планлаштырыла, анда 700 артык яңа эш урынын булдыру күздә тотыла һәм 2020 елда ике предприятие ачылачак, аларда 70 артык эш урыны булыр дип көтелә.
Халыкара стандартларда эшләүче автокомпонентлар белән тәэминатчылар өлешендә Татарстан Республикасы Сәнәгать министрлыгы җирле автоҗитештерү компанияләре белән дә, башка төбәкләрдәге компанияләр белән дә республикадагы автокомпонентларны җитештерүче предприятиеләрнең үзара хезмәттәшлегенә актив ярдәм итә.
Шул кысаларда ел саен республикада TIAF supported by Automechanika Халыкара Форумы уздырыла, ул потенциаль сатып алучыларга үз продукцияңне һәм хезмәтләреңне күрсәтү, автомобильләр җитештерү, аларны төзәтү һәм аларга хезмәт күрсәтү белән шөгыльләнүче компанияләрнең һәм автокомпонентларны күмәртәләп һәм ваклап сатучы предприятиеләрнең вәкилләре белән турыдан-туры эшлекле элемтәләр урнаштыру мөмкинлеген бирә. Шулай ук, Министрлык ярдәме белән, Россиядәге һәм чит илләрдәге эре компанияләрнең "Тәэминатчы көннәре" дә оештырыла. 2019 елның май ае азагында Hyundai компаниясенең "Тэминатчы көне"н уздыру планлаштырыла, анда, шул исәптән, Ford заводы тәэминатчылары да чакырылачак, бу исә компанияләргә яңа заказчылар табарга һәм яңа партнерлык мөнәсәбәтләрен урнаштырырга ярдәм итәчәк.
Энергия-ресурс нәтиҗәлелеге буенча Татарстанның халыкара форумы кырларында Татарстан Республикасының энергетика тармагындагы баш белгечләр белән бизнес-очрашулар узды. Эшлекле очрашуларның һәм сөйләшүләрнең әлеге форматы республикадагы зур күргәзмә чараларының көн тәртибендә инде гадәти күренешкә әйләнде.
"Генерацияләү компанияләре сәгате" кысаларында анда катнашучыларда республиканың төрле ҖЭҮ, ГРЭС һәм ГЭС белгечләре белән аралашу һәм үз продукциясен күрсәтү мөмкинлеге бар иде.
"Челтәр компаниясе сәгате" кысаларында анда катнашучылар "Челтәр компаниясе" ААҖ төп техник белгечләре белән элемтәләрне җайлый алды.
ТР сәнәгый предприятиеләренең баш энергетиклары сәгатендә КМПО, Нижнекамскнефтехим, Татэнергосбыт һ.б. кебек предприятиеләрнең вәкилләре белән очрашулар узды.
Бизнес-очрашуларда барлыгы 120 артык кеше катнашты һәм 200 якын сөйләшү уздырылды.