ЯҢАЛЫКЛАР

Бүген "Казан ярминкәсе" күргәзмәләр үзәгендә XIV Халыкара тимер коючылар съездының рәсми ачылышы узды.

Россиянең тимер кою производствосы өчен мөһим булган чара тармакның үз илебез һәм чит ил белгечләрен, шул исәптән БРИКС илләренең, шулай ук Казахстан, Үзбәкстан, Монголия, Беларусь, Германия, Италия, АКШ, Англия, Төркия, Чехия һәм башка илләрдән килгән вәкилләрне берләштергән.

Күргәзмә павильоннарында "Литье-2019" халыкара күргәзмәсендә катнашучылар урнашкан. Стендларда Татарстан һәм Россия җитештерүчеләре – А.М.Горький исемендәге Яшел Үзән заводы, "КАМАЗ" кою заводы, "Казанкомпрессормаш", "Сиблитмаш" һәм башкалар, шулай ук чит ил компанияләре. Барлыгы 39 предприятие катнаша.

Күргәзмә эшендә шулай ук Җәзаларны үтәтү федераль хезмәтенең ТР буенча идарәсе дә катнашты, ул үз җитештерү куәтләрендә башкарылган чуен кою һәм металл эшкәртү продукциясен тәкъдим итте.

Съездның эшлекле программасының беренче көне кою производствосының актуаль мәсьәләләре буенча пленар утырыш белән билгеләп үтелде.

Күргәзмә 12 сентябрьгә кадәр эшләячәк. Икенче көн кою эретмәләре, металл кою формалары һәм саплары ясау, металл коюның махсус төрләре кебек юнәлешләр буенча секция утырышларына багышланачак.

Съездда катнашучылар өчен шулай ук республиканың сәнәгать предприятиеләренә – "КАМАЗ" ГАҖ, "АЛНАС" ААҖ, "А.М.Горький исемендәге Яшел Үзән заводы" АҖ һәм "Казанкомпрессормаш" ААҖ бару да планлаштырыла.

"СОЛЛЕРС" ГАҖ һәм Ford Motor Company – "Форд Соллерс Алабуга" уртак предприятиесе – "Алабуга" махсус икътисадый зонасындагы компания заводында яңартылган Ford Transit җитештерелә башлавы турында хәбәр итә. Беренче автомобильләр конвейердан төшкән һәм рәсми клиентларга Transit-үзәкләргә озатылган.

Яңартылган Ford Transit бөтен өстенлекләрен саклап калган һәм утыргычлары яңартылган, экстерьер детальләре төсләр палитрасына күмелгән һәм салоны бизәкләндерелгән. Шулай ук кузов конструкциясе, ишекләрдәге йозаклары модернизацияләнгән, бу исә кузовның өстәмә куәтләнүенә китергән.

Ford Transit – чит ил брендлары арасында коммерцияле автомобильләр сегментында Россия базары лидеры. Гыйнвар-август айларында модельләрне сату дәрәҗәсе 7% арткан һәм узган елның шул ук чоры белән чагыштырганда 7 267 берәмлек тәшкил иткән. Август аенда барлыгы 1 237 автомобиль сатылган.

Исегезгә төшерәбез, Ford Transit заводта 2015 елның апреленнән башлап, эретеп ябыштырып һәм буяп, тулы цикл технологиясе буенча җитештерелә.

Ford Sollers матбугат хезмәте материаллары буенча

Россия Сәнәгать һәм сәүдә министрлыгы тарафыннан производство чараларының пилот партияләрен җитештерүче һәм гамәлгә ашыручы сәнәгать өлкәсендәге эшчәнлек субъектларына федераль бюджеттан субсидия алу хокукына конкурс сайлап алуы үткәрелүе турында хәбәр итәбез.

РФ Хөкүмәтенең 2017 елның 25 апрелендәге 634 номерлы карары нигезендә механизм оешмаларга производство чараларының пилот партияләрен җитештерүгә һәм гамәлгә ашыруга бәйле чыгымнар суммасының 50 процентына кадәр компенсация рәвешендә финанс ярдәме күрсәтүгә юнәлдерелгән, бу продукция бәясе җиһазларның базар бәясеннән 15-20 процентка кимегәндә, референдацияләр булмау һәм сәнәгать продукциясенең инновацион үрнәкләрен эксплуатацияләү шартларында җиһазларның пилот партияләрен базарга чыгарырга ярдәм итә.

Субсидияләр катлаулы, нефть-газ, энергетика машина төзелеше, станок-инструменталь сәнәгать, азык-төлек һәм төзелеш-юл машина төзелеше тармакларына, шулай ук сәнәгатьнең югары технологияле заманча җитештерү чараларын сынау-сәнәгый эксплуатациягә кертүдә этәргеч бирү максатларында калдыкларны эшкәртү, зарарсызландыру һәм утильләштерү буенча тармакларына караган, 2017 елның 25 апрелендәге 634 номерлы Карар исемлегенә кертелгән үзебезнең илдәге җитештерүчеләргә бирелә.

Барлыгы 1,2 млрд. сум күләмендә финанслау каралган.

Субсидия алу хокукына сайлап алуны үткәрә башлау 2019 елның 16 сентябренә билгеләнгән.

Тулырак мәгълүмат, шул исәптән гариза бирүче оешмаларга карата таләпләр турында да, Россия Сәнәгать һәм сәүдә министрлыгының рәсми сайтында урнаштырылачак: http://minpromtorg.gov.ru/

Тулырак мәгълүмат РФ Сәнәгать һәм сәүдә министрлыгы презентациясендә урнаштырылган.

Әлеге конкурс сайлап алуында катнашкан очракта, ТР Сәнәгать һәм сәүдә министрлыгына әлеге эл. почта буенча хәбәр итүегезне сорыйбыз: Maksim.Sabirdzhanov@tatar.ru.

Кулланучыларның хокукларын яклау һәм кеше иминлеге өлкәсендә күзәтчелек буенча федераль хезмәт ит һәм балык продукциясенең сыйфаты һәм куркынычсызлыгы, яраклылык вакыты мәсьәләләре буенча "кайнар линия" үткәрә.

Барлык кызыксындырган сораулар белән 8 800 555 49 43 номеры буенча шалтыратырга мөмкин.

Казан һәм республика халкына ТР буенча Роспотребнадзор идарәсенең туклану гигиенасы буенча күзәтчелек бүлеге белгечләре консультация бирәчәк.

"Кайнар линия" 2019 елның 11 сентябреннән 25 сентябренә кадәр түбәндәге телефон аша эшләячәк: (843) 273 34 85, 10.00 сәгатьтән 16.00 сәгатькә кадәр.

Тэглар: горячая линия Роспотребнадзор

ТР буенча Роспотребнадзор идарәсе материаллары буенча

2019 елның 9-12 сентябрендә "Казан ярминкәсе" күргәзмәләр үзәгендә Тимер коючыларның XIV халыкара съезды һәм "Тимер кою-2019" халыкара күргәзмәсе узачак.

Чараны Россия тимер коючылар ассоциациясе, Татарстан Республикасы Хөкүмәте, Россия Федерациясе Сәнәгать һәм сәүдә министрлыгы ярдәмендә Россия тимер коючылар ассоциациясенең Татарстан Республикасы бүлеге оештыра.

Съездның бай эчтәлекле программасы пленар һәм секция утырышларын үткәрүне үз эченә ала. Секцияләр эше өч юнәлеш буенча башкарылачак:

• 1 нче секция: "Кою эретмәләре"
• 2 нче секция: "Формалар һәм саплар ясау"
• 3 нче секция: "Махсус кою төрләре"

Съездда катнашучылар өчен шулай ук Татарстан Республикасы сәнәгать предприятиеләренең җитештерү мәйданчыкларын карау да планлаштырылган:

• КАМАЗ "ГАҖ"
• "А.М.Горький исемендәге Яшел Үзән заводы" АҖ
• "Казанькомпрессормаш" ААҖ

Тимер коючыларның XIV халыкара съезды рәсми рәвештә 10 сентябрьдә 9:00 сәгатьтә ачылачак. Барлык белгеч-тимер коючыларны чарада катнашырга чакырабыз!

Тулырак мәгълүматны сез әлеге сылтама буенча ала аласыз.

Программа

Бүген Казан шәһәренең Горький исемендәге Үзәк мәдәният һәм ял паркы территориясендә энергияне саклау һәм экология буенча шәһәркүләм гаилә бәйрәме форматында #ВМЕСТЕЯРЧЕ-2019 фестивале узды.

Татарстан Республикасы 2016 елдан – нигез салынган вакытыннан башлап Бөтенроссия фестивален уздыруга теләктәшлек белдерә.

Парк территориясендә төрле яшьтәге кешеләр өчен акыллы энергия куллану һәм ресурсларга сак караш мәсьәләләренә багышланган күңел ачулы тематик зоналар оештырылды. Бу интеллектуаль уенлы мәйданчыклар да, балалар өчен мастер-класслар һәм спектакльләр, мавыктыргыч бию батлы, шулай ук күргәзмә мәйданчыклары да: "Энергоэффектив технологияләр бульвары", ГОЭЛРОның 100 еллыгына һәм WorldSkills багышланган фотокүргәзмәләр.

Шулай ук бәйрәмдә ягулык-энергетика комплексы компанияләре арасында мини-футбол буенча турнир да булды. Призлы урыннар түбәндәгечә бүленде: 1 нче урын – "ТГК - 16" АҖ, 2 нче урын – "Татэнергосбыт" АҖ, 3 нче урын † "Татэнерго" АҖ.

Паркка керү юлында газ-мотор техникасы берәмлекләре презентациясе булды – җиңел транспорт үрнәкләре: Лада Веста һәм Лада Ларгус, шулай ук йөк һәм авыл хуҗалыгы техникасы: узышчы КАМАЗ-мастер, Беларусь тракторлары куелган иде. Шунда ук белгечләр барлык кызыксынучыларга техниканы яңадан җиһазландыру мөмкинлекләре һәм сатып алу буенча консультацияләр дә үткәрде.

Бәйрәмне ачу тантанасы энергокомпания хезмәткәрләре һәм студент-яшьләр катнашында флешмоб үткәрү белән истә калды.

Татарстан Республикасы Премьер-министры урынбасары – Татарстан Республикасының сәнәгать һәм сәүдә министры:

"Без республикада #ВместеЯрче Бөтенроссия фестивален бергәләп дүртенче тапкыр уздырабыз. Хөкүмәт энергияне саклау мәсьәләләренә зур игътибар бирә һәм киләчәктә дә зур игътибар бирәчәк. Республика тулай продукт күләме буенча Россиянең алдынгы төбәкләренең берсе булып тора, шуңа күрә энергетика – безнең икътисадның һәм сәнәгатьнең "кан тамыры системасы". Моннан тыш, яшь буынны энергоресурсларны сакчыл һәм акыллы куллануга җәлеп итү дә мөһим".

Моннан тыш, фестиваль территориясендә "Леруа Мерлен" һәм "Мегастрой" сәүдә компанияләре тарафыннан кызгыч лампаларны светодиодлы яктырткычларга алмаштыру пунктлары оештырылды.

Бәйрәм 15 меңнән артык кешене җыйды һәм шәһәр фонарьлары һәм яшь башкаручылар музыкасы белән тәмамланды.

"ТАНЕКО" комплексы базасында нефть эшкәртү һәм нефть химиясе предприятиеләренең баш белгечләре советының күчмә утырышы узды. Чарада Россиянең эре нефть, химия һәм газ компанияләре метрологлары һәм экологлары катнашты.

Киңәшмәдә катнашучыларга комплексның төп җитештерү җайланмаларын күрсәттеләр, аеруча игътибар табигатьне саклау объектларына бирелде.

Делегация әгъзаларында "ТАНЕКО"ның чистарту корылмалары аеруча зур кызыксыну уятты. Бүгенге көндә алар Россиянең нефть эшкәртү өлкәсендә иң заманча технологияләрнең берсе булып тора. Агынты суларны чистартуның кайбер күрсәткечләр буенча нәтиҗәлелеге 99,9% тәшкил итә. Кунаклар экологик мониторинг системасын да югары бәяләде, аның кысаларында пычраткыч матдәләрнең стационар чыганаклары автоматик үлчәү һәм исәпләү чаралары белән җиһазландырыла.

Чараның секция дәресләрендә "Татнефть" компаниясендә нефть-газ эшкәртүне үстерү, шулай ук "ТАНЕКО"да цифрлы технологияләр кертү турында мәгълүмат тәкъдим ителде. Киңәшмә барышында баш экологлар һәм метрологлар эш тәҗрибәсе белән алмашты, проблемалар, шулай ук аларны хәл итү юллары турында фикер алышты.

"Татнефть" ГАҖ матбугат хезмәте материаллары буенча

5 сентябрьдә Казанда "Нижнекамскнефтехим" ГАҖ Директорлар советы рәисе, "ТАИФ" АҖ генераль директоры Руслан Шиһабетдинов җитәкчелегендә "Нижнекамскнефтехим" ГАҖ Директорлар советы утырышы узды.

Көн тәртибе буенча утырышта 2019 елның 6 ае эчендә предприятиенең арадаш бухгалтерлык (финанс) хисаплылыгы нәтиҗәләре, шулай ук 2019 елга капиталь кертемнәр планын үтәү һәм капиталь кертемнәрне финанслау нәтиҗәләре каралды.

Агымдагы елның беренче яртыеллыгында керем 90 миллиард 563 миллион сум тәшкил иткән. Узган елның шул чоры белән чагыштырганда, үсеш 3 миллиард 59 миллион сум тәшкил иткән.

Утырыш барышында Директорлар советы әгъзалары шулай ук 2019 елга "Нижнекамскнефтехим" ГАҖнең капитал салулар һәм капитал салуларны финанслау планына үзгәрешләрне карады һәм раслады.

"Нижнекамскнефтехим" ГАҖ матбугат хезмәте материаллары буенча

Бу хакта бүген матбугат конференциясендә ТР сәнәгать һәм сәүдә министры урынбасары Алмаз Хөсәенов белдерде.

"Быел без махсус газ-мотор техникасы күргәзмәсе әзерләдек, анда теләгән һәркем транспортны экологик яктан чиста газ ягулыгына яңадан җиһазландыру буенча кызыксындырган сорауларны бирә алачак. Күргәзмә бәйрәм уздырылган көнне Горький исемендәге паркка керү юлдында урнашачак. Шул рәвешле, без, экологиягә һәм табигатьне саклауга йогынтыны исәпкә алып, энергия саклау һәм акыл белән куллану турында сөйләшәбез", – дип ассызыклады Алмаз Хөсәенов.

"Бәйрәм энергия ресурсларын куллануның дөрес культурасын булдыруга, татарстанлыларның яңа буынын энергия һәм җылылык энергиясен куллануга һәм аңлы рәвештә сарыф итүгә карата сакчыл карарга өйрәтүгә юнәлдерелгән", – дип аңлатты КДЭУның өзлексез белем бирү буенча проректоры Владимир Ильин.

"#Вместе Ярче дигән шәһәр фестивале шимбә көнне узачак, ул энергиядән акыллы куллануга өйрәтү буенча еллык эшнең финал ноктасы булып тора. Татарстанның энергия предприятиеләре ел дәвамында мәктәп укучылары, яшьләр һәм гомумән халык белән тыгыз эш алып бара", – дип ассызыклады "Татарстан Республикасы предприятиеләре һәм оешмалары яшьләре берлеге" төбәк иҗтимагый оешмасы рәисе Айдар Сәгытдинов.

Шулай итеп, яшьләр лидерлары мәктәпләргә чыгып, сыйныфларда энергияне дөрес куллану турында сөйли, студентлар өчен предприятиеләрдә Ачык ишекләр көннәре оештырыла, компанияләр экология һәм энергия куркынычсызлыгы буенча дәресләр, шул исәптән балалар лагерьларында җәйге ял вакытында да, үткәрә.

Шәһәр халкын һәм кунакларны 7 сентябрь көнне 11.00 сәгатьтән 20.30 сәгатькә кадәр күңел ачулы интеллектуаль уеннар һәм спорт ярышлары, "Энергоэффектив технологияләр бульвары" күргәзмәсе, тематик балалар мастер-класслары һәм спектакльләре, гаилә спорт бәйрәме, шәһәрнең иң яхшы кавер-төркемнәре һәм диджейларының чыгышлары, тамаша бию батлы, шулай ук традицион кызгыч лампаларны энергия саклаучы лампаларга алмаштыру акциясе (гаиләнең һәр әгъзасы кулына бер лампочкадан артык түгел) көтә.

Керү ирекле.

Фестиваль картасы 

Бүген республиканың сәнәгать җәмәгатьчелеге өчен семинар узды, анда гамәлдәге дәүләт ярдәме чаралары һәм ярдәм итүнең базар инструментлары турында сүз барды. Киңәшмәне министр урынбасары Алмаз Хөсәенов үткәрде.

Төп инструментларның берсе Сәнәгатькә ярдәм итү фонды аша тормышка ашырыла. Россия Федерациясе Сәнәгатьне үстерү фондының консультацион ярдәм буенча идарә башлыгы Анна Симановская беренче булып чыгыш ясады һәм болай дип билгеләп узды:

Татарстан Республикасы Инвестиция-венчур фонды сәнәгатьне үстерүнең төбәк фонды буларак билгеләнгән һәм аңа сәнәгать сәясәтен гамәлгә ашыру өлкәсендә вәкаләтләр бирелгән. Хәзерге вакытта Россия Федерациясе Сәнәгать һәм сәүдә министрлыгы РФРП белән берлектә "Үсеш проектлары"һәм "Комплект әйберләр" программалары буенча инвестицион проектларны финанслый.

2019 елда "Татнефть-Пресскомпозит" ҖЧҖ ФҖП линиясе буенча проектларны ташламалы финанслауның яңа программасыннан файдаланган һәм "Сәнәгатьне цифрлаштыру" программасы буенча 25 млн.сум күләмендә займ җәлеп иткән. Компаниядә ERP кертү проекты җитәкчесе Азат Гобәйдуллин нәтиҗәләр һәм үсеш планнары турында сөйләде.

Үз чиратында, "ИТ-парк” югары технологияләр өлкәсендәге технопарк" ДАУ вәкиле Татьяна Игуменцева "Россия Федерациясенең цифрлы икътисады" илкүләм программасының "Цифрлы технологияләр" федераль проектында каралган ярдәм чаралары турында сөйләде. Аерым алганда, e-digital.tatar порталы эшли, ул әлеге программаны гамәлгә ашыру буенча предприятиеләргә мәгълүмати ярдәм күрсәтү өчен махсус булдырылган.

"Хезмәт җитештерүчәнлеге һәм эш белән тәэмин итүгә ярдәм итү" илкүләм проектын гамәлгә ашыру буенча предприятиеләр белән алып барыла торган эш турында "Татарстан Республикасы Министрлар Кабинеты каршындагы Татарстан Республикасы Икътисадый һәм социаль тикшеренүләр үзәге" дәүләт автоном учреждениесеннән Владислав Бурдиков сөйләде, ул компетенцияләрнең төбәк үзәге булып тора.

Аның чыгышын "ТАСМА ФҖП" ҖЧҖ маркетинг буенча директор урынбасары Виктор Носов тулыландырды. Агымдагы елда "ТАСМА ФҖП" ҖЧҖ "Хезмәт җитештерүчәнлеге" ФҖП программасы буенча ташламалы займ алган, шул исәптән компания хезмәт җитештерүчәнлеген үстерү корпоратив программасын эшләгән һәм раслаган.

"Халыкара кооперация һәм экспорт" илкүләм проекты – Сәнәгать һәм сәүдә министрлыгы линиясе буенча 2019 елдан 2024 елга кадәр гамәлгә ашырыла торган тагын бер илкүләм проект.  Гамәлдәге түләүсез консультация ярдәме чаралары, максатчан күрсәткечләр һәм яңа экспорт базарларына чыкканда ярдәм итү турында җитештерүчеләргә "РЭЦ" АҖ Идел буе федераль округы буенча территориаль бүлек җитәкчесе Николай Ереев һәм Татарстан Республикасы Сәнәгать һәм сәүдә министрлыгыннан әлеге илкүләм проектның координаторы Рамилә Мөхетдинова җентекләп сөйләде.

Предприятиеләрне үстерү өчен гамәлдәге дәүләт финанс ярдәме чаралары һәм гамәлдәге базар инструментлары спектры берничә эксперт тарафыннан тәкъдим ителде.

Татарстан Республикасы Сәнәгать һәм сәүдә министрлыгының бүлек башлыгы Диана Егорова Россия Федерациясенең сәнәгый сәясәт турындагы законына махсус инвестицион контрактларны (СПИК) җайга салу өлешендә үзгәрешләр кертүгә басым ясады, шулай ук дәүләт ярдәменең әлеге механизмының һәм эшләнелә торган капитал салуларны яклау һәм бүләкләү турында закон проектының (СЗПК) төп характеристикалары күрсәтелде.

Республикада инвестиция проектларына дәүләт ярдәме чаралары турында Татарстан Республикасы Икътисад министрлыгы вәкиле Юлай Миңнуллин сөйләде.

Татарстан Республикасы Гарантия фонды директоры Тимур Тимергалиев КУЭ субъектларына кредит һәм башка финанс ресурсларына керү мөмкинлеген тәэмин итү турында сөйләде, хәзерге вакытта Татарстанда Россиядә дәүләт чаралары белән онлайн-кредит бирүнең беренче тәҗрибәсе гамәлгә ашырыла, дип ассызыклады.

Россия Банкының Идел-Нократ Дәүләт идарәсенең Татарстан Республикасы буенча Милли банкы бүлеге вәкиле Зөфәр Шаһиев предприятиеләр эшчәнлеген финанслауның өстәмә чыганагы – облигацион бурыч алулар турында сөйләде.

Бизнес өчен әлеге финанслау чыганагының өстенлекләре арасында – киң даирә инвесторларга чыгу нәтиҗәсендә бер кредиторга бәйле булмау. Шулай ук предприятиеләр займ параметрларын да мөстәкыйль сайлау мөмкинлегенә ия: күләме һәм эмиссия вакыты, процент ставкасы, эшкә тоту һәм түләү шартлары. 

Моннан тыш, белгечләр тарафыннан сәнәгатьтәге инвестицион килешүләр һәм лизинг программаларының өстенлекләре буенча аңлатмалар бирелде.

Семинар буенча ачыклаучы сорауларны сәнәгатьтәге инвестицион программаларны алып бару бүлегенә җибәрергә мөмкин mpt.invest@tatar.ru

Семинар материаллары:

1.­ Сәнәгатьне үстерү фонды – Сәнәгатьне үстерү фондының консультация ярдәме буенча идарә башлыгы Симанова Анна Олеговна чыгышы

2. Татарстан Республикасы Инвестиция-венчур фонды – Татарстан Республикасы Инвестиция-венчур фондының проект алды анализы һәм экспертиза бүлеге башлыгы Захарова Ольга Эдуардовна чыгышы

3. Татарстан Республикасында "Хезмәт җитештерүчәнлеге һәм эш белән тәэмин итүгә ярдәм итү" илкүләм проектын гамәлгә ашыру – "Татарстан Республикасы Министрлар Кабинеты каршындагы Татарстан Республикасы Энергияне сак тоту технологияләре үзәге" дәүләт автоном учреждениесенең хезмәт җитештерүчәнлеген анализлау һәм фаразлау бүлеге башлыгы Бурдиков Владислав Петрович чыгышы

4. "Халыкара кооперация һәм экспорт" илкүләм проекты– Татарстан Республикасы Сәнәгать һәм сәүдә министрлыгының аналитик бүлек башлыгы урынбасары Мөхетдинова Рамилә Әл-Кезар кызы чыгышы

5. Россия экспорт үзәге (чимал булмаган экспортка ярдәм итү дәүләт институты) – "РЭЦ" АҖ Идел буе федераль округы территориаль бүлекчәсе җитәкчесе Ереев Николай Викторович чыгышы

6. Татарстан Республикасында инвестиция проектларына дәүләт ярдәме чаралары– Татарстан Республикасы Икътисад министрлыгының Икътисадый анализ һәм проект идарәсе бүлеге башлыгы Миңнуллин Юлай Рим улы чыгышы

7. Махсус инвестицион контрактлар (СПИК)

8. Цифрлы инициативаларга ярдәм итү чаралары– "ИТ-Парк" югары технологияләр өлкәсендә технопарк" ДАУ Тышкы элемтәләр һәм маркетинг департаменты җитәкчесе Игуменцева Татьяна Владимировна чыгышы

9. Татарстан Республикасы Гарантия фонды – Татарстан Республикасы Гарантия фонды директоры Тимергалиев Тимур Фәрит улы чыгышы

10. "Татарстан Республикасының Региональ лизинг компаниясе" ҖЧҖ – "Татарстан Республикасының Региональ лизинг компаниясе" ҖЧҖ генераль директоры Сираҗиев Равил Раид улы чыгышы

11. Корпоратив облигацияләр, облигацияле займ механизмы – РФ Үзәк банкының Идел-Нократ баш идарәсенең ТР буенча Милли банкының икътисад бүлеге башлыгы урынбасары Шаһиев Зөфәр Илдар улының чыгышы