ЯҢАЛЫКЛАР

19 декабрьдә Татарстан Республикасы Сәнәгать һәм сәүдә министрлыгында “2012-2013 елларга Татарстан Республикасында “Сакчыл җитештерү” методикасын гамәлгә ашыру” республика максатчан программасы нәтиҗәләрен алдан карау уздырылды. Анда Татарстан Республикасы сәнәгать һәм сәүдә министры урынбасары Г. Әхмәдиева катнашты.
Проектлар авторлары Лин-технологияләр кертүне финанслашу программасында катнашучы предприятиеләрнең программаларын һәм инвестиция проектларын чагылдыручы проектлар тәкъдим итте. Биредә икътисадның төрле тармакларыннан – машина төзелеше, авыл хуҗалыгы, сәламәтлек саклау, җиңел сәнәгать һ.б тармаклар предприятиеләре катнашты.
Республика максатчан программасын гамәлгә ашыру чаралары кысаларында методик документлар, Лин-тренерлар әзерләнде.

19 декабрьдә Татарстан Республикасы Сәнәгать һәм сәүдә министрлыгында Төркиянең “Акташ холдинг” компаниясе җитәкчелеге белән очрашу булды. Очрашуда Татарстан Республикасы сәнәгать һәм сәүдә министрының беренче урынбасары Р. Кәбиров, Татарстан Республикасының Төркия Республикасындагы Тулы вәкаләтле вәкиле А. Гашигуллин, “Акташ холдинг” компаниясенең Идарә Рәисе Шахап Акташ катнашты.
Р. Кәбиров Татарстан Республикасының сәүдә-икътисадый потенциалына презентация үткәрде. Очрашуда яклар автомобиль төзелеше һәм автокомпонентлар җитештерү өлкәсендә хезмәттәшлек итүнең перспектив юнәлешләре хакында фикер алышты.

Татарстан Республикасы Сәнәгать һәм сәүдә министрлыгында Татарстан Республикасы территориясендә урнашкан оборона-сәнәгать предприятиеләренең үткән елгы эшенә йомгак ясалды, яңа елга планнар кабул ителде. Киңәшмәне Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов алып барды, анда шулай ук предприятиеләр җитәкчеләре, Татарстан Республикасы Дәүләт Советы депутатлары, Татарстан Республикасы эшкуарлары ассоциациясе җитәкчеләре һ.б катнашты.

13 декабрьдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов Омск өлкәсе Хөкүмәте Рәисе А. Триппель җитәкчелегендәге делегация белән очрашты. Делегация составында – 24 кеше, алар Омск өлкәсенең башкарма һәм муниципаль хакимияте, эшлекле даирәләре вәкилләре.
Татарстан Республикасы Сәнәгать һәм сәүдә министрлыгында булган очрашуда ике регион арасында хезмәттәшлек итү турында Меморандумга кул куелды. Документны Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов һәм Омск өлкәсенең сәнәгать сәясәте, элемтә һәм инновация технологияләре министры Алексей Гладенко имзалады.

12 декабрьдә “Казан вертолет заводы” ААҖтә “Уңышка юл” дип аталган һөнәри юнәлеш бирү проекты старт алды, ул Казан шәһәренең 8 нче гимназиясендә укучыларда лидерлык сыйфатлары тәрбияләүгә юнәлдерелгән. Проект кысаларында төрле чаралар үткәреләчәк: белгечләр белән очрашулар, предприятиегә сәяхәтләр һәм бизнес уеннар һ.б.

10 декабрьдә Татарстан Республикасы Президенты Р.Н. Миңнеханов җитәкчелегендәге делегация эш визиты белән Женевага китте. Делегациягә республика министрлыклары һәм ведомстволары җитәкчеләре кергән. Алар арасында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Равил Зарипов та бар. Визитның төп максаты – Бөтендөнья сәүдә оешмасы (БСО) шартларында эшләү мәсьәләләре буенча үткәрелә торган семинарда катнашу. 10 декабрьдә делегация вәкилләре БСО Генераль директоры Паскаль Лами белән очрашты

10 декабрьдә Ростов өлкәсенең Донецк шәһәрендә Россия Федерациясе Сәнәгать һәм сәүдә министрлыгы каршындагы координация советы утырышы уздырыла. Анда Россия Федерациясе министры Денис Матуров, Ростов өлкәсе Губернаторы Василий Голубев, Татарстан Республикасының сәнәгать һәм сәүдә министры урынбасары Рашат Фәттахов катнаша.
Утырышта түбәндәге мәсьәләләр каралачак:
• Җиңел сәнәгать өчен үзебездә җитештерелгән үсемлекчелек, терлекчелек чималлары һәм башка чималлар торышы һәм аларны арттыру гамәлләре;
• Таможня Берлеге кысаларында җиңел сәнәгать базарын товарларны рөхсәтсез кертүдән яклау чаралары;
• Җиңел сәнәгатьнең бүгенге хәле һәм аңа дәүләт ярдәме чаралары;
• Текстиль һәм җиңел сәнәгать әйберләре җитештерү перспективалары.

7 декабрьдә Бөтендөнья татар конгрессының V съезды ачылды. Съезд эшендә
800 делегат (Российской Федерациясенең 61 субъектыннан 423 делегат, 34 чит илдән 218 милләттәшебез, Татарстан Республикасыннан 150 делегат), 300дән артык кунак һәм 120 журналист катнашты.

Съезд программасы кысаларында пленар утырыш булды, секцияләр эшләде. "Татар милләтенең үсеш юллары” секциясендә Татарстан Республикасы сәнәгать һәм сәүдә министры урынбасары Хәмзә Баһманов чыгыш ясады.

Мәгълүмат өчен:

Хәзерге вакытта Бөтендөнья татар конгрессы 376 милли-мәдәни оешманы берләштерә, шуларның 203 Татарстан Республикасында һәм Россия Федерациясендә, калган 123 берлек чит илләрдә эшли. Бөтендөнья татар конгрессы Башкарма комитеты 50дән артык яшьләр оешмасы белән хезмәттәшлек итә.

5 декабрьдә Татарстан Республикасына эш визиты белән Архангельск өлкәсе Губернаторы И. Орлов җитәкчелегендәге делегация килде. Делегацияне “Казан” халыкара аэропортында Татарстан Республикасы Президенты Р.Н. Миңнеханов, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов каршылады.

Республика территориясендә энергия саклау өлкәсендә эшләячәк демонстратив үзәкләр төзелешенә ТР Хөкүмәте тарафыннан 10 млн сум акча бүленгән. Шундый үзәкләр агымдагы ел ахырына кадәр Чаллы, Түбән Кама, Әлмәт шәһәрләрендә һәм Байлар Сабасында сафка басачак. Бу энергия, ресурсларны сак тоту технологияләренең тормышыбыздагы ролен пропагандалауда мөһим эш. Әлеге демонстратив үзәкләр тәҗрибәсен алга таба Татарстанның башка шәһәр-районнарына тарату ниятләнә.