ЯҢАЛЫКЛАР
2019 елның 22нче ноябрендә "Яшел Үзән проект-конструкторлык бюросы" АҖ оешуына 70 ел тулуны билгеләп үттеләр.
Горький исемендәге мәдәният һәм халык иҗаты үзәгендә "ХXI гасырның өченче унъеллыгында суднолар төзелешен үстерүнең перспектив юнәлешләре" темасына фәнни-техник конференция узды.
Чара кунаклары өчен "Ак Барс" суднолар төзү корпорациясе" АҖнә керә торган предприятиеләр продукциясе күргәзмәсе, шулай ук республиканың иҗат коллективлары катнашында бәйрәм концерты оештырылды.
Бәйрәм чараларының мәртәбәле кунаклары арасында Татарстан Республикасы сәнәгать һәм сәүдә министры урынбасары Илдар Мингалиев, "Ак Барс" холдинг компаниясе" АҖ генераль директоры Иван Егоров, "Ак Барс" суднолар төзү корпорациясе" АҖ генераль директоры Ренат Мистахов, "Яшел Үзән ПКБ" АҖ генераль директоры Евгений Жирков һәм башкалар бар иде.
"Яшел Үзән ПКБ" АҖ материаллары буенча
Бу атнада Казакъстан Республикасының Россиядәге сәүдә вәкиле Нурлан Борамбаев Татарстан Республикасына визит ясады.
Эш программасы кысаларында Нурлан Оралбәк улы Татарстан Республикасы Премьер-министры Алексей Песошин белән очрашты. Очрашуда Татарстан Республикасы сәнәгать һәм сәүдә министры урынбасары Герман Лернер катнашты.
ТР Премьер-министры республиканың төп тармаклары үсеше турында сөйләде: нефть чыгару, нефть химиясе һәм нефть эшкәртү, шулай ук машина төзелеше кластеры – вертолет һәм самолетлар төзү, "КАМАЗ" зур йөк машиналары җитештерү, суднолар төзелеше һәм башкалар турында сүз барды.
Нурлан Борамбаев Казакъстан һәм Татарстан бизнесы арасындагы элемтәләрне ныгыту кирәклеген билгеләп үтте, шулай ук агросәнәгать комплексы өлкәсендә хезмәттәшлек итү турында тәкъдимнәр белдерде.
Казакъстан Республикасының Россиядәге сәүдә вәкиленең эш визиты югары технологияләр өлкәсендә эшләүче "ИТ-Парк" технопаркында һәм ТР Инвестицияле үсеш агентлыгында дәвам итте.
Нурлан Борамбаев визитының икенче көнендә Татарстан компанияләре вәкилләре белән адреслы очрашулар узды.
Казакъстан Республикасының Казан шәһәрендәге Генераль консуллыгы матбугат хезмәте материаллары буенча, фото ТР Президенты матбугат хезмәтеннән алынды
21 ноябрьдә Казан синтетик каучук заводының индустриаль партнеры "Синтез" АҖ ("Сәнәгать технологияләре" холдингы) предприятие продукциясен кулланучылар – судно төзүче заводлар белән, шул исәптән "Берләштерелгән суднолар төзелеше корпорациясе" белән, стратегик сессия үткәрде.
Очрашу Татарстан Республикасы Сәнәгать һәм сәүдә министрлыгында РФ Сәнәгать һәм сәүдә министрлыгы вәкилләре катнашында узды. Сессия кысаларында продукциянең кирәкле номенклатурасын, шул исәптән агымдагы елга да, 2020-2022 еллар перспективасына дәүләт оборона заказы кысаларында да, җибәрүне яңарту планнарына бәйле мәсьәләләр каралды.
Сессия кысаларында шулай ук "КСКЗ" ААҖ каралды. Эш нәтиҗәләре буенча чаралар планы төзелде һәм судно төзүче предприятиеләргә өзлексез төяп озатуны тәэмин итү турында килешүгә ирешелде.
"ПОЗиС" АҖ (Ростех дәүләт корпорациясенең "Техмаш" концернына керә) "Демография" илкүләм проектының "Өлкән буын" федераль проекты кысаларында бер миллион сумнан артык субсидия алган.
Предприятие Яшел Үзән шәһәренең халыкны эш белән тәэмин итү үзәге (Татарстан Республикасы) белән 50 яшь һәм аннан өлкәнрәк яшьтәге персоналны укытуга бюджет акчалары хисабына субсидия бирү турында килешү төзегән. Предприятие "Демография" илкүләм проектының "Өлкән буын" федераль проектында катнашып, әлеге максатларга үз акчаларын җәлеп итмәү мөмкинлеген алган.
Пенсия яшендәге 58 хезмәткәр кирәкле һөнәрләр буенча кыска вакытлы курслар узачак.
Предприятиенең 36 хезмәткәре "Механик җыю эшләре слесаре" белгечлеге буенча һөнәри белем алган. Әлеге юнәлеш буенча дәресләр 2020 ел һөнәри стандартларының квалификация таләпләрен исәпкә алып оештырылган. Җыюда технологик процессларның күнекмәләрен камилләштерү өчен һәр укучы лекцияләр тыңлаган һәм эш урынында җитештерү практикасы узган, "ПОЗиС" АҖ кадрлар әзерләү үзәге тарафыннан чыгарылган механик җыю эшләре буенча белешмәлек алган.
Шулай ук субсидия хисабына шәхси саклану чаралары да сатып алынган: махсус кием, аяк киеме, саклагыч күзлек, бармакчалы бияләйләр.
Әлеге акчалар сакчыл җитештерү инструментларына һәм методларына, остазлыкның заманча технологияләренә, компания эшенең нәтиҗәлелеген арттыру методларына, җитештерүчәнлекне арттыру технологияләренә өйрәтүгә кулланыла.
Тулы курс һәм уңышлы йомгаклау аттестациясен узганнан соң, укуларда катнашучыларга квалификация алу турында тиешле үрнәктәге документ биреләчәк.
"ПОЗиС" АҖ матбугат хезмәте материаллары буенча
"Электроника" компетенциясе буенча Татарстан Республикасының "Яшь профессионаллар"(WorldSkills Russia) 2019/2020 төбәк чемпионаты ярышлары Казан радиомеханика көллиятенең технология мәйданчыгы базасында җәелдерелде. Конкурста Казан радиомеханика көллияте, Казан энергетика көллияте, КНИТУ-КАИ Инженерлар лицее һөнәри белем бирү учреждениеләреннән 9 иң көчле вәкил катнашты. Үз көчләрен сынап карарга башка төбәктән – Чиләбе радиотехника техникумыннан да бер катнашучы килгән иде.
Мәйданчык югары таләпләргә һәм нормативларга туры китереп әзерләнгән иде. Конкурсантлар заманча җиһазлар белән эшләде һәм чемпионатның беренче көнендә "Аппарат белән тәэмин итү прототипын проектлау/ схемалар эшләү" һәм "Басма плата проектлау" А2 модульләре биремен үтәде.
Конкурсантлар шулай ук конкурс биременең IPC стандартына туры китереп, басма плата әзерләүне һәм җыюны үз эченә алган А3 модулен үтәүгә керешәчәк һәм алга таба төзексез урыннарын эзләп, электро приборларын ремонтлау һәм элчәү эшләрен башкарачак.
Көллият территориясендә "Яшь профессионаллар" ачык төбәк чемпионатын үткәрү кысаларында һөнәри юнәлеш бирүче һәм эшлекле чаралар үткәрелә: күргәзмәләр, укыту-методик берләшмәләр һәм мастер-класслар.
Казан радиомеханика көллияте материаллары буенча
Бүген Татарстан ДТРК радиосы эфирында (99.2 FM Казан, 92.1 FM Яр Чаллы, 103.9 FM Әлмәт, 101.1 FM Түбән Кама) "Хезмәт җитештерүчәнлеге һәм эш белән тәэмин итүгә ярдәм итү" илкүләм проектын һәм "Халыкара кооперация һәм экспорт" илкүләм проекты кысаларында икътисадның чимал булмаган секторыннан экспортер предприятиеләргә ярдәм итү буенча дәүләт программасын гамәлгә ашыру турында тапшыру чыкты.
Министр урынбасары Алмаз Хөсәенов илкүләм проект структурасына салынган төп максатлар һәм бурычлар, илкүләм проектта катнашучы предприятиеләр ирешкән икътисади нәтиҗәлелек һәм дәүләт ярдәме чаралары турында сөйләде.
Тапшыруны монда тыңларга мөмкин
Әлеге илкүләм проектларда катнашу буенча барлык сораулар белән түбәндәгечә мөрәҗәгать итәргә кирәк:
"Хезмәт җитештерүчәнлеген арттыру һәм эш белән тәэмин итүгә ярдәм итү" илкүләм проекты
Татарстан Республикасы Сәнәгать һәм сәүдә министрлыгы:
Екатерина Михайлова (843)210-02-87 Mihaylova.E.A@tatar.ru
Хезмәт җитештерүчәнлеге өлкәсендә төбәкнең компетенцияләр үзәге:
Шамил Бәйрәмов (843)272-19-41 Shamil.Bayramov@tatar.ru
"Халыкара кооперация һәм экспорт" илкүләм проекты
Татарстан Республикасы Сәнәгать һәм сәүдә министрлыгы:
Рамилә Мөхетдинова (843)210-05-88 Ramilya.Muhitdinova@tatar.ru
Татарстан Республикасына эш визиты белән Ханкинтатукку (Финляндия) компаниясенең директорлар советы рәисе, медицина фәннәре докторы, профессор Аймо Юхани Нисканен килде.
ТР Сәнәгать һәм сәүдә министрлыгында профессор белән очрашуны министр урынбасары Алексей Савельчев үткәрде. Яклар төрле категорияләрдәге азык-төлек өстәлмәләре җитештерү өлкәсендә хезмәттәшлек турында фикер алышты.
Профессорның Татарстан Республикасына килүенең төп максаты – "Йөрәк-кан тамырлары авырулы пациентларны амбулатор алып баруның көнүзәк мәсьәләләре" дигән россиякүләм конгрессында катнашу.
Сәнәгатьне үстерү фондының Экспертлар советы Татарстандагы "РИАТ" ААҖ предприятиесенә "Хезмәт җитештерүчәнлеге" программасы буенча 300 млн. сумлык кредит хуплаган. Компания җиһазлар сатып ала, җитештерү процессларын сакчыл җитештерү принципларын һәм методларын исәпкә алып оештыра һәм яңа модернизацияләнгән корпуста елына 2 меңгә кадәр махсус автомобиль җитештерә башлаячак. Үткәрелгән чаралар нәтиҗәсендә предприятиедә хезмәт җитештерүчәнлеге 2024 елга 40%ка артачак.
Алынган акчага төрле юлларда һәм климат шартларында файңадалану өчен өстәмә эшләп бетерелгән КАМАЗ автомобильләрен җитештерү өчен әзерләү, механик эшкәртү, эретеп ябыштыру, җыю һәм буяу җайланмалары комплекслары, махсус җиһазлар, үзбушаткыч һәм борт платформалары (тагылмалар), автоцистерналар һәм вакуум төягечләре өчен күп күчәрле шассилар сатып алыначак.
Производствоны җиһазлар белән тәэмин итү белән параллель рәвештә, предприятиедә канбан-системаларны, визуализация системаларын һ.б. сакчыл җитештерү принциплары һәм методлары нигезендә технологик чишелешләр җыелмасын гамәлгә кертү планлаштырыла. Моннан тыш, предприятие, CAD/CAM/CAE/ERP/APS/MES/WMS/PLM программа тәэминатын кулланып, продукция эшләү һәм чыгару процессларын "цифрлаштырырга" ниятли. Бу бердәм мәгълүмат киңлеген булдырып, аның ярдәмендә предприятиедәге идарә итүнең барлык автоматлаштырылган системалары, шулай ук сәнәгать җиһазлары (IoT - әйберләр интернеты) оператив рәвештә мәгълүмат алмаша алачак, бу исә җиһазларның һәм персоналның эш нәтиҗәлелеген бәяләргә мөмкинлек бирәчәк.
Проектның гомуми бюджеты 422,3 млн. сум тәшкил итә.
РФ Сәнәгатьне үстерү фонды матбугат хезмәте материаллары буенча
"Түбән Кама нефть химиясе" ГАҖ хезмәткәре – 3601нче цехның химия анализы лаборанты Рената Асылгәрәева "Яшь профессионаллар" (Ворлдскиллс Россия) төбәк чемпионатында беренче урын яулаган. Ярышларның чираттагы этабы 11-16 ноябрь көннәрендә Түбән Каманың Н.В.Лемаев исемендәге нефть химиясе һәм нефть эшкәртү көллиятендә узган.
Рената Асылгәрәева 22 яшькә кадәрге категорияләрдә "Лаборатор химия анализы" компетенциясендә катнашкан. Җиңүче исеме өчен Түбән Кама, Бөгелмә, Алабуга һәм Казаннан барлыгы 7 яшь белгеч көрәшкән. Ярышның беренче ике көнендә катнашучылар һәм экспертлар җиһазлар белән танышкан, матдәләр составын билгеләү методикасын өйрәнгәннәр.
Чемпионат эксперты сыйфатында "Нижнекамскнефтехим" ГАҖ 3601 нче цехының әйдәүче белгече Мария Ильина чыгыш ясаган.
Экспертның тырыш хезмәте һәм чемпионатка әзерлек барышында катнашучының нәтиҗәле һәм көйле эше нәтиҗәсендә, Асылгәрәева Рената, 548 балл җыеп, I урынны яулаган.
Нәтиҗәләр ясаганда биремне үтәүгә сарыф ителгән вакыт, аны үтәү сыйфаты, куркынычсызлык техникасын үтәү исәпкә алынган.
"Яшь профессионаллар" илкүләм чемпионатының финалы 2020 елда Кемерово өлкәсендә узачак.
"Нижнекамскнефтехим" ГАҖ матбугат хезмәте материаллары буенча
Казан милли тикшеренү технология университеты нефть-газ химиясе предприятиеләре хезмәткәрләренең һәм югары уку йортлары укытучыларының квалификациясен күтәрү буенча өстәмә һөнәри программаларны гамәлгә ашыра башлаячак.
Тыңлаучылар өчен проектлар бушлай – алынган грантлар кысаларында программаларны гамәлгә ашыру чыгымнарын дәүләт субсидияли.
Проектларның берсе – тармак предприятиеләре хезмәткәрләренең, шулай ук 17 өстәмә һөнәри программаның берсе яки берничәсе буенча мәнфәгатьле гражданнарның квалификациясен күтәрүгә юнәлдерелгән. Алар ихтыяҗ булган программалардан гыйбарәт, әйтик:
- "Нефть-газ эше нигезләре";
- "Технологик процессларны һәм җитештерүне автоматлаштыру";
- "Заманча предприятиедә (оешмада) хезмәтне саклау белән идарә итү системасында нәтиҗәле корал буларак профессиональ хәвеф-хәтәрләрне бәяләү";
- "Яшь белгечләрне адаптацияләү һәм аларның һөнәри күнекмәләрен камилләштерү";
- "Газ эшкәртү һәм җитештерелә торган продукциянең сыйфатын арттыру";
- "Нефть химиясе производстволары технологиясе";
- "Нефть-газ җитештерү җиһазлары";
- "Нефть һәм газ продукциясенең сыйфаты";
- "Юынты суларны чистарту процессларында нанотехнологияләрне куллану";
- "Лак-буяу өчен яңа материаллар һәм технологияләр" һ.б.
Тәкъдим ителгән барлык программалар буенча укыту көндезге һәм дистанцион форматта оештырылачак: укытуның ярты вакытын тыңлаучылар турыдан-туры белем алачак, тагын ярты вакытын читтән торып белем бирү технологияләре ярдәмендә белем алачак. Дәресләрне югары квалификацияле укытучылар – профессорлар, доцентлар һәм предприятие һәм оешмаларның гамәлдәге белгечләре үткәрәчәк. Программалар КНИТУ да, заказчы территориясендә дә гамәлгә ашырылачак.
Нефть химиясе өлкәсендәге программаларны тыңлаучылар арасында шулай ук үз компетенцияләрен киңәйтергә, яңа өлкәдә база белемнәрен алырга, карьера үсешен тәэмин итәргә яки эшне алыштырырга теләгән югары һәм урта һөнәри белемле затлар да катнаша ала.
Программаларда катнашу өчен заявканы 2019 елның 25 ноябреннән 20 декабренә кадәр тапшырырга мөмкин. Дәресләр төркемнәр туплануга карап башланачак. Барлык программалар да квалификация турында документ – билгеләнгән үрнәктәге таныклыклар бирү белән тәмамланачак.
Тулырак мәгълүмат алу өчен:
8 (843) 279-40-49, 231-41-02
idpoknitu@mail.ru
Программалар турында тулырак:
http://www.kstu.ru/article.jsp?id=0&id_e=105512
http://www.kstu.ru/event.jsp?id_a=24247&id=105514
Казан милли тикшеренү технология университетының матбугат хезмәте материаллары буенча