Чаллыда Бәясез челтәрләр союзы форумы узды

2014 елның 13 һәм 14 маенда Чаллының “Чаллы ипие сәүдә йорты”нда “Фреш һәм шәхси җитештерү” бәйсез челтәрләр союзы эшлекле форумы узды. Форумда Татарстан Республикасы сәнәгать һәм сәүдә министры урынбасары Рашат Фәттахов, халыкара экспертлар, Россиянең 24 регионнан, шул исәптән, Түбән Новгород, Тольятти, Иҗау, Иркутск, Уфа, Магнитогорск, Рязань, Великий Лук, Ангарск, Екатеринбург, Муром, Нальчик, Пенза һәм башка шәһәрләрдән 70 артык сәүдә челтәрләре вәкилләре катнашты.
Форум барышында FRESH-категорияләре юнәлешләрен үстерү тенденцияләре белән бәйле мәсьәләләр турында фикер алаштылар. Шулай ук хезмәт җитештерүчәнлеген үстерү, аның шәхси җитештерүле продукцияне реализацияләү һәм эшләп чыгару күрсәткечләре үсешенә йогынтысы каралды. Форумда катнашучылар чыгымнарны кыскарту, “Сакчыл җитештерү” технологияләрен кертү ярдәмендә хезмәтне оптимизацияләү өлкәсендә тәҗрибәләре белән уртаклаштылар.
Катнашучылар Чаллыда урнашкан «CHELNY FOOD», «Челны – хлеб», «Челны Логистик», «FRESHMARKET» супермаркетын карадылар. Алар форум программасы кысаларында үткәрелгән чараларны югары бәяләделәр.
Мәгълүмат өчен:
Фреш–продуктлары категориясенә яшелчә, җиләк–җимеш, яңа суйган ит, кош ите, балык, сөт продуктлары, ипи, шәхси җитештергән продукция керә.