Татарстанда Россия компоненты базасын эшләү үзәге булдырылды
Ул гаять мөһим автокомпонентларны проектлау, эшләү һәм производствога кую, шулай ук, фәнни-тикшеренү һәм тәҗрибә-конструкторлык эшләрен уздырудан алып аларның нәтиҗәләрен производствода кертүгә һәм автомобиль җыю заводларына серияле тәэмин итүгә кадәр, инженерлык хезмәтләренең тулы спектрын тәкъдим итүгә юнәлдерелгән.
«НАМИ» федераль дәүләт унитар предприятиесенең Казандагы филиалы инжиниринг үзәкләренең милли челтәренең бер өлеше булачак һәм КФУ, КНИТУ һәм КАИ да кертеп, алдынгы техник югары уку йортлары, шулай ук сәнәгать партнерлары, автокомпонентлар җитештерүчеләр һәм республиканың башка предприятиеләре белән хезмәттәшлек итәчәк.
«ИДЕЯ» ИПТ лабораториясе, шулай ук КНИТУ белән берлектә үзәк үз мөмкинлекләрен киңәйтте һәм технологик бурычларның киң спектры өлкәсендә гамәли эшләнмәләр башкарырга, импортны алмаштыру бурычларын үтәгәндә материаллар составын, структурасын һәм үзлекләрен тикшерергә, шулай ук заказ бирүченең конкрет бурычлары өчен тикшеренү методикаларын эшләргә сәләтле.
Бүген үзәктә Россиянең фән һәм югары белем министры Валерий Фальков, РФ сәнәгать һәм сәүдә министры урынбасары Альберт Кәримов, Татарстан Рәисе Рөстәм Миңнеханов, ТР Премьер-министры урынбасары – сәнәгать һәм сәүдә министры Олег Коробченко һәм башкалар булды.