«Беренче яртыеллыкта Татарстан Республикасы сәнәгате узган елның шул ук чоры белән чагыштырганда 6,2% ка күбрәк продукция җитештергән»
Бу хакта Татарстан Премьер-министры урынбасары — сәнәгать һәм сәүдә министры Олег Коробченко республика киңәшмәсендә хәбәр итте. Ул республика Рәисе Рөстәм Миңнеханов җитәкчелегендә узды.
Олег Коробченко «2026 елда икътисадның тотрыклы нәтиҗәле үсешен тәэмин итү буенча чаралар планын гамәлгә ашыру буенча Татарстан Республикасы Сәнәгать һәм сәүдә министрлыгы тарафыннан башкарыла торган эш турында» доклад белән чыгыш ясады.
Төп тезислар:
- Уңай динамикада элеккечә эшкәртү сәнәгате төп роль уйный. Аның өлеше 80% диярлек.
- Татарстан компанияләре импорт белән мәшгуль булган урыннарны үзләштерә. Мәсәлән, ПЭТФ-сүс һәм җеп – җиңел сәнәгать өчен төп чимал.
- Республикада «Яңа материаллар һәм химия» илкүләм проекты кысаларында
ПЭТФ-сүс җитештерүнең технологик чылбыры булдырыла. Гомуми чыгымнар 450 млрд.сумнан артып китәчәк. Проект барлык текстиль предприятиеләрен үзебезнең чимал белән тәэмин итәчәк һәм тышкы тәэмин итүләргә бәйлелекне киметәчәк.
- Машина төзелешендә ел башыннан төяп җибәрү 50% диярлек арткан һәм 1 трлн 254 млрд.сум булган.
- 2025 ел ахырында йөк машиналарын җитештерүдә тулаем ил буенча 30% ка кимү күзәтелгән. Әмма КАМАЗ базарда үз өлешен К5 буыны йөк машиналары сегментындагы позицияләрен кайтару хисабына арттыра – аерым алганда, магистраль тягачларда һәм үзбушаткыч техникада.
- Безнең бурыч Россия йөк машиналары җитештерүчеләрен базарда демпингка каршы тору өчен берләштерү. Тармакны берләштерү, шулай ук уртак чишелешләр эшләү өчен Татарстанда беренче мәртәбә Комтранс коммерция автомобильләре халыкара күргәзмәсе уздырыла.
- Агымдагы елда РариТЭК газ-мотор техникасы җитештерүгә махсус инвестиция контрактын гамәлгә ашыруга кереште. Инвестицияләр 4 млрд.сум тәшкил итәчәк.
- Төбәк компетенцияләр үзәге «Сакчыл роботлаштыру: үзеңнең киләчәк заводыңны төзе» дигән яңа тренинг әзерләде. Һәм инде 2027 елда предприятиеләр җитәкчеләре үз тәҗрибәләрендә җитештерүдә роботлар кертүнең файдасын тою өчен үзләре конвейер янына басачак.
- Казан авиация заводында масштаблы модернизация тәмамланып килә. Җитештерү планы нигезендә 2026 елда предприятие махсус заказчылар өчен дүрт Ту-214 чыгарырга планлаштыра.
- 2026 елның февралендә Россия гадәттән тыш хәлләр министрлыгына Арктикада башкарылган дүрт модернизацияләнгән Ми-38ПС вертолеты тапшырылды. Бу Казан вертолет заводы чыгарган беренче шундый партия.
- Сәнәгатьнең нигезен энергетика тәшкил итә. Электр энергиясен эшләп чыгару 7 айда сәгатенә 19,4 млрд⋅ кВтка кадәр арткан. Үсеш 10,5% тан артык. Бу гомумроссия күрсәткеченнән күп тапкырлар артып китә
- Питрәчтә тиздән 110 кВ көчәнешле цифрлы подстанция файдалануга тапшырылачак.
- 7 ай нәтиҗәләре буенча табигый газ куллану 10,3 млрд.кубометрдан артып киткән. Мондый үсешнең төп сәбәбе энергетика предприятиеләренең актив куллануына бәйле. Бу җитештерү күләмнәрен арттыру һәм тулаем икътисадны үстерү турында сөйли.
- Яртыеллык йомгаклары буенча метанга 122 берәмлек техника җиһазландырылып, газ моторлы 69 транспорт чарасы сатып алынган.
- 6 айда ваклап сату әйләнеше 928 млрд.сумнан артып киткән.
- Чимал булмаган энергетик булмаган экспорт 14,4% ка арткан.
- Без Азия Һәм Африка илләре белән хезмәттәшлекне актив ныгытабыз. Мисыр белән сәүдә әйләнеше 4,5 тапкырга, БГӘ белән – 2 тапкырга диярлек, Һиндстан белән – 1,5 тапкырга, Марокко белән 85% ка арткан.
- 6 ай эчендә Татарстан компанияләре Россия Сәнәгать һәм сәүдә министрлыгы линиясе буенча 58 млрд.сумнан артык максатчан субсидия алган.