Татарстанда янбаш-бот буыннары эндопротезлары өчен компонентлар производствосы булдырылды
«Анатомика» компаниясе «Зеленодольск» сәнәгать паркында янбаш-бот буыннары эндопротезларын тулы цикллы яңа югары технологияле җитештерүне башлап җибәрде. Предприятие елына 20 меңләп эндопротез комплекты чыгарырга планлаштыра.
Инвестицияләр күләме – 461 млн.сум. Шуның 180 млн.сумы – федераль Сәнәгатьне үстерү фондыннан һәм 20 млн.сумы Татарстан Республикасының Инвестиция-венчур фондыннан бирелгән. Акчалар «Комплектлаучы эшләнмәләр» федераль-төбәк уртак программасы буенча ташламалы заем рәвешендә бирелгән.
Тулы җитештерү циклы оча-бот буыннары эндопротезы компонентларын – тез башларын, тез чынаякларын, аякларны, кыстырмаларны, сөяк винтларын эшләүне, шулай ук материалларны механик эшкәртүне, өслек салуны, маркировкалауны, стерильләштерүне һәм төргәкләүне үз эченә ала.
Компания илебезнең оча-бот буыннары эндопротезлары базарының гомуми күләмен елына якынча 180 мең комплект дип бәяли. Проект куәтенә чыкканнан соң «Анатомика» Россия базарының 10% алырга һәм ике сменалы эш режимына күчкән очракта өлешне икеләтә арттырырга планлаштыра.
Титан эретмәләре һәм югары молекуляр полиэтилен куллану нәтиҗәсендә җитештерелә торган эндопротезлар озакка сузыла – хезмәт итү вакыты 15 елга һәм аннан да күбрәккә җитә. Моннан тыш, материаллар биологик сыеклыклар тәэсире шартларында коррозиягә һәм механик йөкләнешләргә чыдам.
Оча-бот буын эндопротезы комплектын җитештерүне локальләштерү 80% тәшкил итә. Күбесенчә үзебезнең ил материаллары кулланыла.
Эндопротезлау – сәламәт буын функциясен имитацияли торган җайланма имплантациясе. Иңбаш, тез һәм оча-бот буыннарын эндопротезлау буенча операцияләр аеруча киң таралган.