Татарстан нефть-газ химиясе форумы БРИКС һәм ЕАЭС илләреннән 200дән артык компанияне җыячак
Ул 26 августтан 28 августка кадәр «Казан Экспо» ХКҮ узачак.
Татарстан сәнәгать һәм сәүдә министры урынбасары Дмитрий Гуськов җитәкчелегендә форумга әзерлек буенча киңәшмә узды.
«Форумның эш программасына кадрлар буенча 4 халыкара, бер бөтенроссия конференциясе һәм практик конференция, 4 түгәрәк өстәл, «Газпром», «Татнефть» Тәэминатчылары көннәре керә. Моннан тыш, мәктәп укучыларына, суз укучыларына, студентларга, яшь белгечләргә, шулай ук нефть-газ химиясе комплексының һөнәри бергәлегенә исәпләнгән Яшьләр көне узачак», – дип хәбәр итте Дмитрий Гуськов.
Аның сүзләренчә, төп чара Татарстанда девон нефте ачылуга 80 ел тулуга багышланган «Технологик лидерлык һәм тотрыклы үсеш: нефть-газ тармагының киләчәге өчен инновацион алымнар һәм хәл ителешләр» халыкара фәнни-гамәли конференциясенең пленар утырышы булачак.
Шулай ук форум кысаларында «Казан: НЕФТЬ, ГАЗ, ХИМИЯ» халыкара күргәзмәсе узачак. Чара Россиядән, БРИКС, ШОС, ЕАЭС һәм БДБ илләреннән 200дән артык компания-экспонентны 10 мең кв.метрдан артык мәйданда берләштерәчәк.
Форумга түбәндәге сылтама буенча теркәлергә: kazan-ogc.ru/