“ЕЛАЗ”да хезмәт җитештерүчәнлеген арттыру буенча “Флагман” инновацион проекты гамәлгә ашырыла

2013 елның 11 декабрендә Алабуга заводының җитештерү мәйданчыгында хезмәт җитештерүчәнлеген арттыруга багышланган “Флагман” инновацион проектын төгәлләү һәм «Флагаман-2», «Флагман-3» проектларын башлап җибәрүгә багышланган тантаналы чара булып узды. Ул Татарстан Республикасы сәнәгать һәм сәүдә министрлыгының һәм "Татмедиа" матбугат һәм массакүләм коммуникацияләр буенча республика агентлыгының хезмәт кешесен пропагандалау, эшче һәм инженер белгечлекләренең абруен арттыру өлкәсендәге эшчәнлеге, шулай ук республикада “Сакчыл җитештерү” методикасын кертү буенча ведомствоара эшче төркем эше кысаларында үткәрелде.
Тантаналы чарада Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов, Татарстан Республикасының сәнәгать һәм сәүдә министры урынбасары Гөлнара Әхмәдиева, Алабуга шәһәре администрациясе вәкилләре, «ЕЛАЗ» җитештерү берләшмәсе” ААҖ һәм республика предприятиеләре җитәкчеләре һәм хезмәт коллективлары вәкилләре, “Лин Коучинг” компаниясе Лин- ренерлары, Алабуганың югары һәм урта техник уку йортлары студентлары катнашты.
Татарстан Республикасы Премьер-министры урынбасары - Татарстан Республикасы сәнәгать һәм сәүдә министры Равил Зарипов әйтүенчә, “Татарстан Республикасы Президенты Рөстәм Миңнеханов һәм республика Хөкүмәте ярдәмендә гамәлгә ашырыла торган “Сакчыл җитештерү” проекты республиканың социаль- икътисади үсеш стратегиясенең аерылгысыз өлеше булып тора”.
Республикада “2012- 2013 елларда Татарстанда “Сакчыл җитештерү” проектын гамәлгә ашыру” максатчан программасын тормышка ашыру буенча эш алып барыла. Программаның максаты - хезмәт җитештерүчәнлеген үстерү, предприятиеләрнең рентабельлек дәрәҗәсен арттыру, республика икътисадының төрле өлкәләре өчен һөнәри Лин-кадрлар әзерләү.
Равил Зарипов билгеләп үткәнчә, “хәзерге вакытта ”Лин-технологияләрне” кертү проектында республика икътисадының төрле тармакларындагы 139 предприятие һәм оешма катнаша, алар машина төзелеше, җиңел сәнәгать, нефть химиясе, энергетика, авыл хуҗалыгы, транспорт һәм элемтә, торак - коммуналь хужалык һәм сәламәтлек саклау тармакларына карый.
“Сакчыл җитештерү” принципларын һәм инструментларын куллана торган предприятиеләр, минималь кертемнәр кулланып, югары күрсәткечләргә ирешәләр. Лин-технологияләр кулланудан икътисади нәтиҗә шактый зур. 2013 елның 9 ае нәтиҗәләре буенча республика предприятиеләре Лин-технологияләрне кулланудан шактый зур - 2 млрд. сумнан артык икътисади файда алдылар.
“ЕЛАЗ”да берничә ел дәвамында системалы рәвештә Лин-технологияләр кулланыла. 2004 елдан башлап “Сакчыл җитештерү” методикасын кертүдән икътисади нәтиҗә 300 млн.сум, 44 000 кв.м. җитештерү мәйданчыклары һәм 300 берәмлек җиһаз тәшкил итте. Хезмәткәрләр тарафыннан 9600 артык кайдзен-тәкъдим керде. Заводта барлык эш урыннары 5S системасы белән тәэмин ителгән, предприятиенең 1100 артык хезмәткәре “Сакчыл җитештерү” принципларына һәм методларына өйрәтелгән.
Бер ел элек “ЕЛАЗ”да хезмәт җитештерүчәнлеген арттыру буенча масштаблы “Флагман” проектына старт бирелде. Проект «Лин Коучинг» халыкара белгеч – компаниясе катнашында җитештерү берләшмәсенең нефть чыгару буенча махсус техника җыю цехында гамәлгә ашырыла.
Проектның максаты – Лин принципларына һәм методларына нигезләнгән нефть махсус техникасын җитештерү процессларын оптимизацияләүдә заман стандартларын, методларын һәм идарә итү технологияләрен кертү.
“Флагман“ проектын гамәлгә ашыру кысаларында “ЕЛАЗ“да республика предприятиеләре җитәкчеләре һәм белгечләре өчен «Лего-симуляция» укулары үткәрелде.
Проектны гамәлгә ашыру нәтиҗәсендә түбәндәге күрсәткечләргә ирешелде:
• җитештерү процессларын оптимизацияләү һәм хезмәт җитештерүчәнлеген арттыру нәтиҗәсендә, җитештерү күләме 25% артты;
• бракны киметү аркасында, чыгарыла торган продукциянең сыйфаты 30%ка артты;
• гарантияле хезмәт күрсәтү буенча шикаятьләр һәм зарланулар 30%ка кимеде;
• предприятиеләрдә үзләренең Лин- командалары оештырылды.
“ЕЛАЗ”да “Флагман” проекты төгәлләнгәч, агрегат һәм металлоконструкцияләр цехында хезмәт җитештерүчәнлеген үстерү буенча яңа «Флагман-2» һәм «Флагман-3» проектлары старт алачаклар.