Татарстан Сәнәгать һәм сәүдә министрлыгы башлыгы Олег Коробченко һәм РФ Дәүләт Думасы депутаты Илья Вольфсон кадрлар проблемасын хәл итү инициативалары турында фикер алыштылар
Столбище янындагы DoorHan технопаркы төзелеше мәйданчыгында Лаеш районы башлыгы Илдус Зарипов белән предприятиеләрдә кадрлар кытлыгы проблемасы турында фикер алыштылар.
Илнең, республиканың хезмәт базарындагы дисбалансының бер сәбәбе – үзмәшгульләр файдасына ташламалы салым режимы, мәсәлән, курьерлар шундыйлар рәтенә басарга ашыккан.
«Бүгенге көндә Татарстанда үзмәшгульләр саны эшкәртү сәнәгате, төзелеш, энергетика һәм ТКХ, авыл хуҗалыгы, файдалы казылмалар чыгару хезмәткәрләренә караганда күбрәк, — дип билгеләп үтте министр. – МХО башланганчы без үзмәшгульләрне, алар легальләшсен өчен, закон чыгару яссылыгына кертергә тырыштык. Хәзер дәүләт өстенлекләре үзгәрде, чөнки бездә сәнәгатьтә кадрлар җитми. Әгәр без көчләр балансын законнар белән җайга сала алсак, ул чагында үзебез (мигрантлар ярдәменнән башка) кадрларга ихтыяҗны каплый алачакбыз».
Ул хезмәткәрнең икътисадый нәтиҗәсе, мәсәлән, автомобиль заводында елына 1 млн салым, вертолет заводында 2,6 млн салым, нефть химиясе тармагында 5 млн артык салым булуы турындагы мәгълүматларны китерде. Үзмәшгульләр бюджетка елына уртача 6 мең сум китерә.
Олег Коробченко һәм Илья Вольфсон бу юнәлеш буенча конкрет тәкъдимнәр әзерләргә килештеләр — кешеләр, дәүләт һәм бизнес мәнфәгатьләре балансын саклау өчен гомуми стратегия эшләргә кирәк.