Татарстан Республикасы делегациясенең Германиягә эш сәфәре

15 –17 октярьдә Татарстан Республикасы Президенты Рөстәм Миңнеханов җитәкчелегендә делегация Германиягә эш визиты белән барачак. Делегация составында Татарстан Республикасы Премьер-министры урынбасары - сәнәгать һәм сәүдә министры Равил Зарипов, Татарстан Республикасы Президенты ярдәмчесе Ринат Сабиров, Татарстан Республикасының Чехия Республикасындагы Сәүдә – икътисад вәкиле Зөфәр Абдулгалеев, министрлыклар һәм ведомстволар, эре сәнәгать предприятиеләре һәм республика вузлары җитәкчеләре бар.
ГФРга баруның максаты – Төньяк Рейн–Вестфалия һәм Тюрингия федераль җирлегенең икътисадый һәм инвестицион потенциалы белән танышу, төрле өлкәләрдә (автокомпонентлар җитештерү, станоклар төзелеше, нефтехимия, мәгариф, сәламәтлекне саклау, IT – технологияләр) ике арадагы файдалы хезмәттәшлекне ныгытуга багышланган мәсьәләләр буенча фикер алышу.
15–16 октябрьдә Германияәгә сәфәр кысаларында Татарстан Республикасы Президенты Рөстәм Миңнеханов җитәкләгән делегация вәкилләре Премьер–министр урынбасары, Төньяк Рейн–Вестфалия җиренең министры Сильвией Лёрман белән очрашачак.
16 октябрьдә Татарстан Республикасы Президенты Рөстәм Миңнеханов җитәкләгән делегация Германия Федератив Республикасына сәфәр кысаларында XIX Халыкара "К-Меssе" пластмасс һәм каучук күргәзмәсе белән танышачак. Кургәзмә белен танышу барышында ике яклы хезмәттәшлек турында килешүләр имзаланачак дип көтелә.
Татарстан делегациясе «RED Aircraft» компаниясенең заводы белән танышачак, "Broetje" компаниясе җитәкчелеге белән очрашу булачак.

2013 елның 17 октябрендә Эрфурт шәһәрендә Татарстан Республикасы Президенты Рөстәм Миңнеханов һәм Тюрингия Премьер–министры Кристина Либеркнехт катнашында “Тюрингия Татарстанны каршы ала” икътисад форумы форумы кысаларында Татарстан делегациясе Германия эшмәкәрләре белән очрашачак.
ГФРнда Татарстан делегациясе эшенең программасында «Эрфурт хачы» сәнәгать үзәгендә һәм Ильменау техник университетында булуы каралган.
Татарстан Республикасы Сәнәгать һәм сәүдә министры Равил Зарипов сүзләренә караганда, “Германия Татарстанның стратегик әһәмиятле партнерларының берсе. Соңгы 5 ел эчендә ике арадагы тышкы сәүдә әйләнеше күләме 1,8 тапкырга үсеп, 2012 елда 1 млрд. евродан артык булган, ә агымдагы елның беренче яртысында 475 млн. евро тәшкил иткән. Бүген Татарстанда Германия инвесторлары катнашындагы 82 сәүдә предприятиесе теркәлгән.
Равил Зарипов Татарстан белән Германия арасында булган мөнәсәбәтләре күп юнәлешле стратегик партнерлылык характерында булуын ассызыклый. Равил Зарипов әйтүенчә, ике арада булган машина төзелеше, химия, нефтехимия, фәнни–техник һәм инфестицион өлкәләрендәге проектлар үзара файдалы хезмәттәшлек өчен иң өметлеләре булып тора.