«ИННОПРОМ-2024» халыкара сәнәгать күргәзмәсендә химия буенча яңа илкүләм проект турында фикер алыштылар
Күргәзмә кырларында беренче тапкыр Россия Федерациясе сәнәгать һәм сәүдә министры Антон Алиханов рәислегендә импортны алыштыру буенча Хөкүмәт комиссиясе каршындагы сәнәгать һәм нефть-газ химиясе продукциясендә импортны алыштыру буенча Координация советының берләштерелгән утырышы узды. Анда Татарстан Премьер-министры урынбасары – сәнәгать һәм сәүдә министры Олег Коробченко катнашты.
Химия, сирәк җирләр һәм биотехнологияләр төбәк үзенчәлекләренә ия. Әлеге тармакларның төп проектлары конкрет территорияләргә бәйле һәм икътисадның һәм урыннарда мәшгульлекнең нигезен тәшкил итә. Шул ук вакытта, гомуммилли масштабта илкүләм проектның 4 тармагы тулаем эчке продуктның 2% артыгын тәшкил итә, ә химия чимал һәм энергетик булмаган экспорт күләме буенча лидерлык позицияләрен биләп тора. Илкүләм проектка кертелгән тармакларның сәнәгать өчен бөтенләй әһәмиятле булуы да мөһим. Димәк, илкүләм проектны үстерү һәм гамәлгә ашыру дәрәҗәсенә эшкәртү сәнәгатенең дистәләгән тармагының технологик суверенитеты бәйле булачак.
Антон Алиханов билгеләп үткәнчә, беренче чиратта аерым әһәмиятле актив матдәләр, тудырылмалар яки ярым продуктлар булмаган продукт чылбырын торгызырга кирәк.
«Мондый проектларның икътисады капитал таләп итү һәм ил чикләрендә ихтыяҗ чикләнгәнлектән катлаулы. Шуңа күрә монда бюджет ярдәме чаралары һәм мәнфәгатьле бизнесның катнашуы кирәк», – диде министр.
Шулай ук фәнни институтлар һәм югары уку йортлары, аерым продукт юнәлешләре буенча федераль компетенцияләр үзәкләре катнашында яңа кечкенә производстволар булдырырга кирәк.
Яңа продуктларны серияле җитештерү һәм үзләштерүдә фән һәм бизнес тырышлыкларын берләштерергә мөмкинлек бирүче Федераль химия үзәген булдыру шактый әһәмиятле булачак.
Утырыш ахырында Антон Алиханов Олег Коробченконы Россия Сәнәгать һәм сәүдә министрлыгы белән хезмәттәшлек кысаларында сәнәгать потенциалын үстерү бурычларын хәл итүдә ярдәм иткәне һәм актив эшчәнлеге өчен Мактау грамотасы белән бүләкләде.