Александр Новак: «ТНФ абруйлы халыкара чарага әверелде»
31 августта Казанда Татарстан нефть-газ химиясе форумы-2023 старт алды. Ул Татарстанда нефть чыгаруның 80 еллыгына багышланган. Анда 180дән артык компания, чит илләр һәм Россия төбәкләре вәкилләре катнаша.
Форумда түбәндәге делегацияләр катнаша:
- Беларусь Республикасы
- КХР
- БГӘ
- Төркия
- Бәһрәйн Патшалыгы
- Экваториаль Гвинея
- Казахстан Республикасы
- Әзербайҗан
- Үзбәкстан һ.б.
Форумны тантаналы ачуда сәламләү сүзе белән Татарстан Рәисе Рөстәм Миңнеханов, Беларусь Республикасы Премьер-министры урынбасары Пётр Пархомчик, шулай ук Россия Нефть, газ сәнәгатьчеләре берлеге советы рәисе Юрий Шафраник, Дунъин мэры урынбасары Ян Тунсянь чыгыш ясады.
Моннан тыш, республика Рәисе ачылыш тантанасында җиңүчеләрне иң яхшы проектлар/техник карарлар конкурсында гран-при дипломнары белән бүләкләде:
- Экология һәм сәнәгать куркынычсызлыгы өлкәсендә – «Татнефть-Пресскомпозит» ҖЧҖ (нефть тармагында пыяла-пластик җиһазлар кертү буенча комплекслы чишелеш уйлап тапкан өчен)
- «Нефть чыгаруда һәм нефть химиясендә иң яхшы цифрлы чишелеш» номинациясендә – «ТатИТнефть» ҖЧҖ (скважиналар төзү графигын формалаштыруның автоматлаштырылган системасын эшләгән өчен («Автографик»))
- «Машина төзелеше өлкәсендә нефть чыгару өчен иң яхшы проект/техник чишелеш» номинациясендә – «Шешмаойл» ИК ҖЧҖ (НЭМП манжет паркеры белән эжектор насосы ярдәмендә сыеклыкны катастрофик йота торган скважиналарны бораулауда технологик ярдәмлек эшләгән өчен)
- «Импортны алмаштыруда иң яхшы проект/техник чишелеш» номинациясендә – «Кама» сәүдә йорты» ҖЧҖ (төп күчерешкә 315/70R22.5 KAMA PRO NR102 йөк металл кордлы шинасын эшләгән өчен)
- «Катламнарның нефть бирүчәнлеген арттыру өчен технологияләр һәм эшләнмәләр» номинациясендә – «РИТЭК» ҖЧҖ (СО2 «Huff & Puff» ПАВ-эретүче ярдәмендә чыгару скважиналарына кертү технологиясен эшләгән өчен)
- «Җитештерүдә химик-технологик процессларның нәтиҗәлелеген арттыру өлкәсендә иң яхшы проект/техник чишелеш» номинациясендә – «ТАНЕКО» АҖ (параксилол һәм аннан соң ПЭТФ-продукция өчен чимал булган терефталь кислотасы алып, ароматик углеводородларны эшкәртү тирәнлеген арттыру буенча эшләнмә өчен).
Аннан соң Татарстан Республикасы Сәнәгать һәм сәүдә министрлыгы башлыгы Олег Коробченко, ТР Рәисе һәм форум кунаклары белән бергә, «Казан Экспо» ХКҮ зур күргәзмә карадылар. Иң зур нефть-газ химиясе экспозициясе 10 мең м2 артык биләп тора.
Биредә газ һәм нефть җиһазлары җитештерүчеләр һәм тәэмин итүчеләр, нефть корпорацияләре һәм холдинглары, нефть-газ чыгару һәм эшкәртү, нефть химиясе предприятиеләре тәкъдим ителә. Күргәзмәнең аерым бүлеге авыр техника һәм транспорт экспозициясе белән тәкъдим ителгән.
Катнашучылар арасында: СИБУР, «Росатом» ВНИИ, Татнефть, ТАИФ-НК, ТаграС-Холдинг, «Газпром кысылган газ технологияләре» (Санкт-Петербург), «Газпром газомотор ягулыгы» (Казан), «Нефтеконсорциум МНК», БЕЛНЕФТЕХИМ (Минск), ГМС төркеме, Kama Tyres, «Алабуга» МИЗ, Акрон-холдинг, Казан пирохим, НЧТЗ, SOCAR (Әзербайҗан) һәм башка бик күп предприятиеләр бар.
Беренче көннең төп чарасы булып Россиянең нефть-газ компанияләренең заманча шартларда үсеш перспективаларына багышланган пленар утырыш булды, анда спикерлар булып түбәндәгеләр чыгыш ясады:
- Россия Нефть һәм газ сәнәгате сәнәгате берлеге советы рәисе Юрий Шафраник – «2030 елга кадәр Россиядә нефть-сервес тармагын үстерү перспективалары» темасы белән;
- «Газпром» ГАҖ идарәсе рәисе урынбасары Олег Аксутин – «Газпром» ГАҖ заманча шартларда үсеш перспективалары» темасы белән;
- Академик Валерий Крюков – «Альберта провинциясе (Канада) һәм Татарстан Республикасы (Россия) югары үзле нефть мисалында углеводородлар чыгаруның үзгәрә торган ресурс базасын үзләштерүнең институциональ кысаларын формалаштыруга якын килүләрне чагыштырма анализлау» темасы белән;
- Файдалы казылмалар запаслары буенча дәүләт комиссиясенең генераль директоры Игорь Шпуров – «Авыр чыгарыла торган углеводород запаслары: хәзерге һәм киләчәк» темасы белән.
Шулай ук форумда катнашучыларны пленар утырышта үзенең видео мөрәҗәгатендә РФ Хөкүмәте Рәисе урынбасары Александр Новак та сәламләде.
«Бүген Татарстан нефте ил икътисадын да, кайбер чит илләрне дә энергия ресурслары белән тәэмин итүгә зур өлеш кертүен дәвам итә», – дип билгеләп үтте ул.
Александр Новак ассызыклаганча, Татарстан илебезнең әйдәп баручы химия, нефть химиясе үзәкләренең берсе булып санала.
Форум кырында Олег Коробченко Рөстәм Миңнеханов белән бергә түбәндәгеләр белән күреште:
- Беларусь Республикасы Премьер-министры урынбасары Петр Пархомчик;
- Бәһрәйнның нефть һәм әйләнә тирә-мохит министры Мөхәммәт бен Мөбарәк Бен Даина;
- Ангола Республикасының Россиядәге Гадәттән тыш һәм Тулы вәкаләтле Илчесе Аугусто да Силва Кунья.
Очрашу вакытында Бәһрәйнның нефть һәм әйләнә-тирә мохит министры Рәискә җылы кабул итүләре өчен рәхмәт белдерде һәм форумда Бәһрәйн делегациясенең эше турында сөйләде.
«Без бүген күргәзмәдә катнашучы күп кенә компанияләр белән сөйләшүләр үткәрдек һәм бу күргәзмә Татарстан компанияләре белән эш башлау өчен уникаль мөмкинлек бирә дип саныйбыз. Без алар белән үзара бәйләнешне үстерергә телибез», – диде ул.
Шулай ук Татарстан Республикасы Сәнәгать һәм сәүдә министрлыгы башлыгы һәм республика Рәисе «Төзелеш тармагында республика нефть химиясе продукциясен куллануны киңәйтү», «Юл төзелешендә нефть химиясе продукциясен куллануны киңәйтү» темаларына түгәрәк өстәлләр утырышларында да катнаштылар.