Татарстанда автомобильне кайда газга үзгәртеп корырга мөмкин?
Бу хакта Татарстан Республикасы сәнәгать һәм сәүдә министры урынбасары Марат Миңнебаев 23 июньдә «Татар-информ»да узган матбугат конференциясендә 2023 елның 5 аенда газ-мотор ягулыгы базарын үстерү нәтиҗәләре һәм 2023 елга планнар турында сөйләде.
2023 елның 5 ае нәтиҗәләре буенча 199 транспорт чарасы газда эшләрлек итеп үзгәртеп корылган.
Марат Миңнебаев сөйләп узганча, табигый газда эшли торган автомобильләр, бензин двигательле машиналарга караганда, атмосферага азот оксидларын 2 тапкырга азрак, углекислый газны 10 тапкырга азрак һәм башка углерод оксидларын 3 тапкырга азрак чыгара. Табигый газ янганда корым барлыкка килми, кургаш һәм күкерт чыкмый. Гомумән алганда, табигый газны куллану әйләнә-тирә һавада төтенлелек дәрәҗәсен 9 тапкырга киметә.
Бүген республикада урнашкан:
- гомуми җитештерүчәнлеге 390 млн куб. м. булган 45 АГНКС (автомобильгә газ тутыру компрессор станцияләре);
- 4 КриоАЗС;
- елына 25 000 тонна җитештерүчәнлек белән 2 табигый газны сыекландыру комплексы;
- Метанда эшли торган 13 215 транспорт чарасы.
Әлеге инфраструктура республикада файдаланыла торган 13 000 берәмлектән артык газ-мотор техникасын ягулык белән тулысынча тәэмин итәргә мөмкинлек бирә.
Марат Миңнебаев өстәп әйткәнчә, хәзерге вакытта республикада Министрлык аккредитацияләгән 15 пунктны үзгәртеп кору һәм техник хезмәт күрсәтү буенча эшләр уздырыла:
- Шәхси эшкуар И.Ш.Сәлахиев – Казан
- ГазоДизельные системы – Казан
- РариТЭК техник үзәге – Чаллы
- АльфаСервис – 2 үзгәртеп кору пункты – Чаллы һәм Зеленодольск районы, Новониколаевский бистәсе
- Фривей – Азнакаево
- ГазАвторегион – 2 үзгәртеп кору пункты – Чаллы һәм Зеленодольск районы, Новониколаевский бистәсе
- Сервис+ – Казан
- Главдеталь – М7 федераль трассасының 812 км
- АвтоЭко – Казан
- Газодизель – Казан
- Шәхси эшкуар А.П.Андров – Чаллы
- ТПК МТЗ-Татарстан – Алабуга районы, «Алабуга» сәнәгать мәйданчыгы
- Авторемстрой – Чаллы