Казанда «Җитештерүчәнлек 360» форумында азык-төлек җитештерүнең нәтиҗәлелеген арттыруның иң яхшы практикаларын тәкъдим итәчәкләр
Илебезнең азык-төлек сәнәгатендә үсеш нокталары «Җитештерүчәнлек 360» V федераль форумының төп темаларының берсе булачак. 20 һәм 21 июльдә Казанда үтәчәк чарада «Хезмәт җитештерүчәнлеге» илкүләм проектында катнашучы Россиянең әйдәп баручы компанияләренең милекчеләре һәм җитәкчеләре үз экспертизалары белән уртаклашачак.
Бүгенге көндә РФ Хөкүмәте Рәисенең беренче урынбасары Андрей Белоусов алып баручы илкүләм проект кысаларында 600дән артык азык-төлек компаниясе 2 трлн сумлык гомуми керем белән үз нәтиҗәлелеген арттыра.
Алар арасында «Теремок», «Дымов», «Белая дача», «Коровка из Кореновки», «Увелка», «Мистраль», «Astoria», «Балтийский берег» һәм башка бик күп танылган бренд хуҗалары бар.
Илкүләм проектны узган «2 нче Казан икмәк заводы» илебездә икмәк-булка, катлама һәм кондитер эшләнмәләрен җитештерү индустриясендә лидерларның берсе булган Татарстан төбәк компетенцияләр үзәге ярдәмендә җитешсезлекләр дәрәҗәсен 39% дәрәҗәсендә киметкән һәм җитештерүне 30% дәрәҗәсендә арттырган.
«Буа шикәре» Россиядә шикәр комы җитештерү буенча иң эре предприятиеләрнең берсе булып тора. «Хезмәт җитештерүчәнлеге» илкүләм проекты кысаларында Татарстан ТКҮ ярдәме белән предприятиедә чимал югалту 100% дәрәҗәсендә кимегән һәм тәүлегенә шикәр җитештерү күләме 8,3% күләмендә арткан.
Исегезгә төшерәбез, форумны оештыручылар – РФ Икътисадый үсеш министрлыгы һәм Татарстан Республикасы Хөкүмәте ярдәме белән ФКҮ. Чарага теркәлү – бушлай. Ул форумда катнашучыларга тематик сессияләргә, пленар утырышка, бизнес өчен цифрлы чишелешләр тәкъдим ителәчәк «Экспо» зонасына барырга һәм визит өчен Татарстанның әйдәп баручы предприятиеләренең берсен сайларга мөмкинлек бирә.