«Студентлар стартаплары предприятиеләргә үзебезнең эшләнмәләр арасында чит ил комплектларын алыштырырга мөмкинлек бирәчәк»
Моңа ТР сәнәгать һәм сәүдә министры урынбасары Родион Карпов ышана, ул 14 февральдә Татарстанда Университет технологик эшкуарлыгын үстерү мәсьәләсе буенча цифрлы үсешкә ярдәм итү ассоциациясе утырышында катнашты. Аны Татарстан Республикасы Рәисе Р.Н. Миңнеханов уздырды. Чара Казан дәүләт энергетика университетында узды.
Импортны алыштыру проблемасын хәл итүнең бер чарасы – «Университет технологик эшкуарлыгы платформасы» федераль проекты.
Берничә ай дәвамында Татарстанның Сәнәгать һәм сәүдә министрлыгы хезмәткәрләре студентлар стартап-проектларына анализ ясады, аларның авторлары белән киңәшмәләр оештырды, потенциаль кулланучыларны билгеләде һәм аларга сәнәгать предприятиеләрен беркетте.
15 предприятие стартапларның индустриаль партнерлары булды.
Татарстан Республикасы Сәнәгать һәм сәүдә министрлыгы машина төзелеше, химия һәм нефть химиясе, нефть чыгару һәм нефть эшкәртү, җиңел сәнәгать һәм энергетика кебек проектларда булышлык күрсәтү буенча системалы эшен дәвам итә.
Әйтик, «Аэрогель композитлары нигезендә күп катламлы инновацион җылылык изоляциясе материалларын эшләү һәм җитештерү» проекты буенча КДЭУ студенты, ТГК-16 белән берлектә, аэрогель композитларын, аэрогель кушылмаларын һәм башка җылылык изоляциясе материалларын кулланып яңа технологик күпкатлы торба – «сандвич»ка карата беренче сынау эшләрен башлаган. Проект изоляция һәм торба үткәргечнең нәтиҗәлелеген арттырырга мөмкинлек бирәчәк.