Денис Мантуров «Без чимал булмаган энергетикасыз экспорт күләме буенча планканы саклап кала алдык»
Татарстан Республикасы вице-премьеры – Татарстан Республикасы сәнәгать һәм сәүдә министры Олег Коробченко Сәнәгать буенча координация советының йомгаклау утырышында катнашты. Аны Уфада Россия Федерациясе Хөкүмәте Рәисе урынбасары – Россия Федерациясе сәнәгать һәм сәүдә министры Денис Мантуров уздырды.
Координация советның төп темасы – сәнәгать экспортына ярдәм итү системасын үзгәртү, шулай ук яңа шартларда өстенлекле импортны тәэмин итү чаралары. Денис Мантуров «Халыкара кооперация һәм экспорт» илкүләм проекты кысаларында хәзер хөкүмәт, төбәкләр һәм компанияләр тарафыннан хәл ителә торган өстенлекле бурычларны билгеләде. Бу – сәнәгать продукциясенең тышкы агымнарын һәм сату каналларын хәзерге перспективалы юнәлешләргә юнәлтү, шулай ук тар урыннарны киңәйтү һәм, яңа халыкара транспорт-логистика коридорларын булдырып, тышкы сәүдә элемтәләрен киңәйтү.
«Инде хәзер үк бу чараларның барысының да чимал булмаган энергетикасыз экспорт дәрәҗәсен чиктән тыш киметмәскә һәм безнең логистиканы үзгәртеп корырга мөмкинлек бирүе ачык күренә. Без чимал булмаган энергетикасыз экспорт күләме буенча бәяләр ягыннан планканы саклап кала алдык. Шулай итеп, 2022 елның 10 ае нәтиҗәләре буенча, чимал булмаган энергетикасыз экспорт күләме узган елның шул ук чоры белән чагыштырганда 1,5% кимегән. Без логистиканы оператив рәвештә үзгәртеп кордык, яңа кооперация элемтәләрен табабыз һәм үзара исәп-хисап схемаларын төзәтәбез. Моны, барыннан да элек, хөкүмәтнең кризиска каршы оператив чаралары һәм компанияләрнең тырышлыгы ярдәмендә башкарып чыктылар. Аларга безнең сәүдә вәкиллекләре, бердәм координация звеносы буларак, Россия экспорт үзәге һәм, әлбәттә, ФТХ һәрьяклап ярдәм итте. Хәзер без бу комплекслы эшне дәвам иттерәбез», – дип билгеләп үтте Денис Мантуров.
Вице-премьер – Россия Сәнәгать һәм сәүдә министрлыгы башлыгы билгеләп үткәнчә, өстенлекле импорт та торгызыла. Бу финанс һәм финанс булмаган инструментларны гына түгел, таможня-тариф җайга салуны да үз эченә алган профильле ярдәм чараларын эшләтеп җибәрү аркасында мөмкин булган.
«Финанс чаралары арасында коммерция банклары һәм РОСЭКСИМБАНК АҖ линиясе буенча өстенлекле чит ил продукциясе сатып алуга ташламалы кредитлар бүлеп бирергә кирәк. Әлеге инструментлар кысаларында импортчылар белән барлыгы 335 млрд.сумлык 1050 кредит килешүе төзелгән. Моннан тыш, импортчыларга ташламалы кредит бирү программасын 2023 елга озайту турында карар кабул ителде», - дип шәрехләде ул.
Денис Мантуров билгеләп үткәнчә, тышкы периметрдагы мөмкинлекләр һәм конкурентлыкка сәләтлелек сәнәгатьнең тотрыклы эшенә һәм эчке базарны туендыруга бәйле.