ЯҢАЛЫКЛАР

Бүген Wyndham Tashkent отелендә Татарстан белән Үзбәкстан предприятиеләренең бизнес-форумы узды. Форумны Татарстан Республикасы Сәнәгать һәм сәүдә министрлыгы, Үзбәкстан Республикасы Сәүдә-сәнәгать палатасы һәм Татарстан Республикасы Сәүдә-сәнәгать палатасы оештырды. 

Бизнес-форумда Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Үзбәкстан ССП рәисе Әдһәм Икрамов, Үзбәкстанның инвестицияләр һәм тышкы сәүдә министры урынбасары Хуррам Тешабаев, Татарстан Республикасы Сәүдә-сәнәгать палатасы рәисе Шамил Агеев, шулай ук Татарстан һәм Үзбәкстан предприятиеләре җитәкчеләре, 200 артык кеше катнашты. 

Форум кысаларында яклар сәүдә-икътисад һәм инвестиция хезмәттәшлеген алга таба киңәйтүнең актуаль һәм перспектив мәсьәләләре турында фикер алышты. Шулай ук «B2B» форматында Татарстан белән Үзбәкстанның эшлекле даирәләре вәкилләре катнашында очрашулар да узды.

Татарстан белән Үзбәкстан арасындагы мөнәсәбәтләр төрле өлкәләрдә уңышлы үсә.

POZIS компаниясе (Ростех дәүләт корпорациясенең «Технодинамика» холдингы идарәсендәге «Техмаш» фәнни-җитештерү берләшмәсе» АҖ керә) «ИННОПРОМ – Үзбәкстанда зур сәнәгать атнасы» халыкара сәнәгать күргәзмәсендә медицина суыткычы һәм дезинфекцияләү техникасы, аерым алганда, вакциналарны саклау өчен җиһазлар, шулай ук рециркулятор-нурландыргычлар тәкъдим итте.

Бүгенге көндә «ПОЗиС» температура йогынтысына бәйле булган дару препаратларын, реагентларны, медикаментларны һәм вакциналарны транспорт белән күчерү һәм саклау, шулай ук кан, плазма саклау өчен дә, куркынычсызлык өчен җавап бирә торган,  «Холодовая цепь» стандарты буенча тулы температура циклына җавап бирә торган махсус җиһазлар җитештерүне үзләштергән Россиядә беренче медицина техникасы җитештерүче завод булып тора.

«ПОЗиС» АҖ генераль директоры Радик Хәсәнов Россия Федерациясе сәнәгать һәм сәүдә министры Денис Мантуровка, Үзбәкстан Республикасы Премьер-министрының инвестицияләр һәм тышкы икътисадый багланыш мәсьәләләре буенча урынбасары – инвестицияләр һәм тышкы сәүдә министры Сардор Умурзаковка һәм Ростех дәүләт корпорациясе генераль директоры Сергей Чемезовка компаниянең күргәзмә стендын тәкъдим итте.

«ПОЗиС» компаниясе диверсификация программасы кысаларында медицина техникасы һәм дезинфекция җиһазлары җитештерү күләмен системалы рәвештә арттыра. 2020 елда бактерицид нурландыргыч-рециркуляторлар чыгару – 8,5 тапкырга, медицина суыткычы техникасын җитештерү күләме 2 тапкыр диярлек арттырылган. POZIS махсус суыткыч җиһазларының бөтен линейкасы Евросоюз илләре сыйфат стандарты таләпләренә туры китереп сертификацияләнгән һәм «СЕ» билгесе белән тамгалана.

«Идел» яшьләр үзәге базасында Татарстан Республикасы яшь рационализаторларының һәм уйлап табучыларының XIII белем бирү форумы узды. Форумда «Казаноргсинтез» ГАҖ, «КАМАЗ» ГАҖ, «Татэнерго» АҖ, «Горький исемендәге Зеленодольск заводы» АҖ, «НПО ГИПО» АҖ, «Танеко» АҖ, «Газпром трансгаз Казан» ҖЧҖ, В.Д.Шашин исемендәге «Татнефть» ГАҖ кебек республиканың 37 предприятиесе һәм оешмасыннан эшләүче яшьләр катнашты. Форумга гаризалар саны елдан-ел арта, 2019 елда 47 катнашучы булса, 2020 елда – 93, 2021 елда – 100 кеше.  

Форумның максаты – предприятиеләрдә һәм оешмаларда рационализаторлыкны һәм уйлап табучанлыкны үстерү мәсьәләләрен хәл итү өчен уникаль белем бирү мәйданчыгы оештыру. Форум талантлы яшьләр арасында укыту, проектлау, хезмәттәшлек һәм коммуникацияләр булдыру мохите булып тора. Соңыннан катнашучылар «Интеллектуаль милек объектларын яклау һәм аларны нәтиҗәле файдалану» программасы буенча квалификация күтәрү турында сертификатлар алды.

Белем бирү программасы кысаларында катнашучылар рационализаторлык һәм уйлап табу эшчәнлеге белән бәйле: Татарстан Республикасы предприятиеләрендә эш оештыру, эшчәнлекне стимуллаштыру ысуллары, конкурсларга гаризалар рәсмиләштерү, финанс грамоталылыгы, хокукый мәсьәләләр турында мәгълүмат алды. «Уңышка ирешү инструменты буларак үзүсеш», «Проектларны цифрлаштыру», «Проблеманы кайдан табарга?», «Идеяләр генерациясе» дигән дискуссия мәйданчыклары оештырылган. Форум кысаларында «Татарстан Республикасының яшь новаторы һәм уйлап табучысы - 2020» конкурсында җиңүчеләр Татарстан Республикасы Сәнәгать һәм сәүдә министрлыгының Рәхмәт хатлары белән бүләкләнде.

Зеленодольск сөт эшкәртү комбинаты продукциясенә хәзер «Яндекс» компаниясе сервисы ярдәмендә дә заказ бирергә мөмкин.

Зеленодольск сөт эшкәртү комбинаты ризыклар китерү белән шөгыльләнә торган федераль «Яндекс.Лавка» сервисы белән эшли башлаган.  Татарстан – сервис эшли башлаган алтынчы төбәк.

«Яндекс.Лавка» – заказларны оператив китерү өчен «йорт янында» форматындагы азык-төлек складлары. Казанда Вахитов, Совет, Авиатөзелеш, Идел буе һәм Мәскәү районнарында 11 склад ачылган, анда 2500 позиция сатыла, шуларның бер өлеше – «ЗМК» АҖ продукциясе. Компания планнарында – бөтен шәһәрне колачлау.

«Яндекс.Лавка» аша эремчек, кефир, сөт, май һәм «Очень важная корова», «Обнимама» и «Васькино счастье» брендларының башка продуктларын сатып алырга мөмкин. Хәзерге вакытта сервис 7:00 сәгатьтән 23:30 сәгатькә кадәр эшли, соңрак исә «ЗМК» АҖ продукциясен өйгә тәүлек буе да китерттереп булачак.

Татарстан Республикасы делегациясе составында 130 артык кеше  «ИННОПРОМ. Үзбәкстанда зур сәнәгать атнасы» халыкара сәнәгать күргәзмәсендә актив катнаша. Катнашучылар арасында – Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасының Үзбәкстан Республикасындагы вәкиле Айдар Әхтәриев, Татарстанның 50 артык предприятиесе җитәкчеләре. 

Татарстан Республикасы стендында республиканың төрле тармакларындагы 32 предприятие – «КЭР-Холдинг» ИК» ҖЧҖ, «ЕлАЗ ҖБ» АҖ, «НТЗ «ТЭМ-ПО» АҖ, Казан вертолет заводы, «Казанькомпрессормаш» АҖ, «Казан мотор төзү- җитештерү берләшмәсе» АҖ, «Татнефть» ГАҖ, «Инженерлык-җитештерү үзәге» ҖЧҖ, «Питон Кама» ҖЧҖ һәм башкалар үз продукцияләрен тәкъдим итте. 

Күргәзмә эшенең беренче көнендә Альберт Кәримов Россия Федерациясе сәнәгать һәм сәүдә министры Денис Мантуровка, Үзбәкстан Республикасы Премьер-министры урынбасары – инвестицияләр һәм тышкы сәүдә министры Сардор Умурзаковка, Ташкент мэры Джахонгир Артыкходжаевка һәм «РЭЦ» АҖ генераль директоры Вероника Никишинага Татарстан Республикасы стендын тәкъдир итте.

Эш программасы кысаларында Альберт Кәримов «Үсеш драйверларын эзләгәндә дөньяда сәнәгый эшчәнлек» дигән төп стратегик пленар сессиясендә катнашты. Пленар сессиядә билгеләнгән төп векторлар – Россия-Үзбәкстан хезмәттәшлеген һәм башка илләр белән кооперацияне киңәйтү, сәнәгать үсешенең яңа нокталарын билгеләү, бизнес-элемтәләр булдыру һәм аларны ныгыту, уртак производстволар булдыру. 

Программа кысаларында Альберт Кәримов Үзбәкстанның Ташкент өлкәсе хәкиме Даврон Хидоятов белән очрашты, очрашуда шулай ук «Татнефть» ГАҖ, «Химград» АҖ, «Татхимфармпрепараты» АҖ вәкилләре дә катнашты. 

Шулай ук Үзбәкстанның энергетика министры Алишер Солтанов белән «Узбекнефтегаз» АҖ, «Узтрансгаз» АҖ һәм Татарстанның кайбер предприятиеләре катнашында очрашу үткәрелде.

Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов җитәкчелегендәге Татарстан Республикасы делегациясе ике көнлек визит белән Үзбәкстан Республикасына килде. Сәфәрнең максаты «ИННОПРОМ. Үзбәкстанда зур сәнәгать атнасы» халыкара сәнәгать күргәзмәсендә катнашудан гыйбарәт, әлеге чара бүген «Узэкспоцентр» мәйданчыгында башланып китте.

Форум 2021 елның 5-7 апрель көннәрендә узачак. Чараны Россия Федерациясе Сәнәгать һәм сәүдә министрлыгы һәм Үзбәкстан Республикасының Инвестицияләр һәм тышкы сәүдә министрлыгы оештыра.

Чараның төп максаты – илләр һәм катнашучы компанияләр арасында сәнәгать хезмәттәшлеген киңәйтү, сәнәгатьне үстерү һәм уртак производстволар булдыру өчен яңа мөмкинлекләр билгеләү.

Бердәм инвестиция мәйданчыгында Үзбәкстан, Россия, Беларусь, Казакъстан, Кыргызстан, Әрмәнстан, Франция, Германия, Чехия һәм Япониядән 300 артык сәнәгать компаниясе һәм бизнес-делегация җыелган.

Эш программасының беренче көнендә Россия Федерациясе сәнәгать һәм сәүдә министры Денис Мантуров һәм Премьер-министр урынбасары – Үзбәкстан Республикасының инвестицияләр һәм тышкы сәүдә министры Сардор Умурзаков катнашында «Үсеш драйверларын эзләгәндә дөньяда сәнәгый эшчәнлек» дигән төп стратегик сессиясе узачак.

Моннан тыш, күргәзмә көннәрендә Россия губернаторлары һәм  Үзбәкстан хәкимнәре катнашында Россия-Үзбәкстан төбәкара форумы, шулай ук сәнәгать тәртибендәге иң актуаль темаларга махсус сессияләр узачак: «Цифрлы җитештерү», «Машина төзелешендә уртак проектлар», «Сәнәгатьне финанслау», «Шәһәрләр өчен технологияләр», «Энергетикада инновацияләр».

20 нче махсус сессиядә Үзбәкстан, Россия, Европа һәм Азиянең эре компанияләренең беренче затлары, шулай ук министрлыклар, ведомстволар, тармак берләшмәләре, эшлекле ассоциацияләр, үсеш институтлары һәм ММЧ җитәкчеләре катнашачак.

ИННОПРОМ сәнәгать күргәзмәсе – иң зур халыкара сәүдә мәйданчыкларының берсе һәм Россия сәнәгать продукциясе экспортының төп инструментларының берсе.

Бүген Татарстан Республикасы Президенты Рөстәм Миңнеханов Куйбышев тимер юлы – «РЖД» ААҖ филиалы башлыгы Вячеслав Дмитриев белән очрашты.

Бүген Татарстан делегациясенең Саран шәһәренә (Казахстан) эш сәфәре кысаларында берничә икътисадый килешү имзаланды. Тантанада Казахстан Республикасы Премьер-министры Әскәр Мамин һәм Татарстан Республикасы Президенты Рөстәм Миңнеханов катнашты.

Бүген Саран шәһәрендә (Казахстан) «Татнефть» һәм «Аллюр» төркеменең уртак предприятиесе төзелешенә старт бирелде. Капсула салу тантанасында Казахстан Республикасы Премьер-министры Әскәр Мамин һәм Татарстан Республикасы Президенты Рөстәм Миңнеханов катнашты.