ЯҢАЛЫКЛАР

6 июльдә Татарстан Республикасы Сәнәгать һәм сәүдә министрлыгы хезмәткәрләре шәһәр урамнарында Универсиада утын каршы алды.
Универсиада Уты эстафетасы бер ел элек – 2012 елның 12 июлендә Франциядән кузгалып киткән иде. 1923 елда беренче тапкыр Студентларның Бөтендөнья уеннары оештырылган Сорбонна университетында Утны кабызу тантанасы булды.
6 июльдә дөньяның 5 континентында, 51 шәһәрендә, Россиянең 33 шәһәрендә һәм Татарстанның 44 шәһәр һәм районнарында булган Ут Казанга килеп җитте. Эстафетаның финалында Ут Kazan Arena стадионында кабызылды.

6 июльдә Казан шәһәрендә авиация сәнәгате өчен композит детальләр эшләп чыгарачак "КАҖБ-Композит" заводы ачылу уңаеннан тантаналы чара булды. Чарада Татарстан Республикасы Президенты Р. Миңнеханов, "Берләштерелгән авиатөзелеш корпорациясе" ААҖ президенты М. Погосян, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, "Композит" ЯАҖ җитәкчесе А. Гайданский, «FACC AG» Австрия компаниясе Президенты Вальтер Штефан катнашты.

Әлеге завод "Горбунов ис. КАҖБ" ААҖ цехы базасында барлыкка килде. Яңа предприятиегә 3,5 млрд. сум инвестиция бирелде. Предприятиедә Sukhoi Superjet и МС-21 самолетлары өчен канат һәм койрык терәүләр механизмнары эшләп чыгарылачак.

5 июльдә Канада көне уңаеннан рәсми кабул итүләр булды. Тантаналы чарада Канаданың Россия Федерациясендә Гадәттән тыш һәм тулы вәкаләтле Илчесе Джон Слоан әфәнде, Халыкара студентлар спорты федерациясе Президенты Клод-Луи ГАЛЬЕН, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, Татарстан Республикасы сәламәтлек саклау министры А. Фәррахов, Татарстан Республикасы Президенты ярдәмчесе Р. Гиматдинов, Россия Тышкы эшләр министрлыгының Казандагы вәкиле Р. Вахитов, Канаданың Россия Федерациясендәге Илчелеге вәкилләре, Канада җыелма командасы делегациясе катнашты.

5 июльдә Казан шәһәрендә Казахстан Республикасының Генераль консуллыгы бинасын ачу тантанасы булды, анда Татарстан Республикасы Президенты Р. Миңнеханов катнашты. Чарада шулай ук Казахстанның Россия Федерациясендә Гадәттән тыш һәм тулы вәкаләтле Илчесе Галым Оразбаков, Казахстан Республикасының Казандагы Генераль консулы Әсхәт Нускабай, Татарстан Республикасы ярдәмчесе Р. Гиматдинов, Россия Тышкы эшләр министрлыгының Казандагы вәкиле Р. Вахитов, Татарстан Республикасы сәнәгать һәм сәүдә министры беренче урынбасары Р. Кәбиров катнашты.

"Казан вертолет заводы" ААҖ эшләп чыгара торган Ми-8МТВ һәм «Ансат» вертолетлары Казандагы Универсиада вакытында иминлек саклаячак.
Студентларның спорт уеннары вакытында Татарстан Республикасы Гражданнар оборонасы эшләре һәм гадәттән тыш хәлләр министрлыгында Казанда җитештерелгән Ми-8МТВ вертолетлары эшли. Машиналардагы махсус җайланмалар гадәттән тыш хәлләр килеп туган очракта мәсьәләне тиз һәм уңай хәл итәргә мөмкинлек бирә.

"НПО ГИПО" ААҖ 2010 елдан бирле "Швабе" холдингына керә һәм Россиянең әйдәп баручы оптик үзәкләренең берсе булып тора. Санкт-Петербург шәһәрендә уза торган "МВМС-2013" халыкара хәрби диңгез салонында предприятиенең яңа эшләнмәләре куелды.

4 июльдә Татарстан Республикасы Президенты Р. Миңнеханов Канаданың Россия Федерациясендә Гадәттән тыш һәм тулы вәкаләтле Илчесе Джон Слоан әфәнде белән очрашты, анда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов та катнашты. Очрашуда сүз ике яклы хезмәттәшлек мәсьәләләре хакында барды.
Мәгълүмат өчен:
2012 ел нәтиҗәләре буенча ике ил арасында товар әйләнеше 126,9 млн. АКШ доллары тәшкил итте. Татарстан Республикасы Канада белән нефть чыгару, вертолет һәм самолет төзелеше, автокомпонентлар җитештерү, фармацевтика тармакларында хезмәттәшлек итә.

4 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Татарстан Республикасы Президенты Р. Миңнехановның RED Aircraft GmbH компаниясе җитәкчесе Владимир Райхли белән очрашуында катнашты. Очрашуда сүз RED Aircraft компаниясенең авиация өчен дизель двигательләрен эшләп чыгару хакында барды.

Мәгълүмат өчен:
Германиядә 1995 елда оешкан RED Aircraft GmbH компаниясе югары технологияле авиадвигательләр эшләп чыгару белән шөгыльләнә һәм проектлаудан башлап сынау һәм җитештерүгә кадәр барлык этапларны да гамәлгә ашыра.

3 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов оборона-сәнәгать комплексы предприятиеләре хезмәткәрләренә һөнәри белем бирү системасын камилләштерүгә багышланган киңәшмә үткәрде.
Киңәшмәдә министр урынбасары Г. Әхмәдиева, Татарстан Республикасының оборона-сәнәгать тармагы предприятиеләре җитәкчеләре, Татарстан Республикасы Сәнәгать һәм сәүдә министрлыгы, Татарстан Республикасы Мәгариф һәм фән министрлыгы хезмәткәрләре һ.б катнашты.
Р. Зарипов бу тармакта кадрлар мәсьәләсенең актуаль булуын билгеләп үтте. Билгеле булганча, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов агымдагы елның 5 июлендә Россия Федерациясе Хөкүмәте каршындагы Хәрби-сәнәгать комиссиясенең Россия Федерациясе Хөкүмәте Рәисе урынбасары Д. Рогозин җитәкчелегендәге селектор киңәшмәсендә катнашкан иде.

2 июльдә "Татарстан Республикасының иң яхшы товарлары һәм хезмәт күрсәтүләре" конкурсын оештыру комитетының Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә утырышы үтте.

Агымдагы елда бу конкурста 234 предприятие катнашты. Тавыш бирү барышында оештыру комитеты конкурста катнашучыларга лауреатлар исемен бирү, 1 һәм 2 дәрәҗә дипломнар белән бүләкләү хакында карар чыгарды. 181 продукция һәм хезмәт күрсәтүләр конкурс лауреатлары исеменә лаек булды, 181 - I дәрәҗә диплом, 60 - II дәрәҗә диплом белән бүләкләнде. Конкурс лауреатлары "Россиянең 100 иң яхшы товарлары" программасының федераль этабына тәкъдим ителде.