ЯҢАЛЫКЛАР

«Татнефть» ААҖ белгечләре “Ел инженеры –2014” XV Бөтенроссия бәйгесе лауреатлары булдылар. Әлеге бәйге ел саен А.М.Прохоров исемендәге инженер фәннәр Академиясе һәм фәнни–техник прогресска ярдәм итү Регионара фонды катнашында Россия һәм Халыкара фәнни союзлар һәм инженерлар иҗтимагый оешмалар тарафыннан үткәрелә.
Бөтенроссия бәйгесенең жюри карары нигезендә II тур нәтиҗәләре буенча “Профессиональ инженерлар” номинациясендә “Ел инженеры” бәйгесе Лауреатлар исемнәре Роман Осиповка (НГДУ «Альметьевнефть»), Руслан Әпсәләмовка (НГДУ «Альметьевнефть»), Радик Хәлимовка (НГДУ «Азнакаевскнефть»), Мөктәсыйм Әхмәтҗановка (НГДУ «Нурлатнефть»), Хәлил Гафиятуллга (НГДУ «Прикамнефть»), Рөстәм Сәетгәрәевка (НГДУ «Ямашнефть»), Владимир Либерманга (ТГРУ), Габдерәшит Әбдрахмановка (ТатНИПИнефть), Рәмзис Кадыйровка (ТатНИПИнефть) бирелде. Лауреатларга дипломнар, сертификатлар, тамгалар һәм истәлек медальләр тапшырылды.

2015 елның 9 февралендә Татарстан Республикасы Президенты Рөстәм Миңнеханов рәислегендә узган республиканың Икътисадый совет утырышында кризиска каршы тору чаралары хакында фикер алыштылар. Утырышта министрлыклар, ведомстволар, республиканың әйдәп баручы сәнәгать предприятиеләре, республиканың муниципаль районнары башлыклары катнашты.
Татарстан Президенты ассызыклаганча, Россия Федерациясе Хөкүмәте 2015 елда икътисадның тотрыклы үсешен һәм социаль стабильлекне тәэмин итү буенча беренче чираттагы чаралар планын кабул итте. Татарстанда бу өлкәдә координация функциясен Икътисадый советка йөкләделәр.
Татарстан Республикасы Президенты фикеренчә, республикабыз предприятиеләре булган позицияләрен саклап калырга һәм яңа юнәлешләрне үзләштерергә тиеш. Республика башлыгы әйтүенчә, импортка алмаш табу – перспектив базар.

2015 елның 10 февралендә Татарстан Республикасы Премьер–министр урынбасары–Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Россиядәге “Ашан” генераль директоры Вильгельм Убнер белән булган очрашуда катнашты.
Россиядәге “Ашан” генераль директоры Вильгельм Убнер әфәнде очрашуда катнашучыларга француз компаниясе “Ашан”ны Франциядә һәм Россиядә үстерү планнары хакында хәбәр итте.
Очрашу барышында яклар “Ашан” челтәрен Татарстанда алга таба үстерү мәсьәләләре хакында фикер алыштылар.

2015 елның 8 февралендә Татарстан Республикасы Сәнәгать һәм сәүдә министрлыгы хезмәткәрләре “Россия чаңгы юлы” Бөтенроссия массакүләм чаңгы ярышында катнаштылар. “Россия чаңгы юлы –2015” Бөтенроссия массакүләм чаңгы ярышлары Россиянең 71 регионында узды. Быел массакүләм чаңгы стартлары Сочида узган Олимпия уеннарының бер еллыгына багышландылар.
Татарстандагы “Россия чаңгы юлы –2015” стартына 171 меңнән артык кеше чыкты.

2015 елның 7 февралендә Казан Кремлендә «КАМАЗ-Мастер» командасын «Дакар-2015» халыкара раллиенда җиңүләре белән котладылар. Тантаналы чарада Татарстан Республикасы Президенты Рөстәм Миңнеханов катнашты.
Исегезгә төшерәбез, "Дакар-2015" халыкара раллиенда "КАМАЗ-Мастер" командасы мактау пьедесталын тулысынча биләде. Айрат Мәрдиев экипажы (Айрат Мәрдиев, Айдар Беляев, Дмитрий Свистунов) җиңүче булды. Икенче урынны Эдуард Николаев экипажы (Эдуард Николаев, Евгений Яковлев, Руслан Әхмәдиев) алды. Өченче урында – 2014 елда җиңгән Андрей Каргинов экипажы (Андрей Каргинов, Андрей Мокеев, Игорь Леонов).
Моннан тыш, команда "Africa Eco Race-2015" ралли-марафонында уңышлы гына чыгыш ясады. Гомуми зачетта дизельле “КАМАЗ”да Антон Шибалов отты, ә аның командадагы хезмәттәше Сергей Куприянов газлы дизель “КАМАЗ”ында икенче килде.

2015 елның 7 февралендә Россия Федерациясе Хәрби –һава көчләре баш командующее, генерал–полковник Виктор Бондарев «Туполев» ААҖ эш визиты белән килде. Хәрби –һава көчләре баш командующее Виктор Бондарев «Туполев» ААҖ һәм Россия Федерациясе Оборона министрлыгы дәүләт оборона заказын тәэмин итү буенча Департамент җитәкчелеге белән Россия Федерациясе Хәрби –һава көчләренең Ерак авиациясе өчен яңа авиация техникасын булдыру мәсьәләләре буенча киңәшмә үткәрде.

2015 елның 5 февралендә Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Казакъстан Республикасы премьер–министры Кәрим Максимов белән булган очрашуда катнашты.
Татарстан Республикасы Президенты Рөстәм Миңнеханов ассызыклаганча, соңгы вакытта Казакъстанның Россия регионы буларак Татарстан Республикасы белән элемтәләре ныгыды. Рөстәм Миңнеханов искәрткәнчә, ул үзе 2014 елда Казакъстан Атыраудагы Кызыл Орда өлкәсе белән Атырау өлкәләре арасында хезмәттәшлек турында килешү имзаланган. Шулай ук 2014 елның сентябрендә Казакъстанда Татарстан Көннәре үткәрелде.
Рөстәм Миңнеханов билгеләгәнчә, үзара багланышлар агымдагы елда да уңышлы дәвам итәләр. 2015 елның гыйнвар аендак Астанада уртак Татарстан-Казакъстан эш төркеменең беренче утырышы узды.

2015 елның 5 февралендә «Берләшкән авиатөзелеш корпорациясе» ААҖ президенты-идарәсе рәисе Юрий Слюсарьнең Татарстан Республикасына эш визиты узды. Татарстан Республикасы Президенты Рөстәм Миңнехановның «Берләшкән авиатөзелеш корпорациясе» җитәкчесе белән булган очрашуда Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов да катнашты.
Очрашу кысаларында Горбунов ис. Казан авиатөзелеш заводы эшчәнлеге мәсьәләләре һәм предприятиенең үсеш перспективалары турында фикер алышынды.

2015 елның 5 февралендә Татарстан Республикасы Премьер–министры урынбасары – Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Европа эшмәкәрлеге Ассоциациясе генераль директоры Франк Шауфф белән булган очрашуда катнашты.
Европа эшмәкәрлеге Ассоциациясе ярдәмендә Казанда 5 һәм 6 февральдә Халыкара автомобиль төзүчеләр форумы уздырыла.
Очрашу кысаларында Татарстан тБашлыгы Рөстәм Миңнеханов Франк Шауффны форумны уздыруы өчен рәхмәтен белдерде. Татарстан Республикасы Президенты сүзләренчә, автомобиль төзелеше тармагы республика сәнәгатендә мөһим урын алып тора, һәм уздырыла торган форум әлеге сәнәгать юнәлешен үстерергә ярдәм итәчәк.
Мәгълүмат өчен:
Европа Эшмәкәрлеге Ассоциациясенә 1995 елда нигез салынды. Бу коммерциячел булмаган оешмага Евросоюз илләреннән һәм Россиядән 630 дан артык компания керә. Ассоциация әгъзалары арасында – күп милләтле эре корпорацияләр, ЕС һәм РФ белән ышанычлы мөнәсәбәтләр урнаштырырга омтылучы, шулай ук Россиядә эшлекле климатны яхшыртырга ярдәм итүче урта һәм кече предприятиеләр.

2015 елның 5 февралендә Татарстан Республикасында Казакъстан Республикасы Премьер–министры Кәрим Масимов җитәкчелегендә Казакъстан Республикасы делегациясе визиты уза. “Казан” халыкара аэропортында делегацияне Татарстан Республикасы Президенты Рөстәм Миңнеханов, Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов, Татарстан Республикасының кайбер министрлыклар һәм ведомстволар җитәкчеләре кунакларны каршы алдылар. Казакъстан делегациясе составында – Казакъстанның оборона министры Имангали Тасмагамбетов, Казакъстанның инвестицияләр һәм үсеш министры урынбасары Аскар Җөмәгалиев, Казакъстанның сәламәтлек саклау һәм социаль үсеш министры урынбасары Алексей Цой, «ФНБ «Самрук-Казына» АҖ, «НК «Қазақстан темір жолы» АҖ , «НК «Казахстан Инжиниринг» АҖ җитәкчеләре.