Татарстан белән Казакъстанның хезмәттәшлеге ныгый

2015 елның 5 февралендә Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов Татарстан Республикасы Президенты Рөстәм Миңнехановның Казакъстан Республикасы премьер–министры Кәрим Максимов белән булган очрашуда катнашты.
Татарстан Республикасы Президенты Рөстәм Миңнеханов ассызыклаганча, соңгы вакытта Казакъстанның Россия регионы буларак Татарстан Республикасы белән элемтәләре ныгыды. Рөстәм Миңнеханов искәрткәнчә, ул үзе 2014 елда Казакъстан Атыраудагы Кызыл Орда өлкәсе белән Атырау өлкәләре арасында хезмәттәшлек турында килешү имзаланган. Шулай ук 2014 елның сентябрендә Казакъстанда Татарстан Көннәре үткәрелде.
Рөстәм Миңнеханов билгеләгәнчә, үзара багланышлар агымдагы елда да уңышлы дәвам итәләр. 2015 елның гыйнвар аендак Астанада уртак Татарстан-Казакъстан эш төркеменең беренче утырышы узды.
Казакъстан Премьер-министры Кәрим Масимов Казандагы сәнәгать предприятиеләре һәм инновацион мәйданчыклар эшчәнлеге белән танышу мөмкинлеге өчен рәхмәтләр белдерде. Аның сүзләренчә, Казакъстан Республикасы җитәкчелеге Россия Федерациясе Россия Федерациясе һәм аның регионнары белән мөнәсәбәтләр үсешенә һәм ныгуына зур игътибар бирә.
Очрашу кысаларында Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов уртак Татарстан-Казакъстан эш төркеменең утырышы нәтиҗәләре турында хәбәр итте. Аның сүзләренчә, агымдагы елның март-апрель айларында Татарстан-Казакъстан нефть химиясе форумын уздыру турындагы карар расланды.
Равил Зарипов сүзләренә караганда, Казакъстан партнерлары Татарстан белән машина төзелеше, нефть чыгару, химия, нефть химиясе өлкәләрендә хезмәттәшлекне үстерүдә кызыксыналар.
Татарстан Республикасы сәнәгать һәм сәүдә министрлыгы җитәкчесе билгеләгәнчә, хезмәттәшлек итүнең перспектив юнәлешләрнең берсе булып, энергияне саклау өлкәсе тора, шул исәптән, торак–коммуналь хуҗалык өлкәсендә. Равил Зрипов хәбәр итүенчә, 2015 елның апрелендә Казанда энергия саклау буенча форум узачак,һәм анда катнашу өчен Казакъстанның эшлекле партнерларына чакырулар инде җибәрелгән.
Очрашу кысаларында «КАМАЗ» генераль директоры Сергей Когогин, «Татнефть» ААҖ генераль директоры Наил Маганов, «Ак Барс» холдинг компаниясе» ААҖ генераль директоры Иван Егоров, «Казан вертолетлар заводы» ААҖ генераль директоры Вадим Лигай, «ТАИФ» ААҖ генераль директоры Альберт Шиһабетдинов, «ГипроНИИавиапром» ЯАҖ генераль директоры Борис Тихомиров Казакъстан хезмәттәшләре белән багланышлар буенча тәкъдимнәрен белдерделәр.
Казакъстан Республикасы премьер–министры Кәрим Максимов җитәкчелегендәге Казакъстан Республикасы делегациясе эш визиты кысаларында Казан вертолетлар заводын, югары технологияләр өлкәсендәге технопарк – ИТ-паркны карадылар.
Казант вертолетлар заводында Татарстан сәнәгать предприятиеләренең күргәзмәсе оештырылды. Анда оборона сәнәгате, машина төзелеше, нефть, газ химиясе һәм энергетика комплексы тәкъдир ителде. Күргәзмә эшендә республиканың 20 артык әйдәп баручы предприятие катнашты.
6 февраль көнне Казакъстан делегациясе «КАМАЗ» ААҖ җитештерү цехларына барачак (Чаллы шәһәре).