Казакъстан Премьер–министры Кәрим Масимов җитәкчелегендә Казакъстан делегациясенең визиты

2015 елның 5 февралендә Татарстан Республикасында Казакъстан Республикасы Премьер–министры Кәрим Масимов җитәкчелегендә Казакъстан Республикасы делегациясе визиты уза. “Казан” халыкара аэропортында делегацияне Татарстан Республикасы Президенты Рөстәм Миңнеханов, Татарстан Республикасы Премьер–министр урынбасары– Татарстан Республикасы сәнәгать һәм сәүдә министры Равил Зарипов, Татарстан Республикасының кайбер министрлыклар һәм ведомстволар җитәкчеләре кунакларны каршы алдылар. Казакъстан делегациясе составында – Казакъстанның оборона министры Имангали Тасмагамбетов, Казакъстанның инвестицияләр һәм үсеш министры урынбасары Аскар Җөмәгалиев, Казакъстанның сәламәтлек саклау һәм социаль үсеш министры урынбасары Алексей Цой, «ФНБ «Самрук-Казына» АҖ, «НК «Қазақстан темір жолы» АҖ , «НК «Казахстан Инжиниринг» АҖ җитәкчеләре.
Казанга визиты кысаларында Казакъстан Республикасы делегациясе ИТ-паркы, Казан федераль университеты, Казан вертолет заводы белән танышачаклар. Казан Кремлендә Казакъстан Премьер–министрының Татарстан Республикасы Президенты белән рәсми очрашу узачак.