Республиканың Икътисадый совет утырышында кризиска каршы тору чаралары хакында фикер алыштылар

2015 елның 9 февралендә Татарстан Республикасы Президенты Рөстәм Миңнеханов рәислегендә узган республиканың Икътисадый совет утырышында кризиска каршы тору чаралары хакында фикер алыштылар. Утырышта министрлыклар, ведомстволар, республиканың әйдәп баручы сәнәгать предприятиеләре, республиканың муниципаль районнары башлыклары катнашты.
Татарстан Президенты ассызыклаганча, Россия Федерациясе Хөкүмәте 2015 елда икътисадның тотрыклы үсешен һәм социаль стабильлекне тәэмин итү буенча беренче чираттагы чаралар планын кабул итте. Татарстанда бу өлкәдә координация функциясен Икътисадый советка йөкләделәр.
Татарстан Республикасы Президенты фикеренчә, республикабыз предприятиеләре булган позицияләрен саклап калырга һәм яңа юнәлешләрне үзләштерергә тиеш. Республика башлыгы әйтүенчә, импортка алмаш табу – перспектив базар.
Татарстан Республикасы Министрлар Кабинеты каршындагы Икътисадый совет утырышы барышында Татарстан Республикасы Сәнәгать һәм сәүдә министрлыгының кризиска каршы тору чараларын гамәлгә ашыру эшчәнлеге хакында Татарстан Республикасы Премьер–министры урныбасары –Татарстан Республикасы сәнәгать һәм сәүдә министры Равил Зарипов чыгыш ясады.
Равил Зарипов Татарстан Республикасы Сәнәгать һәм сәүдә министрлыгы каршында Татарстан Республикасының тотрыклы үсешен һәм сәнәгать өлкәсендә социаль стабильлекне тәэмин итүче Кризиска каршы тору штабын оештырулары хакында хәбәр итте. Министрлык каршындагы Штабының эшчәнлек чаралары кысаларында кризиска каршы тору буенча эшче төркем утырышлары уза. Һәр предприятие буенча адреслы рәвештә оптималь карарлар кабул итү максаты белән ул утырышларга сәнәгать предприятиеләре вәкилләрен дә чакыралар. Россия Федерациясе Сәнәгать һәм сәүдә министрлыгы белән берлектә атна саен сәнәгать предприятиеләренең финанс–иктисадый күрсәткечләрнең мониторингы үткәрелә. Татарстан Республикасы Премьер–министр урынбасары – Татарстан Республикасы сәнәгать һәм сәүдә министры Равил Зарипов ассызыклаганча, Татарстан Республикасы сәнәгать һәм сәүдә министрлыгы Кризиска каршы федераль чаралар планында каралган кризиска каршы тору чараларында сәнәгать предприятиеләренең катнашуын тәэмин итү буенча эшчәнлек алып бара. Бу эшчәнлек кысаларында Россиянең Сәнәгать һәм сәүдә министрлыгы, Россиянең Икътисадый үсеш министрлыгы, Сәнәгатьне үстерү фонды белән үзара эшчәнлек алып барыла.