«Азык-төлек программасы» АСК ҖЧҖ предприятиесендә илкүләм проектны гамәлгә ашыру барышы
«Хезмәт җитештерүчәнлеге» илкүләм проекты кысаларында «Агросәнәгать компаниясе азык-төлек программасы» ҖЧҖ предприятиесендә сакчыл җитештерү буенча база укулары узган.
Элегрәк әйтелгәнчә, «Агросәнәгать компаниясе азык-төлек программасы» ҖЧҖ «Хезмәт җитештерүчәнлеге» илкүләм проектында катнаша.
Предприятиедә июль башында Татарстан Республикасының ТКҮ белгечләре проектның эшче төркеменә һәм предприятие җитәкчеләренә әлеге темалар буенча укулар үткәргән:
- «Максатлар композициясе»;
- «Нәтиҗәле мәгълүмат үзәге»;
- «Сакчыл җитештерү нигезләре»;
- «Яхшырту буенча проектны гамәлгә ашыру».
Илкүләм проектта катнашучыларның укуларга һәм булачак проектка аңлы якын килүен билгеләп үтәргә кирәк.
Моннан тыш, «Яхшырту буенча проектларны гамәлгә ашыру» тренингында сынау агымы сайланган һәм «Хезмәт җитештерүчәнлеге» илкүләм проекты чараларын тормышка ашыру өчен проект карточкасы булдырылган. Проектның темасы «Мөгезле эре яшь терлекләр үстерүнең нәтиҗәлелеген арттыру» буларак формалаштырылган.