Сәнәгать һәм сәүдә министрлыгы сәнәгатьтә төбәк башкарма хакимият органнары эшчәнлегенең нәтиҗәлелеген бәяләү системасын раслаган
Россия Сәнәгать министрлыгының 2021 елның 19 маендагы 1831 номерлы боерыгы белән сәнәгать өлкәсендә Россия Федерациясе субъектлары башкарма хакимият органнары эшчәнлегенең нәтиҗәлелеген бәяләү эше оештырылган.
Төбәк башкарма хакимият органнарының сәнәгатьтәге эшенә бәя бирү субъектларны сәнәгать үсешен стимуллаштыруга күбрәк җәлеп итәргә, ә төбәкләргә – үсеш нокталарын билгеләргә, дәүләт ярдәме чараларын актив кулланырга һәм сәнәгать потенциалын үстерү һәм инвестицияләр җәлеп итү буенча үткәрелә торган төбәк сәясәтенең көчле һәм йомшак якларын җентекләп анализларга мөмкинлек бирәчәк.
Нәтиҗәлелекне бәяләү 4 блок буенча үткәрелә: төбәкнең икътисадый үсеше, аның норматив хокукый базасы һәм төбәктәге ярдәм чаралары, эшлекле активлык, шулай ук Сәнәгатьне үстерү фондының Россия Сәнәгать министрлыгы белән үзара багланышлары.
Моннан тыш, бәяләү нәтиҗәләре, алга таба трансляцияләп һәм тәҗрибә алмашып, төбәктәге сәнәгать сәясәтен гамәлгә ашыруның иң яхшы тәҗрибәләрен дә ачыклый алачак.