Базарларда эшкуарлык эшчәнлеген башкарганда намуссыз эш итүгә юл куймау буенча тармак проектын үткәрү турында
Базарларда эшкуарлык эшчәнлеген башкарганда намуссыз эш итүне чикләү буенча тармак проектын гамәлгә ашыру кысаларында, шул исәптән Татарстан Республикасы салым органнары тарафыннан контроль-касса техникасын куллану турында Россия Федерациясе законнарын үтәү өлешендә дә, Татарстан Республикасы территориясендә урнашкан базарларга һәм сәүдә мәйданчыкларына инвентаризация уздырылды.
Исегезгә төшерәбез, проектның максаты – ваклап сату базарларының күләгәдәге әйләнешен киметү һәм бизнесны алып баруның тигез, конкурентлы шартларын булдыру.
Кулланучылар хокукларын яклауга да игътибар ителә. Касса чегы – сатуның легаль булуын раслый торган документ. Ул, кирәк булганда, сыйфатсыз товар яки хезмәт күрсәтүгә дәгъва белдерергә мөмкинлек бирә. Контроль-касса техникасын куллану турындагы законнарны бозучы салым түләүчеләр салым хезмәте тарафыннан тикшерүләр объекты булачак.
Проектны гамәлгә ашыру барышында килеп туган сорауларны оператив хәл итү өчен, Федераль салым хезмәтенең Татарстан Республикасы идарәсе каршында эшче төркем төзелгән. 2021 елның 1 апрелендә чираттагы киңәшмә үткәрелде, чарада катнашучыларга 2021 елның 1 апреленнән базарларда һәм сәүдә үзәкләрендә гамәлдәге законнарны бозып эшчәнлек алып баручы эшкуарларны һәм оешмаларны тикшерә башлау турында мәгълүмат җиткерелде.
Россия Федераль салым хезмәтенең Татарстан Республикасы идарәсе искәртеп узганча, контроль-касса техникасын куллану турында Россия Федерациясе законнарын бозу Административ хокук бозулар турында Россия Федерациясе кодексының 14.5 статьясы буенча административ җаваплылыкка тартуга сәбәпче була.