Альберт Кәримов: «Татарстан предприятиеләре чех бизнесы даирәләре белән хезмәттәшлекне тирәнәйтергә тели»
Бүген Татарстан Республикасы Сәнәгать һәм сәүдә министрлыгында Татарстан Республикасы белән Чехия Республикасы арасында икътисадый, сәнәгать һәм фәнни-техник хезмәттәшлек буенча уртак эш төркеме утырышы узды.
Утырышта Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов һәм Чехия Республикасы сәнәгать һәм сәүдә министры урынбасары Мартина Тауберова, шулай ук Чехия һәм Татарстан предприятиеләре катнашты.
Утырыш барышында Чехия Республикасы һәм Татарстан Республикасы арасында сәүдә-икътисадый хезмәттәшлек мәсьәләләре турында фикер алыштылар, Татарстан-Чехия уртак проектларын гамәлгә ашыру барышы каралды, уртак эш төркеме эшчәнлеге кысаларында уртак эшкә йомгак ясалды, шулай ук киләчәктә ике яклы хезмәттәшлекнең перспектив юнәлешләре билгеләнде.
Ике республика арасындагы уртак хезмәттәшлекнең перспектив юнәлешләре сыйфатында нефть-газ-химия һәм машина төзелеше комплексын, инновацион эшчәнлекне үстерү программалары аталды.