ТР Сәнәгать һәм сәүдә министрлыгы хезмәткәрләре «Процесслар фабрикасы»нда укулар узды
Татарстан Республикасы Сәнәгать һәм сәүдә министрлыгы хезмәткәрләре «Процесслар фабрикасы» мәйданчыгында укулар узды, анда сакчыл җитештерү инструментларын куллану буенча практик тәҗрибә алдылар.
Уку барышында катнашучылар өч уен сменасында булды, аларда билгеле бер санда эшләнмәләр чыгардылар. Сакчыл җитештерү инструментлары ярдәмендә яхшырак эшләү тәҗрибәсен алып, катнашучылар:
- фабрика процессларының мәгълүмат үзәгендә визуализацияләнгән күрсәткечләрне анализлады;
- җитештерү проблемаларын ачыклады, чишелешләр эшләде һәм аларны практикада гамәлгә ашырды;
- югалтуларны билгеләде;
- транспорт логистикасын оптимальләштерде;
- җитештерү мәйданнарын кыскартты;
- операторлар эшен баланслаштырды;
- такт вакыты буенча эш корды;
- заказчы ихтыяҗларын билгеләргә өйрәнде.
Барлык катнашучылар да уку тәмамланганнан соң сертификатлар алды. Татарстан Республикасы Сәнәгать һәм сәүдә министрлыгы хезмәткәрләрен укыту алдагы атнада да дәвам итәчәк.
Белешмә өчен: Процесслар фабрикасы – ул өйрәтә торган җитештерү мәйданчыгы, анда реаль җитештерү процессында катнашучылар сакчыл җитештерү инструментларын куллану һәм җитештерүне оптимизацияләү тәҗрибәсен ала, шулай ук җитештерүнең операция һәм икътисадый күрсәткечләренә ничек йогынты ясавына төшенә. Әлеге мәйданчык «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проекты кысаларында оештырылган.