Казан энергетика университетында - Энергетик көне

2018 елның 26 декабре, чәршәмбе

Бу атна башында Казан дәүләт энергетика университетында һөнәри бәйрәм - Энергетик көненә һәм якынлашып килүче Яңа елга багышланган тантаналы чара булды.

Чараны ачып, КДЭУ ректоры Эдвард Габдуллаҗанов  юбилей елына йомгак ясады һәм катнашучыларның барысын да һөнәри бәйрәмнәре белән котлады: "Бу ел безнең өчен үзенчәлекле - юбилей елы булды. 2018 елда КДЭУда Технопарк, яңа форматлы музей ачылды. Энергетик көненең бәйрәм эстафетасын тәмамлавы бик символикалы".

КДЭУ студентлары һәм хезмәткәрләре Россия Федерациясе һәм Татарстан Республикасы бүләкләре, энергетика компанияләренең мактау грамоталары һәм рәхмәт хатлары белән бүләкләнде.

Чарада шулай ук дирижер Михаил Мосенков идарәлегендә Татарстан Республикасының яшьләр симфоник оркестры чыгыш ясады.

 

КДЭУ матбугат хезмәте материаллары буенча

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International