ЯҢАЛЫКЛАР
2019 елда "КМПО" АҖ Казан мәйданчыгында хезмәткәрләр өчен тариф ставкаларын, окладларны һәм премия түләү күләмнәрен арттыруга өстәмә акча юнәлдереләчәк.
Һәр хезмәткәрдә берләшмәдәге эшнең гомуми күрсәткечләрен яхшыртуда, вазыйфаи бурычларны вакытында һәм сыйфатлы итеп башкаруда, тапшырылган участок өчен җаваплылык хисен арттыруда матди кызыксындыру хисен көчәйтү максатларында Казанның җитештерү мәйданчыгында эшләүче хезмәткәрләрнең уртача хезмәт хакы быелның азагына 46 000 мең сумга җитәргә тиеш. 2018 ел белән чагыштырганда, ул 21%ка күбрәк.
Моның өчен бүлекчәләрнең гомуми эш нәтиҗәләре өчен кварталлык премия кертелә. Премия күрсәткечләрен үтәгән шарт белән премия түләү башкарылачак.
Премия квартал дәвамында хезмәт дисциплинасын бозганнардан һәм хисап чорында берләшмәдән куылганнардан тыш, кварталның соңгы эш көненә эшләүчеләр исемлегендә торучы барлык берләшмә хезмәткәрләренә түләнәчәк. Болар белән берлектә, тариф ставкаларын һәм окладларны арттыру хисабына хезмәткәрләрнең хезмәт хакын квартал саен индексацияләү дә дәвам итәчәк, төп җитештерү һәм РП цехларындагы төп хезмәткәрләрнең эш нормасының 1 сәгатен бәяләү күздә тотыла.
Хезмәт хакын гомуми арттырудан тыш, өстенлекле, производство өчен аеруча әһәмиятле, слесарь-төзәтүче, электромонтер кебек хезмәткәрләргә хезмәт хакын өстәмә арттыру да каралган. Бу хәл якынча 186 кешегә кагылачак. Аларның хезмәт хакы 2019 елның гыйнвар аеннан арткан һәм 2018 ел белән чагыштырмача арту күләме 18% тәшкил иткән. Инженер-технологларның хезмәт хакы арту күләме, категориясенә карап, 17% тәшкил итәчәк, мастерларныкы, класска карап, шулай ук 17%. УТК, ОГМетр контролерларының хезмәт хакын арттыруга килгәндә, өстәмә артым күләме 10% тәшкил итәчәк.
"КМПО" АҖ матбугат хезмәте материаллары нигезендә
Бүген ТР Премьер-министры урынбасары – ТР сәнәгать һәм сәүдә министры Альберт Кәримов "ТР Министрлар Кабинеты каршындагы ТР Энергия саклаучы технологияләр үзәге" ДАУ яңа директоры белән таныштырды.
Учреждение энергетика нәтиҗәлелеге буенча гына түгел, ә хезмәт җитештерүчәнлеге, энергетиканы һәм сәнәгатьне үстерү мәсьәләләрендә дә компетенцияләр үзәге булып тора.
1997 елдан башлап Энергияне саклаучы технологияләр үзәгенә Евгений Мартынов җитәкчелек итте, ул эшләгән чорда энергияне сак тоту буенча ике закон расланды, энергетика нәтиҗәлелеге буенча 3 республика программасы тормышка ашырылды. Энергияне саклаучы технологияләр үзәгенең эше нәтиҗәсендә 2007-2018 еллар чорында Татарстанның энергиясыешлыгы 24%ка кимеде (энергиясыешлык – ул тулай төбәк продуктына карата энергия ресурсларын куллану мөнәсәбәтен күрсәтә торган күрсәткеч. Ягъни энергиясыешлык азрак булган саен, продукция җитештерү өчен энергия ресурслары шул кадәр нәтиҗәлерәк кулланыла. Татарстан әлеге күрсәткеч буенча Идел буе федераль округындагы башка төбәкләр арасында алдынгы урында тора).
Альберт Кәримов экс-директорга башкарган эшләре һәм күп еллык намуслы хезмәте өчен рәхмәт белдерде һәм яңа җитәкче – Марат Әхмәтов белән таныштырды.
"ТР Энергияне саклаучы технологияләр үзәге алдында күп төрле мөһим бурычлар тора. Алар арасында – хезмәт җитештерүчәнлеген һәм икътисадның энергетика нәтиҗәлелеген арттыру, шул исәптән энергосервис контрактлары аша, альтернатив энергетиканы һәм газ-мотор ягулыгы базарын үстерү һәм производствоны цифрлаштыру. Һич шигем юк, Үзәктәге хезмәткәрләрнең профессионаллыгы һәм компетенциясе куелган барлык бурычларны уңышлы хәл итәргә булышыр", – диде Министр.
Өстәмә:
М.Р.Әхмәров – ТР Сәнәгать һәм сәүдә министрлыгында, хезмәт җитештерүчәнлеген арттыру буенча республика программалары чараларының үтәлешен тәэмин итеп, республикадагы сәнәгый җитештерү күләмнәрен һәм индексын фаразлауны хисаплап 5 елдан артык аналитик бүлек башлыгы вазыйфасын биләде, предприятиеләрнең һәм оешмаларның җитештерү-хуҗалык эшчәнлегенә һәм финанс торышына мониторинг һәм анализ ясап торды, сәнәгать предприятиеләрен цифрлаштыру һәм мөһим докладларны әзерләү мәсьәләләре белән шөгыльләнде.
Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов җитәкчелегендә Штаб утырышы узды. Анда 2019-2024 елларга Татарстан Республикасының электр энергетикасын үстерү схемасын һәм программасын эшләү, WorldSkills стандартлары буенча һөнәри осталык буенча дөнья чемпионаты объектларын электр энергиясе белән өзлексез тәэмин итү, электр энергетикасы субъектларының ташу һәм янгын чыгу куркынычы янаган чорны уңышлы узуы, электр энергетикасының мөһим объектларын төзү һәм үзгәртеп кору буенча инвестиция проектларын тормышка ашыру, шулай ук 2019 елда ремонт кампаниясен үтәү турында мәсьәләләр каралды.
Чарада Россия Гадәттән тыш хәлләр министрлыгының Татарстандагы дәүләт идарәсе, “Спорт һәм махсус проектлар дирекциясе” АКО, “СО ЕЭС” АҖ Татарстан филиалы һәм республикадагы электр энергетикасы предприятиеләре вәкилләре катнашты.
Бүген ТНВ каналының туры эфирында министр урынбасары Алексей Савельчевның һәм "Раритэк Холдинг" АҖ генераль директоры урынбасары Рамил Ишмаевның интервьюсы булды, анда газ-мотор ягулыгын үстерү буенча республика программасының йомгаклары һәм 2018 елгы нәтиҗәләре турында сүз барды. Моннан тыш, спикерлар алга таба перспективалар һәм 2019 елга куелган бурычлар турында да сөйләде.
Шунысын билгеләргә кирәк, Татарстан газ ягулыгы инфраструктурасын үстерү һәм кысылган табигый газдан файдалану (республика министрлыклары, ведомстволары, предприятиеләре эшенең һәм "2013-2023 елларга Татарстан Республикасында газ-мотор ягулыгы базарын үстерү" дәүләт программасын уңышлы тормышка ашыру нәтиҗәсе) буенча алдынгы урыннарны биләп тора. Моннан тыш, югары, уртача һәм түбән басымлы тармакланган газүткәрү челтәрләре эшли. Ләкин АГНКС челтәре республиканың барлык территориясе буйлап кысылган табигый газда йөрүче газ-мотор техникасына транспорт маршрутларын тулысынча оештыру мөмкинлеген бирми. Шуңа күрә дә автомобиль техникасын кысылган табигый газ инфраструктурасында газ белән тәэмин итү урыннарын киңәйтү юлы белән күчерүгә этәргеч бирү максатларында 2019 елдан башлап 2021 елларга кадәр сроклы "Татарстан Республикасы территориясендә автомобильләргә газ тутыручы компрессор станцияләрен төзү" дәүләт программасы гамәлгә куелган.
Көньяк Кореяның SK E&C инжиниринг компаниясе вәкилләре үзләренең Татарстанга булган визиты кысаларында бүген ТР Сәнәгать министрлыгында булдылар. Очрашуны министр урынбасары Алексей Савельчев уздырды. Яклар республика территориясендә нефть химиясе өлкәсендәге яңа проектларны тормышка ашыру буенча компания мәнфәгатьләре турында сөйләште. "Үзенең геосәяси һәм сәнәгый потенциалы хисабына, потенциаль инвесторлар буларак, безне нәкъ менә Татарстан кызыксындыра", – дип билгеләде компаниянең идарәче директоры Ли СынСу.
Бүген министр урынбасары Герман Лернер Россия Федерациясендә Мисыр Гарәп Республикасының Гадәттән тыш һәм Тулы вәкаләтле Илчесе Ихаб Наср белән очрашты. Татарстан белән Мисыр арасындагы хезмәттәшлек Татарстан Республикасының тышкы икътисадый эшчәнлегендәге төп юнәлешләрнең берсе булып тора, Россия-Мисыр мөнәсәбәтләре кысаларында Мисыр белән багланышларны үстерүгә зур игътибар бирелә.
Очрашуда Татарстан предприятиеләре вәкилләре катнашты. Яклар сәнәгатьнең төрле өлкәләрендә яңа проектлар кысаларында хезмәттәшлек итүнең киләчәге, шулай ук Татарстан делегациясенең быелның язында планлаштырылган Мисырга визиты турында фикер алышты.
2019 елның 4 мартында Татарстан Республикасы Сәнәгать һәм сәүдә министрлыгында 2018 елга керемнәр, чыгымнар, мөлкәт һәм мөлкәти холыклы йөкләмәләр турында белешмәләр тапшыру мәсьәләсе буенча инструктив киңәшмә булды.
Киңәшмәдә биләнеше коррупция куркынычларына бәйле булган, аларны биләгәндә дәүләт граждан хезмәткәрләре үзләренең керемнәре, чыгымнары турында, мөлкәте һәм мөлкәти холыклы йөкләмәләре турында белешмәләр, шулай ук хатынының (иренең) һәм балигь булмаган балаларының керемнәре, чыгымнары турында, мөлкәте һәм мөлкәти холыклы йөкләмәләре турында белешмәләр тапшырырга тиешле Татарстан Республикасы дәүләт граждан хезмәте вазыйфалары исемлегенә кертелгән вазыйфаларны биләүче дәүләт граждан хезмәткәрләре катнашты.
Белешмәләр тапшырганда барлыкка килә торган актуаль сораулар турында сөйләшү булды, керемнәр турында белешмәләр тапшыру мәсьәләләре буенча Россия Федерациясе Хезмәт һәм социаль яклау министрлыгы методик күрсәтмәләре каралды.
2019 елның 1 мартыннан 30 маена кадәр Россия Федерациясе төбәкләрендә "Төбәкләр – тотрыклы үсеш" еллык иҗтимагый премиясе" конкурсы кысаларында инвестиция проектларын тормышка ашыру буенча заявкалар кабул ителә башлады.
Конкурс "Россия Саклык банкы" ГАҖ, "Банк ВТБ" ГАҖ, "Россельхозбанк" АҖ һәм Банк "ФК Открытие" ГАҖ тарафыннан РФ Хөкүмәте ярдәмендә уздырыла.
Россия Саклык банкы тарафыннан Конкурс кысаларында килә торган инвестиция проектларын тормышка ашыру өчен махсус банк продукты булдырылган (www.sberbank.ru/ru/legal/credits/award_regions ).
"Төбәкләр – тотрыклы үсеш" конкурсы эшләгәндә Башкортстан Республикасында, Мәскәү, Ленинград, Калининград, Вологодск һәм Липецк өлкәләрендәге проектлар уңышлы тормышка ашырылган.
Конкурсны уздыру вакытында (2011 елдан бирле) Конкурсның оештыру комитеты адресына инвестиция проектларын финанслауга 5 545 артык заявка килгән. 74 РФ субъектыннан тормышка ашыру өчен инвестиция потенциалы 2 трлн сумнан артык үз проектларын тәкъдим иткән 2120 катнашучы оештыручы банклардан кредит бирү шартлары белән уңай бәяләмәләр һәм проект өчен дәүләт ярдәменең ихтимал формалары турында РФ субъекты башкарма хакимияте органнарыннан бәяләмәләр алган.
Бүгенге көндә федерация субъектлары башкарма хакимияте органнары, кредит бирүче финанс учреждениеләре, хосусый инвесторлар һәм тормышка ашыру стадиясендә торучы проектларның хокук ияләре тарафыннан 168 млрд сумлык 154 инвестиция килешүе килештерелгән һәм имзаланган.
Карау өчен сәнәгатьнең барлык тармакларында Россия Федерациясе территориясендә тормышка ашырырга планлаштырыла торган кыска һәм озак сроклы инвестиция проектлары кабул ителә.
Конкурста проектлары җиңү яулаган эшкуарлар Россиянең иң зур банкларыннан махсус шартларда һәм тәкъдим ителгән проектны гамәлгә ашыру өчен кирәкле срокка (15 елга кадәр) кредит бирү мөмкинлекләре белән финанс ресурсларыннан файдалану мөмкинлегенә ия булачак.
Конкурста катнашу өчен инвестиция проекты заявкасын тутырырга һәм аны Төбәк координаторына юлларга, ә Заявка күчермәсен Конкурсның оештыру комитетына info@infra-konkurs.ru почта адресына җибәрегә кирәк.
Конкурста катнашу шартлары һәм сайлап алу нәтиҗәләре турында тәфсиллерәк мәгълүматларны Сез Конкурс сайтыннан: www.infra-konkurs.ru, шулай ук Оештыру комитеты хезмәткәрләреннән ала аласыз, түбәндәге күп каналлы телефон буенча: 8-800-775-10-73 (Барча Россия буйлап клиентлар өчен шалтырату бушлай).
Шулай ук Сез үзегезнең Төбәк координаторларына мөрәҗәгать итә аласыз, алар Сезгә Заявка тутырырга булышыр. Төбәк координаторларының исемлеге Конкурсны оештыру комитетының www.infra-konkurs.ru рәсми сайтында урнаштырылган.
Татарстан Республикасыннан төбәк координаторы – Татарстан Республикасы Икътисад министрлыгы.
Икътисад министрлыгыннан җаваплы хезмәткәр – инновацион эшчәнлек бүлегенең әйдәп баручы консультанты Сазанов Олег Дмитриевич, тел: 8 (843) 524-90-42.
Рәсми сайт: www.infra-konkurs.ru
26 февральдән 28енә кадәр Казанда автосервис өчен автоөлешләр, компонентлар һәм җайланмалар өлкәсендә әйдәп баручы күргәзмә бренды булган Automechanika булышлыгында, бишенче мәртәбә Автомобиль төзелеше буенча TIAF supported by Automechanika 2019 халыкара форумы узды. Чираттагы мәртәбә TIAF Идел буенда автокомпонентлар индустриясе өчен әһәмиятле чара статусын раслады.
Чараны оештыручылар: Европа Бизнесы Ассоциациясе (АЕБ), Татарстан Республикасы Сәнәгать һәм сәүдә министрлыгы, Messe Frankfurt GmbH Россия вәкиллеге, "Казан ярминкәсе" ААҖ.
Форумны һәм күргәзмәне ачуга багышланган тантаналы чарада Татарстан Республикасы Премьер-министры вазыйфаларын башкаручы Р.К. Нигъмәтуллин, Европа Бизнесы Ассоциациясе генераль директоры Доктор Франк Шауфф, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры А.А. Кәримов, Уртак Форд Соллерс предприятиесе Президенты А.Ш.Ширинов, Messe Frankfurt Exhibition GmbH (Мессе Франкфурт Экзибишн Гмбх) Вице-президенты Михаэль Йоханнес, "Мессе Франкфурт Рус" ҖЧҖ генераль директоры Ойген Аллес, Чжэцзян Провинциясенең Халыкара Конгресслар һәм Күргәзмәләр Компаниясе генераль директоры ассистенты Чжао Синм, Кытай Халык Республикасының Казан шәһәрендәге генераль консулы урынбасары Чэн Вэй катнашты.
Беренче көнне эш программасы кысаларында Пленар сессия булды, аның кысаларында автомобиль тармагындагы актуаль бурычлар һәм аны алга таба үстерү турында, тармакка булган дәүләт ярдәменең төрләре һәм заманча автомобиль төзелешенең төп векторлары турында сөйләшү булды. Форумда катнашучыларда пилотсыз автомобиль булдыру идеясе зур кызыксыну уятты.
Форумның икенче көне сатып алулар һәм производствоны локальләштерү мәсьәләләренә багышланды. Шулай ук әлеге көнне автоҗитештерүчеләр һәм сатып алучыларның Россия тәэминатчылары белән В2В-очрашулары да узды. Катнашучылар арасында: COSHKUNOZ ALABUGA, ОЭЗ «АЛАБУГА», ОАТ, Avtotor, ARNPO, Elaz, DAIMLER KAMAZ RUS, Ford Sollers, Kamaz, PSA Group, Renault Russia кебек компанияләр, Самара өлкәсе Автомобиль сәнәгате кластеры, "Тропза" ЯАҖ.
Күргәзмә һәм Форум эшенең икенче көнендә Кытай җитештерүчеләре һәм 1 дәрәҗәле тәэминатчылар белән бизнес-очрашулар узды, алар барышында 90 якын сөйләшү гамәлгә ашырылды.
27 февраль көнне күргәзмә экспозициясенең эш программасы кысаларында автосервислар җитәкчеләре өчен "Автосервис сатуларын иң киме 15%ка ничек арттырырга – гамәли рецептлар" темасына семинар булды. Семинарның спикеры булып атаклы автоэксперт һәм "Дөрес автобизнес" проекты җитәкчесе Роман Гуляев чыгыш ясады.
Форум күргәзмә экспозициясендә Россия, Төркия һәм Кытайдан әйдәп баручы автоҗитештерүчеләрдән, автомобильләргә хезмәт күрсәтү өчен запас өлешләр, автокомпонентлар, җайланмалар җитештерүчеләрдән һәм җиткерүчеләрдән эшләр булды, алар яңа әйберләр һәм иң яхшы продуктларны күрсәтелде.
Экспонентлар арасында: Ford Sollers компаниясе, Төркия Автомобиль Сәнәгате Экспортерлары Берлеге – OIB (Төркия), "Лосев" ФҖП ҖЧҖ (Сколково резиденты), FRISTOM (Польша), Лунфэй (Кытай) Хэйлунцзян фәнни-техник компаниясе, "Энергомаш" ЯАҖ, "ПромТехПласт" ҖЧҖ, GOLDEN SNAIL, "АВК-ОТО" ҖЧҖ, "Авольта Рус" ҖЧҖ, Webasto компаниясе дилеры "АДС" ҖЧҖ, "АтлантАвто" ҖЧҖ, "Беккери Компани" ҖЧҖ, "БелОМО" ААҖ (Беларусь Республикасы), "ЕвроАЛКА" ҖЧҖ, "Завод Профтермо" ҖЧҖ, "Кинетика-М" ҖЧҖ, "Компания Турбонайзер" ҖЧҖ, РемКом, "Тат-Экспорт" ҖЧҖ, "Блик" СЙ ҖЧҖ, "Весь Мир" Тукылмаган Материаллар Фабрикасы ҖЧҖ һ.б.
"КАМАЗ" ГАҖ 50 еллыгы уңаеннан күргәзмә экспозициясендә "Дакар" раллиенда катнашкан "КАМАЗ-Мастер" автомобиле күрсәтелде.
TIAF supported by Automechanika 2019 форумының күргәзмә экспозициясе кысаларында өченче ел рәттән Кытай автомобиль компонентлары җитештерүчеләреннән милли экспозиция күрсәтелде. Анда Кытайның 60 артык компаниясе катнашты.
1 дәрәҗәле тәэминатчылар буларак түбәндәге компанияләр катнашты: Taizhou Greco Rubber Belt Co. Ltd, Ruili Group Ruian Auto Parts Co Ltd, Heze OU Des Nozzle Pump Co. LTD, Jiangsu Yarujie Auto Parts Co. Ltd, Xingtai City Tight Rubber Product Co. LTD, Zhejiang Nessie Import and Export Trade Co. LTD, Brother Star Auto Fittings Co. Ltd, Zhejiang Shunwo Auto Parts Manufacturing Co. Ltd, Yueqing Hualong Mechanical Accessories Factory, Wenzhou Ammysun Auto Parts Co. Ltd һәм башкалар. Анда алар тормоз камераларын һәм дисклар, фильтрлар, кондиционерлар, радиаторлар, тизлек күчерү тартмаларын һәм аларга запас өлешләр, фаралар, пыяла чистарткычлар, кабызу кәтүкләре һәм күп кенә башка әйберләрне күрсәтте.
Форумның өченче көнендә делегатлар Яр Чаллы шәһәрендәге Ford Sollers җитештерү мәйданчыгын карады.
"Казан ярминкәсе" КҮ матбугат хезмәте материаллары буенча
Бүген ТР Сәнәгать һәм сәүдә министрлыгына Ростех Дәүләт корпорациясенең "Вооружение" кластеры директоры Сергей Абрамов җитәкчелегендә "Ростех" ДК вәкилләре килде.
Визит кысаларында "МВЕН" компаниясе вәкилләре катнашында Т-500 (МВ-500) проектын тормышка ашыру буенча уртак киңәшмә оештырылды. Очрашуны Альберт Кәримов уздырды, аның барышында алга таба серияләп җитештерү планнары билгеләнде.
Очрашуда шулай ук А.Г.Ромашин исемендәге "Технология" ОБФҖП генераль директоры Андрей Силкин да катнашты. Ул Татарстан сәнәгатендә ихтыяҗлы булырга мөмкин предприятиенең перспективалы продукциясен күрсәтте.