ЯҢАЛЫКЛАР

2020 елның 7 нче июлендә, INNOPROM ONLINE  халыкара сәнәгать марафоны кысаларында, Россия башкарма хакимияте органнары һәм CEO халыкара компанияләре җитәкчеләре катнашында «Глобаль сәнәгать vs глобаль эпидемия» төп стратегик сессиясе, шулай ук «Сәнәгый автоматизация», «Инновацияләр һәм технологияләр», «Тотрыклы үсеш» һәм «Халыкара хезмәттәшлек» тармак треклары кысаларында 20дән артык чара узачак.

INNOPROM ONLINE «Digital дәверендәге индустрия» – ИННОПРОМ халыкара сәнәгать күргәзмәсен оештыручыларның проектлары, тәҗрибә һәм белемнәр белән уртаклашу өчен профессиональ онлайн-платформа. Һәр атна саен дәүләт хакимияте органнары, Россия һәм халыкара компанияләр башлыклары бер-берсе һәм профессиональ аудитория белән глобаль индустрияь дөньясындагы чакырулар һәм аларга җавап бирү мөмкинлекләре турында фикер алыша. Элегрәк дискуссияләрдә РФ Хөкүмәте, РФ Сәнәгать һәм сәүдә министрлыгы, РФ Цифрлы үсеш, элемтә һәм массакүләм коммуникацияләр министрлыгы җитәкчеләре, шулай ук «Ростех» дәүләт корпорациясе, «Росатом» дәүләт корпорациясе, «ВЭБ.РФ» дәүләт корпорациясе, «Россия экспорт үзәге» һәм түбәндәге компанияләр җитәкчеләре катнашты: «КАМАЗ», «СОЛЛЕРС», «СИБУР», «Трансмашхолдинг», «Синара», «Группа ГАЗ», Boeing, Schneider Electric, Ericsson, SAP, KUKA, FANUC, FANUC һ.б.

Тулырак мәгълүмат чараның рәсми сайтында әлеге сылтама буенча урнаштырылган.

«Наше время – Безнең заман» эшче яшьләр иҗатының VIII ачык республика телевизион фестиваленә гаризалар кабул ителә башлаган, ул ТР Президенты Рөстәм Миңнеханов ярдәме белән һәм ЮНЕСКО эшләре буенча РФ Комиссиясе эгидасында уза.

«Наше время – Безнең заман» фестивале һичшиксез узачак. Татарстан Министрлар Кабинеты тарафыннан тиешле күрсәтмә чыгарылды. 1 нче июльдән башлап бәйгедә катнашучылардан гаризалар кабул ителә башлады, – дип белдерде «Наше время – Безнең заман» фестиваленең генераль продюсеры, мәдәният өлкәсендә РФ Хөкүмәте премиясе лауреаты Дмитрий Туманов. – Бу фестиваль – тулаем республика өчен зур шатлык һәм ТАССРның 100 еллыгын һәм Җиңүнең 75 еллыгын бәйрәм итүгә зур өлеш кертү дә, чөнки быел зур фестиваль хәрәкәте тарих өчен әһәмиятле ике датага багышланачак».

Дмитрий Туманов республика предприятиеләре җитәкчеләрен фестивальдә активрак катнашырга чакырды. «Фестивальдә катнашучыларның «Наше время – Безнең заман» фестивалендә чыгыш ясау теләге зур. Үз хезмәткәрләреңне яратырга гына кирәк, чөнки кешедә булган иң кадерле нәрсә – ул аның таланты. Бу фестивальгә дөньяда тиңнәр юк, шуңа күрә йокыдан уянырга, иммунитетны арттырырга һәм «Безнең заман» фестивалендә катнашырга кирәк», – дип ассызыклады Д.Туманов.

Фестивальгә гариза онлайн режимда бирелә, моның өчен http://www.bzzm.ru/ сайтына кереп, тиешле анкетаны гына тутырырга кирәк.

Фестиваль дирекциясендә хәбәр итүләренчә, катнашу өчен гаризалар 2020 елның 25 нче сентябренә кадәр тапшырылырга тиеш. Фестивальнең сайлап алу этаплары 2020 елның октябреннән ноябренә кадәр узачак һәм Түбән Кама, Әлмәт, Зеленодольск һәм Казан шәһәрләрендә 4 зона сайлап алу этабын, Казанда узачак суперфинал һәм гала-концерт өлешләрен үз эченә алачак. Исегезгә төшерик, эшче һөнәр вәкилләре ел дәвамында интернет ярдәмендә репетицияләр үткәреп, фестивальгә актив әзерләнгән.

Быел фестивальнең мөһим яңалыгы «Безнең заман геройлары» дип аталган махсус бүләк булачак. Мактаулы бүләк дәрәҗәле Гран-прига лаек булган командага, ләкин барлык номинацияләр буенча 1 урын алган баллар җыелмасы буенча биреләчәк.

Җиңүче иң яхшы командалар «ТЯГ» телеканалында «Наше время – Безнең заман» фестиваленнән «Безнең заман геройлары» телевизион тапшыруында күрсәтеләчәк. Проект май аенда башланып китте. Ул төп эше белән иҗат эшчәнлеген уңышлы гына берләштерә алган фестивальдә катнашучыларга багышланган. Беренче чыгарылыш «Юл хәрәкәте иминлеге» ДБУның «Наше время – Безнең заман» фестивалендә ике тапкыр Гран-при иясе булган иҗат коллективына багышланган иде. Хәзерге вакытта Горбунов исемендәге КАЗ, Менделеевск шәһәренең «Аммоний», КАМАЗ командаларына багышланган телетапшырулар төшерелгән һәм күрсәтү өчен әзерләнә.

«Наше время – Безнең заман» фестивалендә катнашучылар өчен тагын бер шатлыклы һәм көтеп алынган яңалык – быелдан башлап, иҗат коллективы составында 35 яшьтән 45 яшькә кадәр булган кешеләр катнаша алачак. Исегезгә төшерик, элек катнашучыларның яше 41 ел белән чикләнә иде. Әлеге яшь категориясендә катнашучылар фестивальдә 4 кешедән торган иҗади коллектив составында катнаша ала. Әлеге яшькә караган катнашучылар саны иҗади коллективта катнашучыларның гомуми саныннан 25 проценттан артмаска тиеш.

Фестивальдә катнашучыларга карата гомуми яшь таләпләре элеккечә кала: 18-35 яшьлекләр, алар өчен конкурс программасында шөгыльләнү һөнәри эшчәнлек булып тормаска тиеш.

Исегезгә төшерәбез, фестиваль эшче һәм инженер һөнәрләрен популярлаштыруга, эшләүче яшьләрнең иҗади потенциалын ачуга юнәлдерелгән. Ул социаль-әһәмиятле дәүләт проекты булып тора һәм коммерция максатларын күздә тотмый. Фестивальдә катнашу – бушлай, катнашучылардан оештыру кертеме алынмый.

Фестивальнең барлык этапларында бик күп мастер-класслар, «түгәрәк өстәл»ләр, РФ һәм ТР сәнгать осталарының консультацияләре уза. 

Татарстан Республикасы учреждениеләре һәм предприятиеләре, нинди милекчелек формасында булуына карамастан, фестивальдә катнашу өчен команда яки аерым башкаручылар юллый, алар «Музыка юнәлеше», «Бию юнәлеше», «Шөһрәт минуты», «Предприятиенең визитка-презентациясе» (визитканы Казандагы суперфиналны узган командалар гына әзерли) номинацияләре буенча үз чыгышларын әзерли.

Фестивальдә җиңүчеләр һәм лауреатлар кубоклар, дипломнар, истәлекле бүләкләр, акчалата премияләр белән бүләкләнә. Фестивальнең Гран-при иясе диплом, Татарстан Республикасы Президентының Күчмә кубогы һәм акчалата премия белән бүләкләнә.

Куйбышев тимер юлы инновацияле чишелешләр һәм технологияләр эзли. Эзләүнең төп максаты – Россия Федерациясе тимер юлларының бөтен челтәренә апробацияләү һәм алга таба гамәлгә кертү. Эзләнү эше түбәндәге ихтыяҗлар буенча башкарыла:

- Ясалма интеллект;

- Ышанычлылык, тузуга чыдамлылык үзлекләре югары булган инновацияле продукт;

- Техник диагностика;

- Энергетика нәтиҗәлелеге;

- Энергиянең альтернатив чыганакларын куллану.

Куйбышев тимер юлы инновацияләренә кагылышлы гаризалар «Россия тимер юллары» ААҖдә өстенлекле процедураны узган һәм тиешле инновацияле чишелешләрне эзләү өчен актуаль дип танылган.

Гаризаларны карау барышында өстенлек, «РЖД» ААҖ мәнфәгатьләрендә тәҗрибә эксплуатациясе өчен әзер чишелеш һәм/яки прототипны тәкъдим итү мөмкинлеге белән, үсешнең соңгы стадиясендә булган инновацияле чишелешләргә биреләчәк.

Һәр гаризага презентацияләр, шулай ук гариза бирүчеләрнең интеллектуаль эшчәнлек нәтиҗәләре буенча инновацияле чишелешләрдә булган хокукларын раслый торган документлар беркетелергә тиеш.

Гаризаны Куйбышев тимер юлының инновацияле үсеш бүлеге электрон почтасына җибәрергә кирәк  startupkbsh@mail.ru

Өстәмә мәгълүматны, шулай ук заявка формасын Куйбышев тимер юлының рәсми сайтында әлеге сылтама буенча алырга мөмкин

2020 елның 17 нче июлендә Россия Хезмәт һәм социаль яклау министрлыгы белгечләре һәм хезмәтне саклау мәсьәләләре буенча әйдәүче экспертлар катнашында «2020 елның төп үзгәрешләре: 1 яртыеллык нәтиҗәләре һәм киләчәккә планнар» дигән россиякүләм онлайн-конференция узачак.

Конференциядә хезмәтне саклауда төп үзгәрешләр, эш бирүчеләрне тикшерүнең яңа регламентлары, һөнәри хәвеф-хәтәрләрне бәяләүнең нәтиҗәле системасы, 2020 елда медицина тикшерүләрен үткәрү, хезмәт куркынычсызлыгы культурасын гамәлгә кертергә ярдәм итәчәк инструментлар каралачак.

Катнашу бушлай.

Хезмәтне саклау хезмәтләре җитәкчеләрен, белгечләрен һәм мәнфәгатьле башка оешмаларны онлайн-конференциядә катнашырга чакырабыз. Чара нәтиҗәләре буенча катнашучылар катнашу турында документ (сертификат) алачак.

https://seminar.vip.1otruda.ru сайтында тулырак мәгълүмат алырга, шулай ук чарага теркәлергә мөмкин.

Татарстан Республикасы эшкуарлык субъектларына ярдәм итүнең беренче чираттагы чараларын гамәлгә ашыру максатларында, «РЖД» ААҖ 720 чакрымга кадәр аралыкка алып бару өчен, шул исәптән автомобильләр һәм запас өлешләр, кәгазь, түпләр, ашлык һәм тарттырылган ашлыклар, макарон, яшелчәләр, җиләк-җимеш, балык, шикәр, тоз, ит, хайван һәм үсемлек мае, кондитер әйберләре, соклар һәм башка азык-төлек товарлары, катнаш азык, кара металлдан эшләнгән әйберләр, машиналар һәм җайланмалар, тимер конструкцияләр, җыелма йөкләр, халык куллана торган сәнәгать товарлары, шул исәптән сабын, мебель, аяк киеме, уенчыклар, савыт-саба, төзелештә бизәкләү материаллары һәм инструментлары, мамык һәм химия продукциясенең киң исемлеге буенча тимер юл тарифына икенче һәм өченче тариф класс йөкләре өчен 50% күләмендә ташламалар бирә.

Шулай ук беренче тариф классына караган йөкләр өчен дә 25% күләмендә ташлама билгеләнгән, шул исәптән төсле металл чималы һәм күкерт чималы, төзелеш кирпече, минераль-төзелеш эшләнмәләре өчен, – 300 км кадәрле ераклык өчен.

Түбәнәйтелгән тарифлар 2020 елның 31 нче декабренә кадәр гамәлдә булачак

Эштә җәрәхәтләнү очракларына каршы нәтиҗәле көрәшү алымнарының берсе – массакүләм мәгълүмат чаралары аша хезмәткәрләргә даими рәвештә мәгълүмат җиткереп тору. «Охрана труда и безопасность предприятия» махсуслаштырылган газетасы менә 19 ел инде хезмәтне саклау оешмалары белгечләре һәм барлык дәрәҗәдәге җитәкчеләр өчен хезмәт законнары һәм хезмәтне саклау мәсьәләләре буенча яхшы ярдәмче булып тора.

Газетаның тематикасы – хезмәтне саклау, хезмәт җитештерүчәнлеге, юл хәрәкәте иминлеге, сәнәгать, энергетика, экология, янгын, икътисад, мәгълүмат куркынычсызлыгы, шәхси иминлек, предприятиене саклау, террорчылыкка каршы тору, гражданнар оборонасы. Материаллар предприятиеләрдә авария һәм бәхетсезлек очракларыннан имин эшләүгә юнәлдерелгән. Басмада яңа норматив хокукый документларга һәм хөкүмәт карарларына шәрехләр, дәүләт хезмәте инспекторларының эш урыннарында булган бәхетсезлек очракларының сәбәпләренә багышланган материаллары, производствода имгәнү һәм һөнәри авыру алу очракларының сәбәпләрен анализлаучы мәкаләләр бар.

Ул айга 2 тапкыр чыгарыла.

«Россия Почтасы»ның теләсә кайсы бүлекчәсендә яки https:podpiska.pochta.ru сайтында язылырга мөмкин.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов видеоконференция режимында Россиянең Мисырдагы сәүдә вәкиле Николай Асланов белән очрашты. Чараның төп максаты – Татарстан Республикасы һәм Мисыр арасында икеяклы хезмәттәшлекне үстерү перспективалары турында фикер алышу.

– Мисыр Татарстан Республикасы өчен перспектив партнер булып тора. Бүгенге көндә ике яклы хезмәттәшлек потенциалы тулысынча ачылмаган. Потенциал булу күрсәткече – Татарстан Республикасы предприятиеләренең Мисыр партнерлары белән эшлекле элемтәләрне үстерүгә карата мәнфәгатьле булуы, – диде Альберт Кәримов үзенең сәламләү сүзләрендә. – Без эшчәнлек юнәлешләренең киң спектры буенча Мисырдагы хезмәттәшләребез белән хезмәттәшлекне үстерергә әзер, – диде ул.

Хәзерге вакытта дөньяда барган вәзгыятькә бәйле кыенлыкларга карамастан, Татарстан Республикасы предприятиеләре, «КАМАЗ» ГАҖ, «Татнефть» ГАҖ, «Ак Барс» суднолар төзү корпорациясе» АҖ, «Казан оптика-механика заводы» АҖ, «ПОЗиС» АҖ, «КЭР-Холдинг» ИК» ҖЧҖ һәм башкалар Мисыр партнерлары белән хезмәттәшлекне дәвам иттерә.

Белешмә өчен: 2019 ел нәтиҗәләре буенча Татарстан Республикасының Мисыр белән тышкы сәүдә әйләнеше АКШ доллары белән 24,3 млн. тәшкил иткән, шул исәптән экспорт операцияләре – 20,8 млн АКШ доллары, импорт операцияләре – 3,5 млн АКШ доллары.

1 нче июльдән башлап Россиядә дару препаратларын, аяк киемен һәм тәмәке продукциясен зарури цифрлы маркалау эше башлана. Шушы көннән башлап җитештерүчеләр һәм импортерлар тарафыннан медицина куллануы өчен дару препаратларын мәҗбүри маркалау турындагы таләпләр, шулай ук маркаланмаган аяк киемнәре һәм тәмәке продукциясе (тәмәке һәм папирос) әйләнешен тыю турындагы чикләүләр үз көченә керә.

Шулай итеп, маркаланмаган аяк киеме, тәмәке төргәкләре һәм папирос сатыла алмаячак, ә 2020 елның 1 нче июленә кадәр җитештерелгән, маркаланмаган дарулар яраклылык срогы тәмамланганчы әйләнештә була ала.

Маркаланган даруларның, аяк киеменең һәм тәмәке эшләнмәләренең һәр звеносында, товар әйләнешенең барлык этаплары (һәр алыш-биреш турында) турындагы мәгълүмат маркалау буенча дәүләт мәгълүмат системасына тапшырылырга тиеш.

«Бизнес өчен маркалау – брендны яклау, яңа лояль сатып алучылар булдыру, электрон документ әйләнеше, заманча товар-исәп-хисап системаларын кертү хисабына чыгымнарны оптимальләштерү, административ йөкләнешне киметү мөмкинлеге. Маркалау системасы – цифрлы икътисад элементы, дип әйтергә була. Сатып алучыга килгәндә, аның өчен «Честный знак» кушымтасы ярдәмендә товарларның легальлеген тиз арада тикшерү, алар турында мәгълүмат алу мөмкинлеге барлыкка килә. Легаль компанияләр позициясен яхшырту хисабына маркалау аркасында сатып алучылар өчен бәяләр артмаячак, система эшли башлаган тармакларда андый хәл булмады. Ә кайбер тармакларда кулланучылар өчен бәяләр кимергә дә мөмкин», – дигән фикердә статс-секретарь – Россия Федерациясе сәнәгать һәм сәүдә министры урынбасары Виктор Евтухов.

Маркалау буенча дәүләт мәгълүмат системасы операторы тарафыннан эшләнгән «Честный знак» кушымтасыннан iOS һәм Android смартфоннары куллана ала.

Маркалау системасында хәзерге вакытта 230 меңнән артык катнашучы теркәлгән. «Честный знак» кушымтасын 800 меңгә якын кулланучы күчереп алган, 7 млн. тирәсе товар тикшерелгән. Легаль булмаган продукция ачыкланган очракта, бу хакта кушымтадан ук системага хәбәр итәргә мөмкин, мәгълүмат контроль-күзәтчелек ведомстволарына җиткерелә.

Тәмәке эшләнмәләренә – 13 млрд. код, аяк киеме – 2 млрд., дарулар – 1,4 млрд., сөт продукциясе – 1,1 млн., шиннар – 1,2 млн., җиңел сәнәгать товарларына 1,1 млн. код кертелгән.

Киләчәктә фототоварлар, хушбуй һәм исле сулар өчен дә маркалау системасы мәҗбүри булачак (2020 елның 1 нче октябреннән башлап).

2020 елның 1 нче июленнән Татарстан Республикасының гарантияле тәэмин итүче һәм челтәр оешмалары «Россия Федерациясендә электр энергиясен (егәрлек) исәпкә алу системасын үстерүгә бәйле рәвештә Россия Федерациясенең аерым закон актларына үзгәрешләр кертү турында» 2018 елның 27 нче декабрендәге 522-ФЗ номерлы федераль закон нигезендә, республикада электр энергиясеннән файдаланучыларга «акыллы» счетчиклар куюны үз эченә алган электр энергиясен исәпкә алуның интеллектуаль системаларын оештыруга керешәчәк.

Күпфатирлы торак йортларда интеллектуаль исәпкә алу приборларын урнаштыру гарантияле төстә тәэмин итүче – «Татэнергосбыт» АҖ, шәхси секторда һәм юридик затлар өчен «Сетевая компания» ААҖ йөкләнгән.

Электр счетчикларын алыштыру бер үк вакытта түгел, ә кирәк булган саен, сафтан чыгуына карап, аны эксплуатацияләү вакыты чыкканда яки тикшерү вакыты килеп җиткәч гамәлгә ашырылачак.

Игътибар итегез, кулланучыларга исәпкә алу приборы, аны урнаштыру, алыштыру һәм пломба кую өчен түләү кирәкми, барлык хезмәтләр комплексы бушлай күрсәтелә.

Электр энергиясен интеллектуаль исәпкә алу кулланучыларга кайбер өстенлекләр дә бирә:

- исәпкә алу җайланмасындагы күрсәткечләрне читтән торып тапшыру һәм карый алу;

- электр энергиясенең сыйфатын тикшерүдә тоту;

- электр энергиясе өчен исәп-хисапларның тәгаенлеге;

- читтән торып яңадан программалаштыру, башка тарифларга күчү;

- исәпкә алынмаган электр энергиясен куллануны һәм исәпкә алу приборы эшенә санкцияләнмәгән рәвештә тыкшынуны чикләү;

- гомуми йорт ихтыяҗлары өчен электр энергиясе сарыфларын һәм электр энергиясе күләмнәрен киметү.

Электр энергиясен индивидуаль исәпкә алу приборларын алмаштыру турында өстәмә мәгълүматны «Татэнергосбыт» АҖ рәсми сайтында «Халык өчен» /исәпкә алу приборларын алмаштыру бүлегендә таба аласыз, яисә мәгълүматны «Татэнергосбыт» АҖ халыкка хезмәт күрсәтү офисларында ачыклап була.

Республиканың эре федераль һәм төбәк челтәрләрендәге бәяләрне мониторинглау нәтиҗәләре буенча 2020 елның 15 нче июненнән башлап 22 нче июненә кадәр кайбер социаль әһәмиятле азык-төлек товарларына бәяләр артуы ачыкланды:

- алма – 5,7%;
 - бәрәңге – 4,2%;
 - кишер – 2%;
 - дуңгыз ите (сөяксез иттән тыш) – 1%;
 - карабодай ярмасы – 1%.

Җиләк-җимеш продукциясенә бәяләр артуның төп сәбәбе – сезонлы күрсәткеч, ул республикада ел саен күзәтелә.

Бүгенге көндә Татарстан Республикасы Сәнәгать һәм сәүдә министрлыгы тарафыннан, Монополиягә каршы федераль хезмәтнең Татарстан Республикасы буенча идарәсе, Татарстан Республикасы Авыл хуҗалыгы һәм азык-төлек министрлыгы һәм Татарстан Республикасы Прокуратурасы белән берлектә, дуңгыз итенә һәм карабодай ярмасына бәяләр арту сәбәпләрен ачыклау өчен уртак эш дәвам итә.

Узган атна динамикасында яңа өлгергән ак кәбестәгә (-6,8%), башлы суганга (-3%), тавык күкәенә (-1,7%) бәяләр кимүе ачыкланды.

Шулай ук 2020 елның 25 нче июненә республиканың ваклап сату һәм даруханә челтәрләрендә 6800 меңнән артык антисептик, 1,6 миллион пар перчатка һәм 7,8 млн. битлек исәпләнә. Шәхси саклану чараларын «Магнит», «Пятерочка», «Лента», «Метро», «Верный», «Ашан», «Перекресток», «Зельгросс», «Бәхетле», «Эдельвейс», «Августина», «Агат», «FAITRO», «Челны Хлеб», «Дуслык», «Гурман-продукт», «Светофор» челтәрләрендә һәм «Таттехмедфарм», «Планета здоровья», «Ривьера», «Саулык», «Сакура», «Фармленд», «Ева плюс», «Магнат», «Универсал» һәм «Алоэ-Фарм» даруханә челтәрләрендә сатып алырга мөмкин.