ЯҢАЛЫКЛАР

19 ноябрьдән 2 декабрьгә кадәр «Вкусы России» төбәк брендларының беренче илкүләм конкурсы порталында халык арасында тавыш бирү башлана. Бу – Россия Федерациясе Президенты йөкләмәсе буенча Россия Федерациясе Авыл хуҗалыгы министрлыгы тарафыннан гамәлгә ашырыла торган мондый продукциягә ярдәм итү чаралары комплексының беренче этабы.

Конкурска Россия Федерациясенең 79 субъектыннан 500ләп төбәк азык-төлек брендлары тәкъдим ителгән. Татарстан Республикасыннан конкурска 22 бренд белдерелгән. Алар арасында:

• Татарстанның «Татар балы» балы
• «Кукмара балы» балы
• Татарстаннан «СластЕла»
• Лаеш чәк-чәге
• «Казанский» чәк-чәге
• «Татарские Халяль» сосискалары
• «Вечерняя Казань» торты
•  «Зеленодольский» катыгы
• Әгерҗе лимонады
• «Татарский» икмәге
• Алабуга прәннеге
• Казан прәннеге
• «Елабужский» куас эчемлеге
• «Птичка Елабужская» кәнфитләре
• Мамадыш колмак икмәге
• Татарстанның «Булгария» үрдәк казылыгы
• Татарча ысланган үрдәк түше
• Казан үрдәге
• Татар ысланган казы
• Казылык
• «Национальной торговой марки» татар чәе
• Татар талкышы калевесе

Бүген Татарстан Республикасы Вице-премьеры – Татарстан Республикасы сәнәгать һәм сәүдә министры Альберт Кәримов Казан технология һәм дизайн көллиятендә булды. Анда ул «Мода технологиясе – Юниорлар» (12-14 яшь), «Мода технологиясе – Юниорлар» (14-16 яшь) һәм «Цифрлы модельер» компетенцияләренең ярыш мәйданчыкларын карап, мәйданчыкларның төп экспертлары белән аралашты.  

Казан технология һәм дизайн техникумы 2019 елда җиңел һәм текстиль сәнәгате белгечләрен әзерләү, яңадан әзерләү һәм квалификацияләрен күтәрү буенча ресурс үзәге статусына ия булган.

Ел саен Казан технология һәм дизайн көллияте базасында «WorldSkills» «Мода технологияләре», «Юниорлар 12+ мода технологияләре», «Юниорлар 14+ мода технологияләре» һәм «Цифрлы модельер» компетенцияләре буенча Worldskills төбәк чемпионаты, шулай ук сәламәтлеге буенча мөмкинлекләре чикләнгән кешеләр өчен «Тегүче ир» һәм «Тегүче хатын» компетенцияләре буенча «Абилимпикс» төбәк чемпионаты үткәрелә.

«ТатхимПласт» Казанда автомобиль элементларын, кер юдырту машиналарының төрле детальләрен, суыткыч һәм телевизорларны, шулай ук төзелеш материалларын җитештерү өчен югары технологияле полимер компаундлар җитештерүнең яңа чиратын эшләтеп җибәргән.

Ташламалы займ җәлеп итеп, предприятие елына 12 мең тонна егәрлекле компаундларның югары технологияле яңа производствосын булдыруга заманча җиһазлар сатып алган. Предприятиенең гомуми җитештерү куәте ике тапкыр диярлек – елына 25 мең тоннага кадәр арткан.

Полимер компаунд (композицион термопластик материал) – полимер матрицадан, модификацияләүче өстәлмәләрдән һәм тутыргычлардан торган күп компонентлы материал. Материал гранулалар рәвешендә чыгарыла, детальләр һәм эшләнмәләр ясау процессында кою методы белән кулланыла. Бурычларның нинди булуына карап, аңа куллану үзлекләре бирелә: катылык, бәрелүгә чыдамлылык, югары температураларга чыдамлылык.

«ТатхимПласт» производствосын киңәйтү нәтиҗәсендә Россиядә полимер эшләнмә җитештерүчеләренең чит ил чималына ихтыяҗы кимиячәк.

Яңа производствоны оештыру «Лизинг» программасы буенча ташламалы кредит хисабына мөмкин булган. 2018 ел ахырында предприятие Сәнәгатьне үстерү фондыннан 60 млн. сум акча алган. Проектның гомуми бюджеты 230 млн. сумнан артып киткән.

2020 елның сентябрендә «Челны Хлеб» АҖ «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проектына кергән.

«Челны Хлеб» акционерлык җәмгыяте икмәк-күмәч һәм кондитер әйберләре җитештерү буенча тулы циклдагы заманча предприятие булып тора, аның ассортиментында 100 артык атама бар. Предприятие продукциясенә инде 40 елдан артык шәһәр һәм республика халкы арасында ихтыяҗ бар. Продукциянең ассортименты даими рәвештә киңәя. Шул ук вакытта предприятиенең техник базасы да модернизацияләнә.

Предприятиедә «Фрич» җитештерү линиясендә кондитер әйберләре җитештерү агымы сынау проекты итеп билгеләнгән, ул чимал алу һәм тест әзерләү процессыннан башлап, клиентка әзер кондитер әйберләре төяп җибәрүгә кадәр продукция җитештерүнең тулы циклын үз эченә ала.

Әлеге агымның сайлап алынуы очраклы түгел. Җиһазларның булган потенциалы, продукциягә ихтыяҗ арту һәм нәтиҗәлелекне арттыруга омтылыш сынау агымы мисалында Сакчыл җитештерүнең барлык инструментларын эшләргә мөмкинлек бирә.

Проектның максаты – эшләп чыгару дәрәҗәсен 30% арттыру, производствода запасларны 60% киметү һәм җитештерү процессының вакытын 55% кыскарту.  Проектның максатчан күрсәткечләре белән беррәттән, чаралар планына проектның эшче төркемнәрен һәм предприятие җитәкчеләрен «Декомпозиция» һәм «Нәтиҗәле мәгълүмат үзәге» темалары буенча укыту, шулай ук предприятиенең эчке Лин-тренерын әзерләү буенча бурычлар керә. Болар барысы да предприятиенең алга таба, мөстәкыйль үсешен тәэмин итү һәм проект нәтиҗәләрен тиражлау өчен кирәк.

Бүгенге көндә, проектны тормышка ашыру агымдагы халәтне диагностикалау этабының соңгы стадиясендә тора.

Ford Transit автомобильләренең сыйфаты, ышанычлылыгы, хезмәт күрсәтүнең уңайлылыгы һәм түбән бәясе аркасында, аларга бизнес һәм тормышның барлык өлкәләрендә дә ихтыяҗ бар, ә Ford Transit автомобильләренең техник тәэминат бәясе сегментта иң арзаннарының берсе булып тора. Автомобильләргә шәхси бизнес та, автомобиль паркында 1000нән артык Ford Transit булган базарның эре уенчылары да ышана, ә бер тапкыр ясалган иң зур заказ 700дән артык автомобиль тәшкил иткән – 2019 елда товарлар китертү өчен зур онлайн-кибет шул кадәр фургон сатып алган.  

2012 елдан башлап, завод эшли башлаганнан бирле, 90 000 автомобиль җитештерелгән һәм аларны сату һаман арта бара. Коммерция линейкасында иң популяр Ford Transit – тоташ металл фургон, сатылган автомобильләрнең 60%ы аның өлешенә туры килә, икенче урында – бер кабиналы шасси. Кулланучылар өчен иң кирәкле төс – ак, сатып алучыларның 80% ак төскә заказ бирә.

Ford Transit, шулай ук, махсус версияләрнең киң линейкасы булуы белән дә уңыш казана: Ford Transit базасындагы махсус автомобильләрнең тулы гаммасы 141 төрле махсус һәм социаль билгеләнештәге модификацияне үз эченә ала һәм тулылана бара. Махсус версия автомобиленә, заказларның үзәкләштерелгән SVO уникаль системасы аркасында, дилер үзәгенә 1 тапкыр барып, бердәм, фиксацияләнгән бәядән заказ ясарга була. Максималь кастомизация нәтиҗәсендә махсус версиядәге автомобильләрне сату өлеше арта һәм хәзерге вакытта 50% артык тәшкил итә.

Бүген Ford Transit бөтен Россия буенча почта һәм товарлар китертү өчен кулланыла, алар ашыгыч медицина ярдәме хезмәтендә эшли, балаларны мәктәпләргә илтә, шәһәр һәм шәһәрара элемтәсендә пассажирлар йөртә, кече һәм урта бизнес бурычларын нәтиҗәле хәл итә.

2020 елның 18 ноябреннән 18 декабренә кадәр онлайн форматта «EXPO-RUSSIA UZBEKISTAN 2020» халыкара сәнәгать күргәзмәсе узачак.

Әлеге чараны уздыруның заманча варианты анда үз офисыңнан чыкмыйча гына катнашу мөмкинлеген бирәчәк. Һәр катнашучыга шәхси дизайнлы цифрлы стенд, килүчеләр белән видео-очрашулар һәм турыдан-туры сөйләшүләр өчен ышанычлы элемтә каналлары, видеопрезентация, вебинар үткәрү яки теләсә кайсы түгәрәк өстәлдә онлайн катнашу мөмкинлеге бирелә. Эш программасының барлык чаралары Россия белән Үзбәкстанның профильле министрлыклары вәкилләре катнашында узачак.

«EXPO-RUSSIA UZBEKISTAN ONLINE 2020» икътисадның төрле секторларында эшләүче һәм Урта Азия төбәгенә үз продукциясен яки хезмәтләрен җиткерүдә мәнфәгатьле компанияләрне катнашырга чакыра.

Күргәзмәнең тематик бүлекләре: машина төзелеше, энергетика, төзелеш, нефть-газ тармагы, химия сәнәгате, медицина һәм фармацевтика, авыл хуҗалыгы һәм азык-төлек продуктлары җитештерү, транспорт һәм логистика, металлургия, тау эшкәртү сәнәгате, мәгълүмат технологияләре һәм элемтә, ТФҖ, мәгариф һәм фән.

Тулырак мәгълүматны http://eru2020.expoday.online/ сайтында табарга мөмкин.

POZIS спортчылары (Ростех Дәүләт корпорациясенең «Технодинамика» холдингы идарәсе – «Техмаш» ФҖК» АҖ идарәче оешмасы контурына керә) Идел буе федераль округының Төбәкара корпоратив уеннары нәтиҗәләре буенча призлы урыннар яулаган.

Татарстан башкаласында Идел буе федераль округының (Көнбатыш) төбәкара корпоратив уеннары тәмамланган. Чараны «Ростех» дәүләт корпорациясе һәм «Вертолеты России» холдингы ярдәмендә «Хезмәт резервлары» россиякүләм физкультура-спорт җәмгыяте оештыра.

Ярышларга Россиянең төрле төбәкләреннән 1200 һәвәскәр спортчы җыелган. Ярышларда катнашучылар арасында 18 спорт төрендә 789 медаль уйнатылган: мини-футбол, баскетбол, волейбол, аркан тартышу, идәннән гәүдә күтәртү, тартылу, кроссфит, гамәли ату һ.б.  

«ПОЗиС» АҖ командасы шәхси һәм команда спорт төрләрендә дә ышанычлы нәтиҗәләр күрсәткән. 800 метрга йөгерүдә «ПОЗиС» АҖ суыткыч приборлары һәм сәүдә медицина җиһазлары җитештерү буенча механик җыю эшләре слесаре Эльвира Кузьмина көндәшләрен зур өстенлек белән узып киткән. Нәтиҗәдә, алтын медаль яулаган.   Көчле спорт төрендә, ятып штанга күтәрүдә, җиһазларны ремонтлау буенча үзәк җитәкчесе урынбасары Андрей Сопин аерылып торган. Ул – өченче урында.

Футбол буенча төбәкара корпоратив уенда 18 команда көч сынашкан. Турнир таблицасында «ПОЗиС» АҖ җыелма командасы ышанычлы рәвештә ТОП-5 җиңүчеләр исемлегенә эләккән.

Казанда Идел буе федераль округының Төбәкара корпоратив уеннары «Демография» илкүләм проекты, «Спорт – яшәү нормасы» федераль проекты бурычларын гамәлгә ашыру – халыкны массакүләм спортка һәм сәламәт яшәү рәвешенә тарту кысаларында уздырылган. 

«Җитештерүчәнлек лидерлары» идарәче кадрларны укыту программасы (алга таба – Программа) Россия Федерациясе Икътисадый үсеш министрлыгы тарафыннан «Россия Федерациясе Икътисадый үсеш министрлыгының Бөтенроссия тышкы сәүдә академиясе» ЮҺБ ФДБМУ (алга таба – ВАВТ) белән берлектә «Хезмәт җитештерүчәнлеге һәм эш белән тәэмин итүгә ярдәм» илкүләм проектын (алга таба – илкүләм проект) гамәлгә ашыру кысаларында төзелгән.

Укыту процессы барышында программада катнашучылар конкрет предприятие өчен хезмәт җитештерүчәнлеген арттыруның төп юнәлешләре өстендә эшли, шулай ук аны гамәлгә ашыру планын әзерли, бу исә икътисадның чимал булмаган тармак предприятиеләре җитәкчеләренә масштаблы производство үзгәртеп кору шартларында, бердәм мәгълүмат кыры кысаларында яңа күнекмәләр һәм компетенцияләр алуга, хезмәт җитештерүчәнлеген арттыруга ярдәм итә торган оештыру һәм технологик инновацияләрне гамәлгә кертү мөмкинлеге бирә.

Хәзерге вакытта коронавирус йогышы таралу куркынычына бәйле рәвештә, Программа белем бирү процессының сыйфатын саклап, белем бирү процессында катнашучыларның читтән торып хезмәттәшлек итүен тәэмин итә торган дистанцион белем бирү технологияләрен кулланып гамәлгә ашырыла. Программа буенча уку өчен мөһим шарт – интернеты булган шәхси компьютер/ноутбуктан ирекле файдалана алу мөмкинлеге, шулай ук компьютер грамоталылыгының база дәрәҗәсенә ия булу.

Катнашу өчен https://лидерыпро.рф сайтында программага теркәлергә кирәк, түбәндәге чорларда:

– 18 нче агым: 2020 елның 13 ноябреннән 15 декабренә кадәр гаризалар кабул итү. Укыту 2021 елның 1 февраленнән башлана;

– 19 нчы агым: 2021 елның 1 гыйнварыннан башлап 30 гыйнварына кадәр гаризалар кабул итү. Укыту 2021 елның 24 февраленнән башлана;

– 20 нче агым: 2021 елның 1 февраленнән 28 февраленә кадәр гаризалар кабул итү. Укыту 2021 елның 22 мартыннан башлана;

– 21 нче агым: 2021 елның 1 мартыннан 30 мартына кадәр гаризалар кабул итү. Укыту 2021 елның 26 апреленнән башлана.

Программа буенча килеп туган барлык сораулар буенча ВАВТ җитештерүчәнлеген арттыру үзәгенә мөрәҗәгать итәргә: Бадараева Марина, тел.: +7 914-636-97-32, e-mail: mbadaraeva@vavt.ru.

Татарстан предприятиеләренең 300 артык хезмәткәре «Хезмәт җитештерүчәнлеге һәм эш белән тәэмин итүгә ярдәм» илкүләм проектының «Процесслар фабрикасы» программасы буенча укулар узган.

«Процесслар фабрикасы» – ул өйрәтә торган җитештерү мәйданчыгы, анда реаль җитештерү процессында катнашучылар сакчыл җитештерү инструментларын куллану һәм җитештерүне оптимизацияләү тәҗрибәсен ала, шулай ук җитештерүнең операция һәм икътисадый күрсәткечләренә ничек йогынты ясавына төшенә.

Сакчыл җитештерүдә эшчәнлек процессы продукция җитештерү өчен сарыф ителәчәк вакытны һәм акчаларны минимальләштерү өчен җиһазларны оптималь урнаштырып, чимал белән материалларны аның аша эзлекле үткәрерлек итеп оештырылган.

Җитештерү нәтиҗәлелеген арттыру өчен предприятиедә түбәндәгеләрне тәэмин итә ала торган чаралар гамәлгә ашырыла:

• Клиентларга максималь ориентлашкан продукция җитештерү процессын төзү
• Җитештерү һәм офис процессларында югалтуларны киметү
• Процесс узу вакытын (ВПП) иң ким дигәндә 2 тапкыр киметү
• Запасларны кимендә 50%ка (НЗП) кыскарту
• Операторлар йөкләнешен вакыты буенча һәр оператор уртача 85% дәрәҗәсендә эшкә бирелгән булырлык итеп тигезләү
• Транспортлау аралыгын һәм вакытын 30% киметү
• Хезмәткәрләрнең тәртибен үзгәртү, аларны сакчыл җитештерү инструментларын кертүдә актив катнашучыларга әверелдерү

Укыту процессында катнашучылар өч уен сменасы яши, аларда билгеле бер күләмдә эшләнмәләр чыгарырга һәм түбәндәгеләр буенча күрсәткечләргә ирешергә тиеш була:

Операцияләр

Процессның узу вакытын киметү (ВПП)

Операторларга булган йөкләнешне арттыру

Агымда запасларның (төгәлләнмәгән НЗП эшчәнлеген) киметү

Транспортировкалар санын киметү

Чыгарыла торган эшләнмәләр күләмен киметү

Финанс

Продукциянең минималь үзкыйммәте

Максималь табыш алу

Сакчыл җитештерү инструментлары ярдәмендә яхшырак эшләү тәҗрибәсен алып, катнашучылар:

• фабрика процессларының мәгълүмат үзәгендә визуализацияләнгән күрсәткечләрне анализлый;
• җитештерү проблемаларын ачыклый һәм формалаштыра, чишелешләр эшли һәм аларны практикада гамәлгә ашыра
• югалтуларны ачыклый
• транспорт логистикасын оптимальләштерә
• җитештерү мәйданнарын кыскарта
• операторлар эшен баланслый
• такт вакыты буенча эшчәнлек кора
• заказчы ихтыяҗларын билгеләргә өйрәнә

Хезмәткәрләрне җитештерү процесслары белән кыска вакыт эчендә эшләргә өйрәтү һәм мотивацияләү, җитештерү нәтиҗәлелегенең төп күрсәткечләренә, җитештерү нәтиҗәлелегенә йогынты ясый торган төп күрсәткечләргә ирешү Процесслар фабрикасына гамәли укыту платформасы булырга мөмкинлек бирә.

Казанда агымдагы елның август аенда уку-укыту мәйданчыгы ачылганнан бирле 18 «Процесслар фабрикасы» уздырылган, анда Татарстан Республикасы Сәнәгать һәм сәүдә министрлыгының җитәкчелек составы һәм хезмәткәрләре, шулай ук илкүләм проектта катнашучы 13 предприятие белгечләре белем эстәгән.

Укыту махсус җиһазландырылган сыйныфта Төбәк компетенцияләр үзәге базасында уза. Аның төп максаты – киләчәктә җитештерүчәнлекне арттыру өчен предприятиеләрдә сакчыл җитештерү принципларын кертү.

Татарстан Республикасы Сәнәгать һәм сәүдә министрлыгы мәгълүматларына караганда, илкүләм проектта республиканың 99 предприятиесе катнаша, 2024 елга кадәр максатчан күрсәткеч – 351 оешма җәлеп ителә.

Илкүләм проект социаль әһәмиятле нәтиҗәләргә ирешүгә юнәлдерелгән: илкүләм проект предприятиесенең цифрлы экосистемасына онлайн-сервислар кертү; Федераль компетенцияләр үзәге һәм Төбәк компетенцияләр үзәге хезмәтләре спектрын киңәйтү; WorldSkills белгечләрен һәм инфраструктурасын җәлеп итеп, рационализаторлар хәрәкәтен формалаштыру.

«Агросила» АҖнең иң эре холдингларыннан берсе булган «Зәй шикәре» компаниясе якындагы өч елда хезмәт җитештерүчәнлеген 30% арттырырга ниятли. Завод шикәр чөгендерен игү һәм саклау буенча инновацияле технологияләр кертә. Агымдагы елның август ахырында «Зәй шикәре» предприятиесе «Хезмәт җитештерүчәнлеге һәм халыкны эш белән тәэмин итүгә ярдәм» илкүләм проектында катнашкан.

Илкүләм проектны гамәлгә ашыру өч елга исәпләнгән. Федераль компетенцияләр үзәге экспертлары катнашында актив фаза беренче алты ай дәвамында уза.

Завод 2014 елдан бирле үз процессларына сакчыл җитештерү керткән. Шикәр җитештерү сезоны дәвамында җиһазларның эшләми башлаган очракларына ясалган анализ шикәр чөгендерен эшкәртү җитештерүчәнлеген киметүнең төп сәбәпләрен ачыклаган.

Нәтиҗәдә, һәр этапны җентекләп тасвирлап, барлык төр җиһазлар өчен хезмәт күрсәтүнең яңа графиклары эшләнгән. Сакчыл җитештерү системасын кертүдә хезмәткәрләрне өзлексез камилләштерүгә җәлеп итүгә, кайдзен-проектларны ачу һәм тормышка ашыру, 5C эш урынын оештыру системасына һәм барлык процессларны стандартлаштыруга кагылышлы регламентлар эшләү мөһим момент булган. Кайдзен-проектларны ел саен ремонт хезмәтләре җитәкчеләре дә, мастерлар да, дирекция дә ача.

Складта да «Сакчыл җитештерү» инструментлары кулланыла. «Канбан» технологиясе склад запасларын оптимальләштерергә һәм җитештерү запасларын планлаштыру чылбырын төзергә ярдәм иткән. 2020 елда завод белгечләре продукциянең үзкыйммәтен киметүгә юнәлдерелгән кайдзен-проектлар ачу хисабына «АГРО» җитештерү системасының нәтиҗәлелеген арттыру өстендә эшләгән.