ЯҢАЛЫКЛАР

10 декабрьдә Мәскәүдә Россия экспорт үзәге (ВЭБ.РФ составына керә) тарафыннан оештырылган «Россиядә эшләнгән» халыкара экспорт форумы узачак. 2021 ел программасы экспортерлар мәнфәгатьләрен исәпкә алып, башлап җибәргән микрокомпаниядән күппрофильле экспортка юнәлтелгән холдингка кадәр, теләсә нинди масштабтагы һәм тәҗрибәне исәпкә алып формалаштырылган.

Форумда катнашуга башкарма хакимиятнең федераль һәм төбәк органнары, экспортер-компанияләр, үсеш институтлары һәм эшлекле берләшмәләр җитәкчеләре, шулай ук Россия һәм чит ил экспертлары чакырылган. Гадәттәгечә, форумда Россия Хөкүмәтенең беренче затлары да катнаша. 2020 елда пленар утырышны премьер-министр Михаил Мишустин ачты.

Файдалы һәм эшлекле элемтәләрне үстерү өчен форум кырларында күпкырлы эшлекле миссия оештырылган, анда, Россия ССП эшлекле советлары челтәре белән берлектә, БДБ, Евросоюз, Якын Көнчыгыш һәм Персия култыгы илләреннән байерлар, импортерлар, ритейлерлар чакырылган.

Эшкуарларның экспорт күнекмәләрен кару өчен вебинарлар сериясе узачак: сөйләшүләр, маркетингны алга сөрү, маркетплейслар аша экспорт сатуларын көйләү, дәүләт ярдәме чараларын дөрес файдалану, чит илдә Россия экспортерларының хокукларын яклау темалары күтәреләчәк.

Экспорт үсешенең трендлы темаларын тирәнрәк карау өчен экспортка финанс ярдәме инструментларын куллану, электрон сәүдә каналлары аша китерү, югары технологияләр экспорты буенча чаралар планлаштырылган. Экспорт үсешенең стратегик мәсьәләләрен төгәлрәк аңлау өчен пленар сессия спикерлары чыгышлары, «РСПП экспорт форумы» дискуссияләре һәм «Халыкара кооперация һәм экспорт» илкүләм проекты буенча иҗтимагый-эксперт советы чыгышлары каралган. Моннан тыш, форум кырларында Халыкара кооперация һәм экспорт өлкәсендә «Ел экспортеры» бөтенроссия премиясен тапшыру тантанасы да узачак. Быел илнең иң яхшы экспортерлары 12 номинациядә 13 җиңүче булган.

Форум кунаклары игътибарына шулай ук экспорт продукциясе үрнәкләре белән күргәзмә экспозициясе дә тәкъдим ителәчәк. 2021 ел Россиядә Фән һәм технологияләр елы дип игълан ителгән иде. Шуңа күрә экспозиция фокусында – фән сыйдырышлы, технологик яктан инновацияле чишелешләр. Болар – сәнәгатьнең төрле тармаклары товарлары, машина төзелеше, сәнәгать җиһазлары, медицина һәм электрон сәнәгать.

Утырышларның турыдан-туры трансляциясен 10 декабрьдә Форумның рәсми сайтында карап булачак: forum2021.exportcenter.ru

Татарстан Республикасы Сәнәгать һәм сәүдә министрлыгында 2021 елның 2 декабрендә Дәүләт Думасы депутаты, Дәүләт Думасының Кече һәм урта эшкуарлык комитеты рәисенең беренче урынбасары А.Г.Когогин, Татарстан Республикасы сәнәгать һәм сәүдә министры урынбасары И.П. Колчин, Татарстан Республикасы икътисад министры урынбасары А.Д. Шәмсиев һәм Татарстан Республикасы Инвестиция үсеше агентлыгы җитәкчесенең беренче урынбасары И.М. Галиев катнашында сәнәгатьне үстерү өлкәсендә дәүләт программаларын 2021 елда гамәлгә ашыру мәсьәләсе буенча 7 нче эш төркеме утырышы булды.

Киңәшмә барышында «Сәнәгатьне үстерү һәм аның конкуренциягә сәләтлелеген арттыру» дәүләт программасының эш төркеменә беркетелгән дәүләт программасын, «Газпром» ГАҖ инвестиция программасын гамәлгә ашыру, Сәнәгатьне үстерү фондының ташламалы заемнарын җәлеп итү буенча фикер алыштылар.

2021 елның 9 аенда «Сәнәгатьне үстерү һәм аның конкуренциягә сәләтлелеген арттыру» дәүләт программасы буенча республиканың өч дистәгә якын предприятиесе, шул исәптән транспорт һәм махсус машина төзелешен үстерүгә, сәнәгатьнең граждан тармакларында фәнни тикшеренүләр һәм тәҗрибә эшләнмәләре уздыруга, инвестиция проектларын гамәлгә ашыруга һәм сәнәгатьнең граждан тармакларында югары технологияле продукция җитештерүгә ярдәм ала алган.

 Россия Федерациясе Сәнәгатьне үстерү фонды линиясе буенча республиканың 8 предприятиесе еллык 1-3% белән 5 елга кадәрге чорга 1,3 млрд сум күләмендә заемнар җәлеп иткән. 

Социаль газлаштыру программасы буенча бу ел ахырына кадәр 700 йорт газлаштырылган, киләсе елда 8,5 мең йорт хуҗалыгына газ кертү планлаштырыла. 

Татарстан Республикасы сәнәгать һәм сәүдә министры урынбасары Родион Карпов «Идел буе дәүләт физик культура, спорт һәм туризм университеты» югары һөнәри белем бирү ФДБМУ базасында 2021 елның 4 декабреннән 7 декабренә кадәр уза торган Эшче яшьләрнең республика форумын ачу тантанасында катнашты.

Чарада Татарстан Республикасының 12: Казан, Чаллы, Түбән Кама, Зәй, Алабуга, Әлмәт, Азнакай, Зеленодольск, Менделеевск, Лениногорск, Бөгелмә, Нурлат шәһәрләреннән 200 якын кеше катнашкан Катнашучылар арасында республиканың 44 предприятие һәм оешмасыннан яшь хезмәткәрләр дә бар. 

Форум төрле тармак предприятиеләрендә яшьләргә социаль һәм һөнәри яктан тормышка үз урынын табу мәсьәләләре буенча тәҗрибә уртаклашуга, шулай ук яшьләр белән эшчәнлек оештыруның иң уңышлы тәҗрибәләрен тиражлауга юнәлтелгән.

Ростех дәүләт корпорациясенең «Технодинамика»  холдингына карый торган POZIS компаниясе быелның 11 ае нәтиҗәләре буенча суыткыч һәм медицина техникасы экспортын 2020 елның шул ук чорына карата 60 процентка арттырган. 

 Стратегик бурычларны гамәлгә ашыру кысаларында Ростехның диверсификация мәсьәләләрендә «ПОЗиС» җитештерүне актив яңарта, аны яңартуның яңа технологик дәрәҗәсенә чыга, чыгарыла торган продукция күләмнәрен арттыра, аның сыйфатын яхшырта, яңа, шул исәптән чит ил базарларын да, үзләштерә.

 POZIS продукциясен төп кулланучылар булып БДБ илләре тора. Россия экспорт үзәге белән хезмәттәшлек итү нәтиҗәсендә суыткыч техникасы шулай ук Европа берлеге һәм Көньяк-Көнчыгыш Азия илләрендә дә актив гамәлгә ашырыла. Быелның августыннан суыткыч продукцияне Якын Көнчыгыш илләренә, аерым алганда, Израильгә озата башлаганнар.

 Чит илләрдә популярлык белән Full No Frost системасы белән ике камералы суыткычлар, POZIS ның «яшел» технологияләр кулланып, энергияне сак тоту һәм яңалык дәрәҗәсен саклау мөмкинлеген бирә торган башка эшләнмәләре дә лидер булып тора. POZIS продукциясе бәя һәм сыйфат буенча көндәшлеккә сәләтле. Уникаль конструкторлык алымнары ярдәмендә POZIS техникасы кулланучыларга оптималь функциональлек һәм югары сыйфат гарантияли, бу продукциянең Европа берлеге (СЕ) таләпләренә туры килү сертификаты белән раслана. 

«Соллерс Форд» 2000 дән артык яңа Ford Transit автомобилен җитештергән һәм Россиядә каршеринг флагманына китергән. Яндекс.Драйв өчен автомобильләр китерү 2021 елда «Соллерс Форд» өчен иң эре заказларның берсе булган.

Ford Transit – LCV сегментының иң кирәкле автомобильләренең берсе, аның сыйфатлы һәм ышанычлы булуына Россиядә онлайн-сатулар базарының төп уенчылары һәм башка компанияләр дә ышана. Бизнес алып баруның үтә күренмәлелеге, автомобильләр белән тәэмин итүнең төгәл графигы, шулай ук эре заказны кыска вакыт эчендә башкару мөмкинлеге да Соллерс Форд компаниясенең мөһим конкурент өстенлекләре булып тора.

2021 елда Россиядә иң эре каршеринг Яндекс.Драйв үзенең автопаркын 2000 Ford Transit автомобиле белән баеткан. Яңа автомобильләр корпоратив максатларда файдаланылачак.

Яндекс.Драйв компаниясе тарафыннан алгы тәгәрмәчләре йөртә торган, тоташ металл фургонлы Ford Transit автомбильләренә өстенлек бирелгән, аларның тулы массасы 2500 кг, базасы кыска һәм капкачы уртача. Автомобильләр 2,2 л (125 а.к.) дизель двигательләре һәм 6 баскычлы МКПП белән җиһазландырылган.

Бүген Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов җитәкчелегендәге Татарстан Республикасы Сәнәгать һәм сәүдә министрлыгы хезмәткәрләре «Таттелеком» ГАҖ булдылар.

Визит кысаларында җитәкчелеккә һәм Министрлык хезмәткәрләренә «Таттелеком» ГАҖ вәзгыять үзәген гамәлгә ашыруда гамәли алымнар күрсәтелде; структурасына норматив-белешмә блогы, CRM-система, RMS-система һәм мобиль кушымта кертелгән «Поток» системасы тәкъдир ителде.

Система ярдәмендә компаниянең хезмәткәрләр тарафыннан эш вакытыннан файдалану нәтиҗәлелеген анализлау мөмкинлеге бар, шул исәптән хәрәкәт итү маршрутларын һ.б. исәпкә алып. «Поток» алымы гамәлгә кертелгәннән соң, заявкаларны эшкәртү вакыты 4 тапкырга кыскартылган, тоташтыру вакыты 50% кимегән.

Компаниядә җитди үзгәрешләрнең берсе – компаниянең төп процессларын аутсорсингка тапшырудан баш тарту һәм эчке эшләп чыгару үзәген булдыру. Шуның аркасында беренче елда ук 180 миллион сум чамасы акчаны янга калдыра алганнар.

Яшь сәнәгатьчеләр клубы Россиянең иң яхшы җитештерү предприятиеләренә нигез салучылар һәм җитәкчеләр арасында «2021 елның яшь сәнәгатьчесе» премиясенә гаризалар кабул ителә башлавы турында игълан итә. Конкурс Россия Сәнәгать һәм сәүдә министрлыгы ярдәмендә уза.

Бөтен Россиядән иң уңышлы яшь сәнәгатьчеләрне Клубның попечительләр советы рәисе, Россия Федерациясе сәнәгать һәм сәүдә министры Денис Мантуров бүләкләячәк. Сәнәгатьчеләр үз предприятиеләренең чын казанышлары өчен шәхсән бүләкләнә. Премиягә дәгъва кылучылар – сәнәгать предприятиеләре милекчеләре, шулай ук 40 яшькә кадәр  җитәкчеләр яки баш инженерлар.

Яшь сәнәгатьчеләр клубы рәисе Антон Ковалев сөйләгәнчә, мондый премияне тапшыру беренче тапкыр узачак. Конкурсның максаты – Россиянең иң яхшы яшь сәнәгатьчеләрен ачыклау һәм шәхсән бүләкләү.

Премиядә катнашуга гаризалар 2022 елның 31 гыйнварына кадәр кабул ителә. Аларны таләпләргә туры килү-килмәве буенча тикшергәннән соң, оештыру комитеты 50 катнашучыдан лонг-лист формалаштырачак.

Март аенда жюри һәм оештыру комитетының уртак тавыш бирү йомгаклары буенча премиядә катнашучылар арасыннан иң күп уртача балл туплаячак катнашучыларның 20 исеме игълан ителәчәк.

Иң югары балл җыйган 10 катнашучы җиңүче дип игълан ителәчәк. Конкурсның финалы 2022 елның 25 мартында Россия Сәнәгать һәм сәүдә министрлыгында узачак.

Жюри әгъзалары булып үсеш институтлары җитәкчеләре, федераль һәм төбәк башкарма хакимият органнары вәкилләре, сәнәгать кластерлары һәм индустриаль парклар вәкилләре, дәүләт һәм шәхси фондлар вәкилләре торачак.

Җиңүчеләр РФ Сәнәгать һәм сәүдә министрлыгының Мактау грамоталары, Клубның Россия Федерациясе сәнәгать һәм сәүдә министры белән эшлекле очрашуында катнашу, дәүләт ярдәме чаралары буенча консультация, Клубның бөтенроссия һәм халыкара чараларында катнашу мөмкинлеге, шулай ук Россия Сәнәгать һәм сәүдә министрлыгының күчмә стажировкаларында «Федераль практика» алачак.

Премиядә катнашу критерийлары белән https://mprom.site/ сайтында танышырга һәм заявка бирергә мөмкин.

Түбән Кама шәһәрендә Эшкуарлыкка ярдәм итү һәм үстерү үзәгендә шәһәр һәм район предприятиеләре җитәкчеләре хезмәт җитештерүчәнлеге өлкәсендә Татарстан Республикасы Төбәк компетенцияләр үзәге вәкилләре белән очрашкан.

Татарстан Республикасы Сәнәгать һәм сәүдә министрлыгы мәгълүматлары буенча, бүгенге көнгә республикада «Хезмәт җитештерүчәнлеге» илкүләм проектында катнаша торган барлыгы 140 предприятие исәпләнә, шуларның 11е – Түбән Кама предприятиеләре.

«Хезмәт җитештерүчәнлеген арттыру 2030 елга кадәр Татарстан Республикасын үстерү стратегиясендә билгеләнгән максатларга ирешүдә төп резерв булып тора. Нәкъ менә югары хезмәт җитештерүчәнлеге икътисадыбызның конкурентлык сәләтенең төп күрсәткече», – дип билгели Татарстан Республикасы вице-премьеры – Татарстан Республикасы сәнәгать һәм сәүдә министры Альберт Кәримов.

Очрашу нәтиҗәләре буенча Түбән Каманың тагын 2 предприятиесе «Хезмәт җитештерүчәнлеге» илкүләм проектында катнашуга гариза биргән. Бу «ТАТСПЕЦНЕФТЕХИМРЕМСТРОЙ» ТРЕСТЫ ҖЧҖ һәм «Нижнекамскнефтехим» автомобиль транспорты идарәсе» ҖЧҖ.

Сайлап алу барышында экспертлар предприятиеләрнең илкүләм проектта катнашу критерийларына туры килүен тикшергәннәр – предприятиенең җитештерү үсеше дәрәҗәсе, гомуми характердагы проблемалар бәяләнгән, предприятие җитәкчесенең кызыксынуы һәм шәхси мотивациясе, шулай ук хезмәт җитештерүчәнлеген арттыру проектының предприятиедә хезмәт җитештерүчәнлеген үстерү буенча федераль проектның максатчан күрсәткечләренә ирешүгә потенциаль өлеш кертүе каралган.

Сәнәгатьне үстерү фонды заемын җәлеп итеп, предприятие төзелеш өчен композит материаллар чыгарганда хезмәт җитештерүчәнлеген 30% арттырачак.

Моның өчен компания ике катлы һәм өч катлы мембраналар җитештерү буенча яңа линия алачак. Алар стеналарны җылыткыч, түбәләрне һәм биналарны конденсат, дым, җилдән саклау элементлары буларак кулланыла. Җитештерү куәте елына 12 млн кв. м продукция тәшкил итәчәк, локальләштерү – 100%.

Төп кулланучылар – түбә һәм гидроизоляция материалларын җитештерүче эре предприятиеләр. Бүгенге көндә предприятие продукциясе төзелеш мембраналары җитештерүче эре компанияләр тарафыннан импорт урынына сатып алына, чөнки ул сыйфатлырак, һәм аны китертү дә азрак вакыт ала.

Проектны гамәлгә ашыру барышында 16 эш урыны булдырылачак.

Проектның гомуми бюджеты 85,4 млн сум тәшкил итә, шуларның 68,3 млн сумы ташламалы заем рәвешендә Сәнәгатьне үстерү фонды тарафыннан бирелергә мөмкин.

«Хезмәт җитештерүчәнлеген арттыру Татарстан Республикасының 2030 елга кадәрге стратегиясендә билгеләнгән максатларга ирешүнең төп резервы булып тора. Нәкъ менә югары хезмәт җитештерүчәнлеге икътисадыбызның конкурентлык сәләтенең төп күрсәткече булып тора», – дип билгеләп үтте Татарстан Республикасы вице-премьеры – Татарстан Республикасы сәнәгать һәм сәүдә министры Альберт Кәримов.

Ростех дәүләт корпорациясенең «Технодинамика» холдингының POZIS компаниясе базасында уздырылган белем бирү кластеры кысаларында А.Н.Туполев исемендәге Казан милли тикшеренү техник университетының (КНИТУ-КАИ) фәнни-тикшеренү эше якланган, аларның заказчысы булып POZIS үзе тора.

 Тәкъдим ителгән фәнни-тикшеренү һәм тәҗрибә-конструкторлык эшендә (НИОКР) предприятиенең җитештерү системасын алга таба үстерү өчен актуаль һәм мөһим темасы – уку йорты белән фрезер җиһазларында постпроцессорлар һәм симулятор эшләү технологиясен оптимальләштерү.  НИОКР нәтиҗәләре POZIS  компаниясенә хезмәт җитештерүчәнлеген арттырырга, матди чыгымнарны һәм серияле, шулай ук бердәм продукцияне җитештерү вакытын кыскартырга, ЧПУ белән фрезер станокларында эшләнмәләр эшкәртүне оптимальләштерү юлы белән, шулай ук әлеге эшләнмәләрнең сыйфатын күтәрүдә дә чагылыш табачак. Тәҗрибә-конструкторлык эшләренең киң спектрын уздыруның авырлыгы һәм зарурлыгына карамастан, эш төркемнәрендә катнашучылар алар алдына куелган гамәли бурычны уңышлы үтәгәннәр.

Тәкъдир итү эшен «ПОЗиС» АҖ генераль директоры, профессор Р.Ш. Хәсәнов, КНИТУ-КАИның Зеленодольск машина төзелеше һәм мәгълүмат технологияләре институтының Машина төзелеше һәм мәгълүмат технологияләре кафедрасы мөдире (ЗИМИТ), доцент, техник фәннәр кандидаты Артур Абзалов һәм  «ПОЗиС» АҖ производствосын әзерләү буенча баш инженер урынбасары Равил Асянов тәкъдим иткән.

Проект белем бирү кластеры эше кысаларында «ПОЗиС» АҖ базасында эшли торган инжиниринг һәм машина төзелеше производствосын цифрлаштыру кафедрасында (КНИТУ-КАИ) югары квалификацияле белгечләр һәм фәнни хезмәткәрләр белән берлектә эшләнгән һәм гамәлгә ашырылган. Күптән түгел КНИТУ-КАИның ЗИМИТ студентлары булган һәм предприятие генераль директоры җитәкчелегендә үзләренең квалификация эшләрен яклаган предприятиенең яшь белгечләре дә үзләренең һөнәри осталыкларын һәм белемнәрен күрсәткән.  Алар арасында – фрезерчы Раил Вафин һәм слесарь-инструментчы Радик Шәйхетдинов.

НИОКР кысаларында POZIS компаниясе белгечләре «NX системасында ЧПУ белән 5-координаталы станокларда эшкәртү операциясен модельләштерү» юнәлеше буенча КНИТУ-КАИның ЗИМИТында квалификация күтәрү курсларын узганнар.