Татарстан «Полиматиз» компаниясе 68,3 млн.сумлык заем алып, хезмәт җитештерүчәнлеген 30% арттырачак

2021 елның 29 ноябре, дүшәмбе

Сәнәгатьне үстерү фонды заемын җәлеп итеп, предприятие төзелеш өчен композит материаллар чыгарганда хезмәт җитештерүчәнлеген 30% арттырачак.

Моның өчен компания ике катлы һәм өч катлы мембраналар җитештерү буенча яңа линия алачак. Алар стеналарны җылыткыч, түбәләрне һәм биналарны конденсат, дым, җилдән саклау элементлары буларак кулланыла. Җитештерү куәте елына 12 млн кв. м продукция тәшкил итәчәк, локальләштерү – 100%.

Төп кулланучылар – түбә һәм гидроизоляция материалларын җитештерүче эре предприятиеләр. Бүгенге көндә предприятие продукциясе төзелеш мембраналары җитештерүче эре компанияләр тарафыннан импорт урынына сатып алына, чөнки ул сыйфатлырак, һәм аны китертү дә азрак вакыт ала.

Проектны гамәлгә ашыру барышында 16 эш урыны булдырылачак.

Проектның гомуми бюджеты 85,4 млн сум тәшкил итә, шуларның 68,3 млн сумы ташламалы заем рәвешендә Сәнәгатьне үстерү фонды тарафыннан бирелергә мөмкин.

«Хезмәт җитештерүчәнлеген арттыру Татарстан Республикасының 2030 елга кадәрге стратегиясендә билгеләнгән максатларга ирешүнең төп резервы булып тора. Нәкъ менә югары хезмәт җитештерүчәнлеге икътисадыбызның конкурентлык сәләтенең төп күрсәткече булып тора», – дип билгеләп үтте Татарстан Республикасы вице-премьеры – Татарстан Республикасы сәнәгать һәм сәүдә министры Альберт Кәримов.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International