ЯҢАЛЫКЛАР
Министр урынбасары Илдар Мингалиев бүген эш визиты белән Беларусь Республикасында. Татарстан делегациясе составына республиканың сәнәгать предприятиеләре – "Раритэк Холдинг" АҖ һәм "Түбән Кама нефть химиясе" ГАҖ вәкилләре керә.
Визит программасының беренче пункты Беларусь Республикасы Сәнәгать министрлыгында булды, анда министрның беренче урынбасары Геннадий Свидерский белән очрашу булды.
Сөйләшүләрдә шулай ук Беларусь Республикасының сәнәгать предприятиеләре – "МТЗ" ААҖ, "УКХ - "ММЗ" ААҖ, "МАЗ" ААҖ - "БЕЛАВТОМАЗ" ИКХ һәм "АМКОДОР - УКХ" ААҖ катнашты. Киңәшмәнең төп темасы – машина төзелеше өлкәсендә хезмәттәшлекне үстерү, аерым алганда, газ-мотор техникасын куллануны киңәйтү мәсьәләләре турында фикер алышу.
Шуны да билгеләп үтәргә кирәк, 2018 елда Татарстан Республикасы һәм Беларусь Республикасы арасында тышкы сәүдә әйләнеше, 2017 ел белән чагыштырганда, 14% артып, 1,19 млрд. тәшкил иткән.
Көннең икенче яртысында Татарстан Республикасы делегациясе "Амкодор" ААҖ һәм "Великий камень" Кытай-Белоруссия индустриаль паркында булды.
Иртәгә Илдар Мингалиев Беларусь Республикасының тагын ике сәнәгать предприятиесендә – "Могилевлифтмаш" ААҖ һәм "Могилевхимволокно" ААҖ булырга планлаштыра.
Бүген Татарстан Республикасы Сәнәгать һәм сәүдә министрлыгында министр урынбасары Алмаз Хөсәенов рәислегендә Татарстан Республикасының машина төзелеше кластеры белән эшлекле киңәшмә узды.
Кластер вәкилләре, тәэмин итү географиясен киңәйтү, элемтәләрне җайга салу һәм үз продукциясен алга этәрү максатында, Татарстан Республикасы Сәнәгать һәм сәүдә министрлыгы хезмәткәрләренә үз проектлары турында сөйләде.
Аерым алганда, Яр Чаллының "КОМ" компанияләре төркеме вездеходлар буенча проект тәкъдир итте. Әлеге техника үзебезнең комплектлау җиһазларыннан эшләнгән, җыю эше Чаллыда башкарыла. Компания продукцияне Европа базарына чыгару белән кызыксына.
"КОМ" ДК шулай ук техника берәмлеген, аерым алганда, Росгвардия, Гадәттән тыш хәлләр министрлыгы һәм республика территориясендә башка ведомстволар өчен "ХОРТ" машинасын тәкъдим итәргә әзер.
"КОМ" ДК үзе җитештергән вездеходларны бер елга кадәр бушлай бирергә әзер. "Кагыйдә буларак, әлеге техника республиканың үтеп керүе авыр булган территорияләренә, шул исәптән халыкның гомерен саклап калу өчен, үтеп керү мөмкинлеген шактый җиңеләйтә", – дип ассызыклады "КОМ ИК" ҖЧҖ коммерция директоры Игорь Козлов.
"КОРА" ҖЧҖ предприятиесе робототехника комплексында композит материаллардан эшләнмәләр җитештерү белән шөгыльләнә. "Әлеге технология Азия илләре һәм якын чит илләр өчен уникаль. Мондый технология француз компанияләрендә бар, әмма безнең эшләнмәнең бәясе дүрт тапкыр арзанрак. Нәкъ менә шуңа күрә без үз технологияләребезне экспортлауны зур ышаныч белән киңәйтергә әзер", – дип билгеләп үтте "КОРА" ҖЧҖ директоры Евгений Коган.
"Кориб" ДК проект менеджеры Владислав Свидетелев ТР Сәнәгать һәм сәүдә министрлыгы җитәкчелегенә төбәк һәм чит ил партнерлары белән элемтәләрне җайга салуда ярдәм күрсәткәне, шулай ук Төрекмәнстанда беренче Каспий икътисадый форумында катнашырга чакырганы өчен рәхмәт белдерде. Предприятие Россия төбәкләре, аерым алганда, Башкортостан Республикасы, Смоленск, Әстерхан өлкәсе белән эшлекле элемтәләрне актив киңәйтә. Алар өчен чит ил базарлары да, аерым алганда – Кытай, кызыклы.
Шулай ук Татарстан Республикасы Машина төзелеше кластерының инженер клубы һәм "Энергопрогресс" ИҮ ҖЧҖ үз проектларын тәкъдир итте.
Министр урынбасары Алмаз Хөсәенов машина төзелеше кластерындагы хезмәттәшләренә үз проектларын тәкъдир итүләре өчен рәхмәт белдерде: "Без сезгә, һичшиксез, яңа чаралар һәм республика экспортын арттыру максатында чит ил базарларына продукция чыгару өчен мөмкинлекләр турында хәбәр итүне дәвам итәчәкбез".
"Сыналган бизнес" ресурсының түләүсез "кайнар линиясе" — 8 800 222-37-22 — үзмәшгуль гражданнарны тикшерү мәсьәләләре буенча консультацияләр бирә.
Июль аенда Россия Федераль салым хезмәте территориаль салым органнарына һөнәри керемгә салым куллану шартларын үтәү өлешендә үзмәшгульләргә карата контроль чаралар үткәрүне туктатырга кирәклеге турында хәбәр итте. Тикшерүләрнең булмавы үзмәшгуль гражданнар өчен күләгәдән чыгу стимулларының берсе булып тора.
Әгәр сезгә контроль-күзәтчелек органнары тикшерү белән килсә, бу факт турында "Сыналган бизнес" мәгълүмат ресурсының кайнар линия телефоны аша 8 800 222-37-22 хәбәр итегез.
Яңа салым режимы Татарстан Республикасы территориясендә 2019 елның гыйнварыннан гамәлгә керде. Татарстан, Мәскәү шәһәре, Мәскәү һәм Калуга өлкәләре белән беррәттән, һөнәри керемгә салым сынау буенча дүрт пилот төбәкнең берсе итеп сайланды.
Хәзерге вакытта Татарстанда 22 меңнән артык үзмәшгуль кеше теркәлгән.
ТР Икътисад министрлыгы мәгълүматлары буенча
Альберт Кәримов бүген "Лонглат" IT-компаниясе вәкилләре белән эшлекле очрашу уздырды.
"Лонглат" – яңа компания, ул производствоны цифрлаштыру өчен комплекслы чишелешләр тәкъдим итә. Министр әлеге эшләнмәләрнең актуальлеген билгеләп үтте:
"Безнең бурыч – ил базарында барлыкка килә торган цифрлаштыру буенча мондый тәкъдимнәрне күзәтү. Һәм Сезнең компаниянең һәм Сезнең белән эшли торган предприятиеләрнең уртак тәҗрибәсен өйрәнү безнең өчен мөһим".
Компаниянең төп продукты – LPanel комплекслы электрон системасы.
LPanel бердәм программада барлык производствога идарә итү өчен булдырылган. Продукт ярдәмендә җитәкче эш барышын реаль вакыт режимында контрольдә тотарга һәм анализларга мөмкин.
Система хезмәткәрләрнең хезмәт җитештерүчәнлеген 20-40% ка арттырырга һәм биремнәрне үтәү вакытын ким дигәндә 2 тапкыр киметергә ярдәм итә. Продукт җитештерүнең идарә итү аспектларына гына түгел, ә эшнең психологик ягына да туплана.
LPanel компаниянең бөтен эшчәнлеге турында җыелма хисап әзерли, җитештерү чыгымнарын фаразлый һәм хезмәткәрләргә аларның эшенә нигезләнеп түләү дәрәҗәләрен тәкъдим итә.
Шулай ук предприятиедә видеоаналитика системасын булдыру хисабына куркынычсызлыкка да зур игътибар бирелгән.
"Лонглат" генераль директоры Глеб Сигал ассызыклаганча, «безнең продукт – үз эшләнмәсе. Без инде җитештерүчәнлекне арттыру буенча берничә предприятие белән эшлибез, теләге булганнар өчен ирешелгән нәтиҗәләрне күрсәтергә ниятлибез. Әмма сәнәгать предприятиеләренә йөз тотабыз һәм аерым якын килү алымын кулланабыз, чөнки һәр предприятиенең үз максатлары һәм бурычлары бар".
Бүген Альберт Кәримов 19-23 августта "Звездный" лагере базасында узачак "PROF хәрәкәт" VI Бөтенроссия җәйге һөнәри юнәлеш бирү форумы ачылышында катнашты. Форум Татарстан Республикасы Хөкүмәте ярдәмендә "КАМАЗ" ГАҖ тарафыннан оештырылган.
"PROF хәрәкәт" форумы чираттагы тапкыр бөтен илнең урта һәм югары уку йортлары студентларын җыйды. Яр Чаллыга Краснодар краеннан, Волгоградтан, Кемерово һәм Саратов өлкәләреннән, Чуашстаннан һәм Татарстаннан 200дән артык укучы килгән.
Форум эшендә "КАМАЗ" генераль директоры Сергей Когогин, завод һәм предприятие бүлекчәләре директорлары, шулай ук Татарстанның төрле министрлыклары һәм ведомстволары вәкилләре катнаша.
Быел форум "Эшче һөнәрләр елы"на һәм "КАМАЗ" ГАҖнең 50 еллыгына багышланган. Чараның төп темасы – "Процесслар сыйфаты аша продукция сыйфаты".
"PROF хәрәкәт"нең максаты – яшьләргә үз төбәгендә карьера төзү мөмкинлекләре турында сөйләү. Катнашучылар World-кафеда була, "КАМАЗ" топ-менеджерлары һәм министрлыклар вәкилләре белән аралаша, "КАМАЗ" сыйфат департаменты директоры Антон Сарайкинның лекциясен тыңлый, эшлекле уеннарда, конкурсларда катнаша ала.
"КАМАЗ" ГАҖ матбугат хезмәте материаллары файдаланылды
Бүген Татарстан Республикасы Сәнәгать һәм сәүдә министрлыгында "Полимер көне" тармак чарасы узды. Республиканың химия тармагы экспертлары полимер продукцияне экспортлау һәм импортлау мәсьәләләре турында фикер алышты.
Киңәшмәләр залында республиканың профильле министрлыклары һәм ведомстволары, шулай ук тармакның сәнәгать предприятиеләре вәкилләре җыелды.
Утырышны ачып, Татарстан Республикасы сәнәгать һәм сәүдә министры урынбасары Алексей Савельчев, полимер материаллар сәнәгате – Татарстан Республикасының мөһим тармагы, ул республикадагы сәнәгый җитештерүнең гомуми күләмендә 25%ын тәшкил итә, дип билгеләп үтте.
Көн тәртибендәге беренче мәсьәлә республика сәнәгать предприятиеләренең ТР Сәнәгать һәм сәүдә министрлыгы карамагындагы илкүләм проектларда катнашу мөмкинлеге турында фикер алышу булды. Аларга "Халыкара кооперация һәм экспорт" һәм "Хезмәт җитештерүчәнлеге һәм халыкны эш белән тәэмин итүгә ярдәм итү" керә.
ТР Сәнәгать һәм сәүдә министрлыгы һәм "Татарстан Республикасы Министрлар Кабинеты каршындагы Энергияне сак тоту технологияләре үзәге" ДАУ вәкилләре предприятиеләргә ярдәм итү чаралары һәм илкүләм проектларда катнашу шартлары турында җентекләп сөйләде, шулай ук кызыксындырган сорауларга җавап бирде.
Полимер көне программасының икенче өлеше тармак министрлыклары һәм компанияләренең профильле белгечләре чыгышларына багышланган иде.
ТР Сәнәгать һәм сәүдә министрлыгы белгече Максим Адрияшин полимер продукциягә таможня пошлиналары ставкаларының агымдагы вәзгыяте, шулай ук әлеге ставкаларны үзгәртү мөмкинлеге турында сөйләде.
Доклад белән шулай ук ТР Икътисад министрлыгы вәкиле Юлай Миңнуллин да чыгыш ясады. Ул Татарстанда инвестицион проектларга дәүләт ярдәме чаралары турында сөйләде.
"Технониколь" корпорациясе һәм "Нижнекамскнефтехим" ГАҖ вәкилләре полимер сәнәгате тармагының актуаль мәсьәләләре һәм проблемалары турында сөйләде.
Полимер көне чакырылган компанияләрнең презентацияләре белән тәмамланды. "Нижнекамскнефтехим" ҖАҖ, "Гранд Полимер" ҖЧҖ һәм "Примо" ҖЧҖ киңәшмәдә катнашучыларга полимер сәнәгате өлкәсендә үз предприятиеләре эшчәнлеге турында сөйләде.
Якшәмбе көнне "Казан" гаилә үзәге мәйданчыгында Россия һава флоты көненә багышланган "Мин күк йөзен сайлыйм!" бәйрәме узды. Бәйрәм җиденче тапкыр узды һәм үз мәйданчыгында 30 меңгә якын кешене туплап, шәһәркүләм статусын раслады, чарага җыелган кешеләр арасында самолетларга, очышларга һәм күккә битараф булмаган казанлылар, авиация тармагы ветераннары һәм профессионаллары, белгечләр һәм студентлар бар иде.
Бәйрәмдә WorldSkills Russia-2019 дөнья чемпионаты финалы алдыннан WorldSkills хәрәкәте әләмен хөрмәтләү тантанасы узды. Бу 2019 елның 22 августында Казанда WorldSkills стандартлары буенча 45 нче дөнья чемпионатын ачу тантанасына килер алдыннан эшче һөнәрләр хәрәкәте флагы узган юлда соңгы чара булды.
ТУ-95, ТУ-160, ТУ-22МЗ һәм ТУ-214 хәрби авиация судноларының, гомуми билгеләнештәге Stinson 108 авиациясенең, Цесны-172, "Фермер", "Роланд", "Саванна" һәм "АНСАТ", "Ми-8", "Ан-2", "Як-12", "Bell 206В3" вертолетларының демонстрацион очышлары күккә күтәрелеп караган кешеләрнең сокланулы карашларын җыйды. Россиянең классик парашют спорты буенча иң яхшы парашютчылары төшү төгәллегенә сикерде.
Традиция буенча, бәйрәмнең бизәге авиашоу – "Русь" пилотаж төркеменең чыгышы булды. Очучылар Л-39 "Альбатрос" реактив өйрәнү-күнекмә алу самолетларында катлаулы элементларны күрсәтте.
Чарада Татарстан Республикасы Премьер-министры вазыйфаларын башкаручы Рөстәм Нигъмәтуллин, ерак авиация җитәкчесе Сергей Кобылаш, Татарстан Республикасы сәнәгать һәм сәүдә министры Альберт Кәримов, Казан шәһәре мэры Илсур Метшин, стратегик мәсьәләләр буенча вице-президент һәм World Skills International Стратегик үсеш комитеты рәисе Йос де Гои һәм башка рәсми затлар катнашты.
"Татар-информ" МА материаллары файдаланылды
"Мин күкне сайлыйм!" бәйрәмендә беренче мәртәбә Туполев ис. КАЗ җитештергән ике ТУ-214 борты очып узачак. Бу хакта бүген матбугат конференциясендә ТР сәнәгать һәм сәүдә министры урынбасары Илдар Мингалиев сөйләде.
"Әлеге бәйрәм безнең авиатөзүчеләребезнең киләчәк буыны, күк йөзен һәм җәйге техниканы яратучылар өчен махсус оештырылган", – дип билгеләп үтте Илдар Мингалиев.
"Авиапром" ААҖ Очыш хезмәте идарәсе башлыгы Дмитрий Волошин сүзләренә караганда, "имин очу һәм тамашачылар иминлеге безнең очкычлар төркеме өчен иң мөһиме".
Исегезгә төшерәбез, шәһәр бәйрәме 18нче август көнне 15:00 сәгатьтән 20:00 сәгатькә кадәр "Казан" гаилә үзәге территориясендә узачак.
Бәйрәм кунакларын мавыктыргыч тамаша гына түгел, ә профориентация аллеясы, байкерлар шоуы һәм концерт программасы да көтә.
Сибгат Хәким урамы 14:00 сәгатьтән 21:00 сәгатькә кадәр ябык булачак. Бу хакта "Казан ярминкәсе" ААҖ генераль директоры урынбасары Любовь Ахманаева белдерде.
Тэглар: Татмедиа Я выбираю небо авиашоу Центр семьи Казан
Бүген "В.И.Шимко исемендәге Радиоэлектроника ФҖБ" АҖ башлангыч биргән Сынау-конструкторлык бюросы 294 оешуга 70 ел тулуга багышланган бәйрәм чарасы узды.
Тантаналы чарада рәсми затлар: Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, предприятиенең генераль директоры Ронис Шәрипов, Казан шәһәре Башкарма комитетының Совет районы администрациясе башлыгы Роман Фәтхетдинов, шулай ук предприятие ветераннары һәм хезмәткәрләре катнашты.
Котлау сүзләре белән Альберт Кәримов чыгыш ясады. Ул Татарстан Республикасы сәнәгате үсешенә "В.И.Шимко исемендәге Радиоэлектроника ФҖБ" АҖ керткән өлешнең бәяләп бетергесез булуын билгеләп үтте, шулай ук предприятиене истәлекле дата белән котлады:
"Завод үзенең юбилеен куәтле һәм перспективалы сәнәгать предприятиесе буларак каршы ала", – диде Альберт Кәримов.
Чара кунаклары өчен бию һәм вокал номерлары катнашында концерт программасы, шулай ук предприятие хезмәткәрләрен бүләкләү тантанасы оештырылды.
Бүләкләр арасында: "Ватан алдындагы хезмәтләре өчен" орден-медале, ТР Президенты, ТР Министрлар Кабинеты, ТР Премьер-министры урынбасары – ТР сәнәгать һәм сәүдә министры Альберт Кәримов Рәхмәте, Татарстан Республикасы Сәнәгать һәм сәүдә министрлыгының Мактау грамотасы һәм башкалар.
"Сынау-конструкторлык бюросы 294" 1949 елның 15 августында, СССР Министрлар Советы карары нигезендә, авиация аппаратурасын үзләштерү өчен прибор заводында (хәзер "Радиоприбор" АҖ) оештырыла. Алга таба предприятие исемен берничә тапкыр үзгәртә – Фәнни-тикшеренү институты 334, "Казан фәнни-тикшеренү электрофизика институты", “Радиоэлектроника Казан фәнни-тикшеренү институты", "В.И.Шимко исемендәге Радиоэлектроника ФҖБ".
Бүгенге көндә СКБ 294 "В.И.Шимко исемендәге Радиоэлектроника ФҖБ" АҖ исемен йөртә. Владимир Шимко – СССР радиосәнәгать министры (1987-1988 еллар, 1989-1991 еллар); алга таба - "Радиокомплекс" корпорациясе президенты. Аның исеме предприятиегә 2000 елда бирелгән.
Тэглар: Шимко радиоэлектроника ОКБ 294 юбилей
Бүген "ИНВЭНТ" технополисы мәйданчыгында Татарстан Республикасы Сәнәгать һәм сәүдә министрлыгы һәм республиканың сәнәгать предприятиеләре вәкилләре катнашында күчмә утырыш узды.
Чакырылган предприятиеләр арасында – "ТАИФ", "Татэнерго", "ТАНЕКО", "Татнефть", "КАМАЗ", "Челтәр компаниясе" һәм "КЭР-Холдинг" ИК".
Көн тәртибендә "ИНВЭНТ" ДК мәнфәгатьле потенциаль партнерлар, аерым алганда, Татарстан Республикасының энергетика комплексы вәкилләре белән үзара хезмәттәшлек итү мәсьәләсе торды.
Кереш сүз белән "ИНВЭНТ" ҖЧҖ генераль директоры Леонид Резников чыгыш ясады. Ул предприятиенең агымдагы эшчәнлеге турында җентекләп сөйләргә һәм барлык сорауларга җавап бирергә әзер булуын белдерде.
Кунаклар өчен компанияләр төркеме составына керүче "ТАТКАБЕЛЬ", "Таттеплоизоляция" һәм "ИНВЭНТ-Электро" производстволары буенча экскурсия оештырылды.
"Бүген сезнең күбегез әлеге компания белән хезмәттәшлек иткәндә ачыла торган яңа мөмкинлекләрне күреп алыр дип ышанабыз", – дип билгеләп үтте Татарстан Республикасы сәнәгать һәм сәүдә министры урынбасары Алмаз Хөсәенов.
Тэглар: сотрудничество партнерство ИНВЭНТ