ЯҢАЛЫКЛАР

"Казан вертолет заводы" ААҖ эшләп чыгара торган Ми-8МТВ һәм «Ансат» вертолетлары Казандагы Универсиада вакытында иминлек саклаячак.
Студентларның спорт уеннары вакытында Татарстан Республикасы Гражданнар оборонасы эшләре һәм гадәттән тыш хәлләр министрлыгында Казанда җитештерелгән Ми-8МТВ вертолетлары эшли. Машиналардагы махсус җайланмалар гадәттән тыш хәлләр килеп туган очракта мәсьәләне тиз һәм уңай хәл итәргә мөмкинлек бирә.

"НПО ГИПО" ААҖ 2010 елдан бирле "Швабе" холдингына керә һәм Россиянең әйдәп баручы оптик үзәкләренең берсе булып тора. Санкт-Петербург шәһәрендә уза торган "МВМС-2013" халыкара хәрби диңгез салонында предприятиенең яңа эшләнмәләре куелды.

4 июльдә Татарстан Республикасы Президенты Р. Миңнеханов Канаданың Россия Федерациясендә Гадәттән тыш һәм тулы вәкаләтле Илчесе Джон Слоан әфәнде белән очрашты, анда Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов та катнашты. Очрашуда сүз ике яклы хезмәттәшлек мәсьәләләре хакында барды.
Мәгълүмат өчен:
2012 ел нәтиҗәләре буенча ике ил арасында товар әйләнеше 126,9 млн. АКШ доллары тәшкил итте. Татарстан Республикасы Канада белән нефть чыгару, вертолет һәм самолет төзелеше, автокомпонентлар җитештерү, фармацевтика тармакларында хезмәттәшлек итә.

4 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов Татарстан Республикасы Президенты Р. Миңнехановның RED Aircraft GmbH компаниясе җитәкчесе Владимир Райхли белән очрашуында катнашты. Очрашуда сүз RED Aircraft компаниясенең авиация өчен дизель двигательләрен эшләп чыгару хакында барды.

Мәгълүмат өчен:
Германиядә 1995 елда оешкан RED Aircraft GmbH компаниясе югары технологияле авиадвигательләр эшләп чыгару белән шөгыльләнә һәм проектлаудан башлап сынау һәм җитештерүгә кадәр барлык этапларны да гамәлгә ашыра.

3 июльдә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов оборона-сәнәгать комплексы предприятиеләре хезмәткәрләренә һөнәри белем бирү системасын камилләштерүгә багышланган киңәшмә үткәрде.
Киңәшмәдә министр урынбасары Г. Әхмәдиева, Татарстан Республикасының оборона-сәнәгать тармагы предприятиеләре җитәкчеләре, Татарстан Республикасы Сәнәгать һәм сәүдә министрлыгы, Татарстан Республикасы Мәгариф һәм фән министрлыгы хезмәткәрләре һ.б катнашты.
Р. Зарипов бу тармакта кадрлар мәсьәләсенең актуаль булуын билгеләп үтте. Билгеле булганча, Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов агымдагы елның 5 июлендә Россия Федерациясе Хөкүмәте каршындагы Хәрби-сәнәгать комиссиясенең Россия Федерациясе Хөкүмәте Рәисе урынбасары Д. Рогозин җитәкчелегендәге селектор киңәшмәсендә катнашкан иде.

2 июльдә "Татарстан Республикасының иң яхшы товарлары һәм хезмәт күрсәтүләре" конкурсын оештыру комитетының Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә утырышы үтте.

Агымдагы елда бу конкурста 234 предприятие катнашты. Тавыш бирү барышында оештыру комитеты конкурста катнашучыларга лауреатлар исемен бирү, 1 һәм 2 дәрәҗә дипломнар белән бүләкләү хакында карар чыгарды. 181 продукция һәм хезмәт күрсәтүләр конкурс лауреатлары исеменә лаек булды, 181 - I дәрәҗә диплом, 60 - II дәрәҗә диплом белән бүләкләнде. Конкурс лауреатлары "Россиянең 100 иң яхшы товарлары" программасының федераль этабына тәкъдим ителде.

2 июльдә Татарстан Республикасы Сәнәгать һәм сәүдә министрлыгында Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә киңәшмә булды, ул Татарстан Республикасында гомуми билгеләнештәге авиация үсеше, авиация технопаркы һәм инжиниринг үзәге булдыру мәсьәләләренә багышланды.
Киңәшмәдә "ОАК" ААҖ, "Горбунов ис. КАҖБ" ААҖ, "Туполев" КБ КФ вәкилләре һ.б катнашты.

2 июльдә Татарстан Республикасы Сәнәгать һәм сәүдә министрлыгында Россия Федерациясенең федераль, төбәк хакимият органнары, дәүләт корпорацияләре һәм чит ил делегацияләре, республиканың сәнәгать предприятиеләре вәкилләренең Универсиада программасы кысаларындагы чараларда катнашуы мәсьәләләре каралды.
Киңәшмә эшендә Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов, министр урынбасарлары Г. Әхмәдиева, Р. Фәттахов, Х. Баһманов, Р. Миңнегалиев, И. Сивов һ.б катнашты.

2013 елның 1 июлендә "Горбунов ис. КАҖБ" ААҖ Татарстан Республикасы Премьер-министры урынбасары – Татарстан Республикасының сәнәгать һәм сәүдә министры Р. Зарипов җитәкчелегендә киңәшмә үтте, ул SuperJet -100, МС-21 программаларын гамәлгә ашыру өчен детальләр җитештерү мәсьәләләренә багышланды.
Киңәшмәдә "ОАК" ААҖ, "Горбунов ис. КАҖБ" ААҖ, "КАҖБ-Композит" ЯАҖ һ.б вәкилләре катнашты.

Татарстан Республикасы сәнәгать һәм сәүдә министры урынбасары Г. Әхмәдиева кичә Чаллы шәһәрендә Яшьләр көне кысаларында Универсиада утын каршы алу тантанасында катнашты.
Универсиада утын – ярышларның аерылгысыз атрибутын – спорт мастерлыгына кандидатлар, төрле дәрәҗәдәге ярышларда җиңүчеләр, 2013 елгы Универсиадада катнашачак спортчылар, волонтерлар һәм Универсиада партнерлары вәкилләре алып килде, аны шәһәр мэры Васил Шәхразиев та катнашты.
Яшьләр көнен бәйрәм итәргә 120 меңнән артык чаллылылар чыкты. Алар арасында шәһәр җитәкчеләре, кунаклар бар иде.