Универсиада уты – Чаллыда

Татарстан Республикасы сәнәгать һәм сәүдә министры урынбасары Г. Әхмәдиева кичә Чаллы шәһәрендә Яшьләр көне кысаларында Универсиада утын каршы алу тантанасында катнашты.
Универсиада утын – ярышларның аерылгысыз атрибутын – спорт мастерлыгына кандидатлар, төрле дәрәҗәдәге ярышларда җиңүчеләр, 2013 елгы Универсиадада катнашачак спортчылар, волонтерлар һәм Универсиада партнерлары вәкилләре алып килде, аны шәһәр мэры Васил Шәхразиев та катнашты.
Яшьләр көнен бәйрәм итәргә 120 меңнән артык чаллылылар чыкты. Алар арасында шәһәр җитәкчеләре, кунаклар бар иде.
Универсиада уты су юлы буйлап килде. Факелны "Алые паруса" яхтасыннан шәһәр мэры В. Фәхразиевка тапшырдылар. Мэр билгеләп үткәнчә, бүген Казанда узачак Бөтендөнья Универсиадасына – эре спорт вакыйгасына кагылышлы көн, Чаллы өчен тарихи вакыйга. "Чаллылылар һәрвакыт сәламәт яшәү рәвеше яклы булды, иҗади һәм үз калаларын яратулары белән аерылып торды. Минем спортчыларыбызның тиешле дәрәҗәдә уңышлы чыгыш ясаячакларына ышанычым зур",– диде мэр.
"Универсиада уты бүген искиткеч шәһәрдә! Чаллы – динамик үсештәге, спорт шәһәре. Биредә актив яшьләр сәясәте алып барыла, сәламәт яшәү рәвеше пропагандалана", – диде Татарстан Республикасы сәнәгать һәм сәүдә министры урынбасары Г. Әхмәдиева.
Шәһәр мэры утны факелга китерде һәм Чаллы шәһәрендә Универсиада символында кабызып җибәрде. Соңыннан утны Идел буе дәүләт физик культура һәм спорт академиясе директоры А. Кузнецовка тапшырды. Универсиада уты 28 июньдә юлын дәвам итәчәк.

Яшьләр көне лазер бәйрәме һәм салют белән тәмамланды.