ЯҢАЛЫКЛАР
Сәнәгатьне үстерү фонды заемын җәлеп итеп, предприятие төзелеш өчен композит материаллар чыгарганда хезмәт җитештерүчәнлеген 30% арттырачак.
Моның өчен компания ике катлы һәм өч катлы мембраналар җитештерү буенча яңа линия алачак. Алар стеналарны җылыткыч, түбәләрне һәм биналарны конденсат, дым, җилдән саклау элементлары буларак кулланыла. Җитештерү куәте елына 12 млн кв. м продукция тәшкил итәчәк, локальләштерү – 100%.
Төп кулланучылар – түбә һәм гидроизоляция материалларын җитештерүче эре предприятиеләр. Бүгенге көндә предприятие продукциясе төзелеш мембраналары җитештерүче эре компанияләр тарафыннан импорт урынына сатып алына, чөнки ул сыйфатлырак, һәм аны китертү дә азрак вакыт ала.
Проектны гамәлгә ашыру барышында 16 эш урыны булдырылачак.
Проектның гомуми бюджеты 85,4 млн сум тәшкил итә, шуларның 68,3 млн сумы ташламалы заем рәвешендә Сәнәгатьне үстерү фонды тарафыннан бирелергә мөмкин.
«Хезмәт җитештерүчәнлеген арттыру Татарстан Республикасының 2030 елга кадәрге стратегиясендә билгеләнгән максатларга ирешүнең төп резервы булып тора. Нәкъ менә югары хезмәт җитештерүчәнлеге икътисадыбызның конкурентлык сәләтенең төп күрсәткече булып тора», – дип билгеләп үтте Татарстан Республикасы вице-премьеры – Татарстан Республикасы сәнәгать һәм сәүдә министры Альберт Кәримов.
Ростех дәүләт корпорациясенең «Технодинамика» холдингының POZIS компаниясе базасында уздырылган белем бирү кластеры кысаларында А.Н.Туполев исемендәге Казан милли тикшеренү техник университетының (КНИТУ-КАИ) фәнни-тикшеренү эше якланган, аларның заказчысы булып POZIS үзе тора.
Тәкъдим ителгән фәнни-тикшеренү һәм тәҗрибә-конструкторлык эшендә (НИОКР) предприятиенең җитештерү системасын алга таба үстерү өчен актуаль һәм мөһим темасы – уку йорты белән фрезер җиһазларында постпроцессорлар һәм симулятор эшләү технологиясен оптимальләштерү. НИОКР нәтиҗәләре POZIS компаниясенә хезмәт җитештерүчәнлеген арттырырга, матди чыгымнарны һәм серияле, шулай ук бердәм продукцияне җитештерү вакытын кыскартырга, ЧПУ белән фрезер станокларында эшләнмәләр эшкәртүне оптимальләштерү юлы белән, шулай ук әлеге эшләнмәләрнең сыйфатын күтәрүдә дә чагылыш табачак. Тәҗрибә-конструкторлык эшләренең киң спектрын уздыруның авырлыгы һәм зарурлыгына карамастан, эш төркемнәрендә катнашучылар алар алдына куелган гамәли бурычны уңышлы үтәгәннәр.
Тәкъдир итү эшен «ПОЗиС» АҖ генераль директоры, профессор Р.Ш. Хәсәнов, КНИТУ-КАИның Зеленодольск машина төзелеше һәм мәгълүмат технологияләре институтының Машина төзелеше һәм мәгълүмат технологияләре кафедрасы мөдире (ЗИМИТ), доцент, техник фәннәр кандидаты Артур Абзалов һәм «ПОЗиС» АҖ производствосын әзерләү буенча баш инженер урынбасары Равил Асянов тәкъдим иткән.
Проект белем бирү кластеры эше кысаларында «ПОЗиС» АҖ базасында эшли торган инжиниринг һәм машина төзелеше производствосын цифрлаштыру кафедрасында (КНИТУ-КАИ) югары квалификацияле белгечләр һәм фәнни хезмәткәрләр белән берлектә эшләнгән һәм гамәлгә ашырылган. Күптән түгел КНИТУ-КАИның ЗИМИТ студентлары булган һәм предприятие генераль директоры җитәкчелегендә үзләренең квалификация эшләрен яклаган предприятиенең яшь белгечләре дә үзләренең һөнәри осталыкларын һәм белемнәрен күрсәткән. Алар арасында – фрезерчы Раил Вафин һәм слесарь-инструментчы Радик Шәйхетдинов.
НИОКР кысаларында POZIS компаниясе белгечләре «NX системасында ЧПУ белән 5-координаталы станокларда эшкәртү операциясен модельләштерү» юнәлеше буенча КНИТУ-КАИның ЗИМИТында квалификация күтәрү курсларын узганнар.
Россиянең агач эшкәртү тармагының әйдәп баручы предприятиесе – Kastamonu компаниясе 2021 елның 10 аенда илнең иң эре төзелеш объектларына 2 млн.кв.метр ламинат кайтарган.
Төп төзелеш мәйданчыклары арасында – «ПИК» ДК, ЛСР төркеме, SetlGroup проектлары һәм башкаланың реновация программасы буенча йортлары. Тәэмин итү географиясе Мәскәү һәм Мәскәү өлкәсен, Санкт-Петербург һәм Ленинград өлкәсен, шулай ук Екатеринбург, Калуга, Обнинск, Төмән, Ярославль, Новороссийск һәм Ростов өлкәсен колачлый.
МДФ, ХДФ плитәләре һәм ламинат идән өслекләре җитештерү буенча Kastamonu заводы Татарстанда 2014 елдан бирле «Алабуга» МИЗ территориясендә эшли. Компания 31 класслыдан 34 класслыга кадәр тузуга чыдам ламинат һәм төрле МДФ-плитәләр чыгара, алар, шул исәптән, дымга һәм утка карата да чыдам. МДФ плитәләрен җитештерү куәте елына 1,05 млн.м³ тәшкил итә.
2021 елның августында WhatWood аналитик агентлыгы ламинат һәм МДФ Россия базарына масштаблы тикшерү уздырган, аның барышында агач эшкәртү тармагының иң эре җитештерүчеләренең өлешен бәяләгән һәм чагыштырган. Тикшеренү нәтиҗәләре буенча Kastamonu Россиядә ламинат һәм МДФ җитештерү күләме буенча 2021 елда беренче урында тора.
Балалы РФ гражданнарының торак шартларын яхшырту максатларында «Демография» илкүләм проекты составында «Балалар туганда гаиләләргә финанс ярдәме» федераль проекты кысаларында «Гаилә ипотекасы» дигән ташламалы ипотека программасы гамәлгә ашырыла.
2023 елның 31 декабренә кадәр 2018 елның 1 гыйнварыннан соң беренче яки аннан соңгы баласы туган гаиләләр ташламалы ипотека программасы буенча торак кредитлары алырга хокуклы. Шулай ук Программа кысаларында 2021 елның 1 апреленнән РФ территориясендә урнашкан җир кишәрлегендә шәхси торак йорт төзүгә яисә РФ территориясендә урнашкан җир кишәрлеге сатып алу һәм анда шәхси торак йорт төзүгә бирелгән кредитларны да алырга мөмкин. Моннан тыш, юридик заттан яки шәхси эшкуардан РФ территориясендә урнашкан җир кишәрлегендә шәхси торак йорт сатып алу хокукы да барлыкка килә.
2021 елның 25 ноябрендә Татарстан Республикасы Сәнәгать һәм сәүдә министрлыгында Дәүләт граждан хезмәткәрләренең хезмәт тәртибенә карата таләпләр үтәлеше һәм мәнфәгатьләр каршылыгын җайга салу буенча комиссия утырышы узды.
Комиссия утырышында түбәндәге мәсьәләләр каралды:
эш бирүчеләрдән Министрлыкның элеккеге дәүләт хезмәткәрләрен эшкә урнаштыру турында кергән мәгълүмат;
коррупциягә каршы тору турында закон бозуларны бетерү турында Татарстан Республикасы прокуратурасыннан күрсәтмә;
дәүләт граждан хезмәткәрләренең башка түләүле эш башкарулары турындагы хәбәрләр.
2021 елның 22-25 ноябрендә «Химград» АҖ генераль директоры А.М. Гыйззәтуллин җитәкчелегендәге делегация Үзбәкстан Республикасына визит ясады.
Визит барышында делегация әгъзалары Чирчик шәһәрендә (Ташкент өлкәсе) булдылар, анда төзелүче Индустриаль парк мәйданчыгында «Узкимесаноатлойиха» АҖ генераль директоры вазыйфаларын башкаручы Ф.Ф.Ташметов, «Химград индустриаль паркы дирекциясе» ҖЧҖ директоры Ж.Ф.Габдрахманов катнашында киңәшмә узды.
Ташкент шәһәрендә Ташкент өлкәсе хәкиме урынбасары Н.Ш.Шәрипов, «Узкимёсаноат» АҖ идарә рәисе Җ.Т.Мирзамәхмүтов, Үзбәкстан Республиаксының тышкы сәүдә инвестицияләре министры урынбасары Х.Ф.Тешабаев белән сөйләшүләр узды.
Киңәшмә һәм сөйләшүләр кысасында «Химград» АҖ катнашында Индустриаль паркны төзү проектын үтәү барышы, проектны уңышлы тәмамлау өчен Үзбәкстан Республикасы һәм Татарстан Республикасы Президентлары куйган бурычларны вакытында хәл итү турында фикер алыштылар.
Визит барышында шулай ук «Химград» АҖ делегациясе Ташкент шәһәрендә «InnoWeek.Uz-2021» халыкара инновацион идеяләр атналыгы эшендә катнашты.
Быел Горький исемендәге Зеленодольск заводы командасы «Хореография» һәм «Минута славы» номинацияләрендә 1 урынны, шулай ук «Визитка-презентация»дә 2 урынны яулаган, гомумкоманда зачетында безнең судно төзүче завод вәкилләре фестивальнең көмеш призеры булганнар.
Чараның мәртәбәле кунаклары арасында Татарстан Республикасы сәнәгать һәм сәүдә министры урынбасары Родион Карпов, Зеленодольск районы башлыгы, Зеленодольск мэры Михаил Афанасьев, «Ак Барс» суднолар төзү корпорациясе генераль директоры Ренат Мистахов һәм, әлбәттә инде, үз командасының баш остазы һәм җанатары – Горький исемендәге заводның генераль директоры Александр Филиппов бар иде.
Эшләүче яшьләрнең «Наше время – Безнең заман» ачык республика телевизион иҗат фестивале 2013 елдан бирле Татарстан Республикасы Президенты Рөстәм Миңнеханов ярдәме белән, проектның авторы – «Созвездие-Йолдызлык» ТР Төбәк яшьләр иҗтимагый оешмасы, ТР Сәнәгать һәм сәүдә министрлыгы һәм ТР Яшьләр эшләре һәм спорт министрлыгы инициаторлыгында уза.
2021 елда фестивальдә Татарстан Республикасының 45 муниципаль берәмлегеннән 127 предприятие һәм оешма катнашкан.
Зеленодольск районы матбугат хезмәте
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов һәм Шаһзадә, Әмир киңәшчесе, Мәккә провинциясе Хакиме, Галиҗанәп Әмир Халед бән Фәйсал Әл Согуд белән очрашуда катнашты.
Очрашу Җиддәдә (Согуд Гарәбстаны) узды.
Рөстәм Миңнеханов Халед бән Фәйсал Әл Согудка «Россия – ислам дөньясы» стратегик караш төркеме утырышында катнашканы өчен рәхмәт белдерде һәм Ике изге урын Сакчысы, Әмир Салман бин Габдел Газиз Әл Согудка кунакчыллыгы һәм төркем эшенә яхшы шартлар тудырганы өчен рәхмәт белдерде.
«Әлеге төркемне җитәкләргә миңа Россия Президенты Владимир Владимирович Путин кушты. Ул мөселман дөньясы белән эшләүгә зур игътибар бирә. Ислам барлыкка килү илендә Төркем утырышын уздыру безнең өчен зур дәрәҗә, һәм без Согуд Гарәбстаны ягыннан барлык оештыручыларга чын күңелдән рәхмәтлебез», - диде Рөстәм Миңнеханов.
Рөстәм Миңнеханов шулай ук Согуд җитәкчелегенең Татарстан делегацияләренә һәм хаҗиларга игътибары өчен рәхмәт белдерде (пандемиягә кадәр, 2019 ел нәтиҗәләре буенча, Татарстаннан 1800 кеше хаҗда булган). Ул билгеләп үткәнчә, Согуд Гарәбстаны хаҗиларына һәм туристларына виза хезмәте күрсәтү Согуд Гарәбстанының Казанда планлаштырыла торган Генераль консуллыгын ачуга бәйле рәвештә шактый җиңеләячәк.
«Согуд Гарәбстаны – Россиянең мөһим партнеры. Безнең мөнәсәбәтләр барлык юнәлешләр буенча да диярлек үсә. Безнең илләрнең лидерлары сөйләшүләр барышында сәүдә-икътисадый һәм инвестиция өлкәләрендә хезмәттәшлекне үстерү белән ике яклы кызыксынуны берничә тапкыр ассызыкладылар», - диде Татарстан Президенты.
Рөстәм Миңнеханов шулай ук билгеләп үткәнчә, Татарстан бу мәсьәләдә актив эшли һәм кызыксыну күрә, аерым алганда, энергетика һәм авыл хуҗалыгы өлкәсендә хезмәттәшлек итү. Ул искәрткәнчә, Татарстан – Россиядә ислам банкингы проектларын гамәлгә ашыру буенча сынау узу төбәге һәм әлеге юнәлешләр буенча хезмәттәшлек итәргә әзер.
Бүген Татарстан Республикасы Президенты Рөстәм Миңнеханов Шаһзадә, Әмир киңәшчесе, Мәккә провинциясе Хакиме, Галиҗанәп Әмир Халед бән Фәйсал Әл Согуд белән белән бергә «Россиядә ислам тарихы» күргәзмәсен карады. Күргәзмә «Россия – ислам дөньясы» стратегик караш төркеме утырышы кысаларында оештырылды.
Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Алберт Кәримов Татарстан Республикасы Президенты Рөстәм Миңнеханов һәм Шаһзадә, Әмир киңәшчесе, Мәккә провинциясе Хакиме, Галиҗанәп Әмир Халед бән Фәйсал Әл Согуд белән очрашуда катнашты.
Очрашу Җиддәдә (Согуд Гарәбстаны) узды.
Рөстәм Миңнеханов Халед бән Фәйсал Әл Согудка «Россия – ислам дөньясы» стратегик караш төркеме утырышында катнашканы өчен рәхмәт белдерде һәм Ике изге урын Сакчысы, Әмир Салман бин Габдел Газиз Әл Согудка кунакчыллыгы һәм төркем эшенә яхшы шартлар тудырганы өчен рәхмәт белдерде.
«Әлеге төркемне җитәкләргә миңа Россия Президенты Владимир Владимирович Путин кушты. Ул мөселман дөньясы белән эшләүгә зур игътибар бирә. Ислам барлыкка килү илендә Төркем утырышын уздыру безнең өчен зур дәрәҗә, һәм без Согуд Гарәбстаны ягыннан барлык оештыручыларга чын күңелдән рәхмәтлебез», - диде Рөстәм Миңнеханов.
Рөстәм Миңнеханов шулай ук Согуд җитәкчелегенең Татарстан делегацияләренә һәм хаҗиларга игътибары өчен рәхмәт белдерде (пандемиягә кадәр, 2019 ел нәтиҗәләре буенча, Татарстаннан 1800 кеше хаҗда булган). Ул билгеләп үткәнчә, Согуд Гарәбстаны хаҗиларына һәм туристларына виза хезмәте күрсәтү Согуд Гарәбстанының Казанда планлаштырыла торган Генераль консуллыгын ачуга бәйле рәвештә шактый җиңеләячәк.
«Согуд Гарәбстаны – Россиянең мөһим партнеры. Безнең мөнәсәбәтләр барлык юнәлешләр буенча да диярлек үсә. Безнең илләрнең лидерлары сөйләшүләр барышында сәүдә-икътисадый һәм инвестиция өлкәләрендә хезмәттәшлекне үстерү белән ике яклы кызыксынуны берничә тапкыр ассызыкладылар», - диде Татарстан Президенты.
Рөстәм Миңнеханов шулай ук билгеләп үткәнчә, Татарстан бу мәсьәләдә актив эшли һәм кызыксыну күрә, аерым алганда, энергетика һәм авыл хуҗалыгы өлкәсендә хезмәттәшлек итү. Ул искәрткәнчә, Татарстан – Россиядә ислам банкингы проектларын гамәлгә ашыру буенча сынау узу төбәге һәм әлеге юнәлешләр буенча хезмәттәшлек итәргә әзер.
Бүген Татарстан Республикасы Президенты Рөстәм Миңнеханов Шаһзадә, Әмир киңәшчесе, Мәккә провинциясе Хакиме, Галиҗанәп Әмир Халед бән Фәйсал Әл Согуд белән белән бергә «Россиядә ислам тарихы» күргәзмәсен карады. Күргәзмә «Россия – ислам дөньясы» стратегик караш төркеме утырышы кысаларында оештырылды.
Россия Федерациясе Хөкүмәте сәнәгать кластерларына карата федераль таләпләргә үзгәрешләр раслаган (779 номерлы карар).
Үзгәрешләр предприятиеләрнең кластерларга дәүләт ярдәме чараларын куллану мөмкинлекләрен киңәйтә (41 номерлы карар). Социаль-икътисадый үсеше түбән булган төбәкләрдә урнашкан предприятиеләр өчен геостратегик территорияләрдә һәм моношәһәрләрдә кластер предприятиеләре арасында функциональ бәйлелекнең (җитештерү кооперацияләренең) гомуми дәрәҗәсенә карата таләпләр 20 проценттан 10 процентка кадәр киметелгән.
Шулай ук кластерда агымдагы җитештерү кооперациясе булмаган, ләкин аны өч ел дәвамында оештырырга планлаштыручы катнашучылар кластеры составына кертү исәбенә регионара кооперация төзү өчен дә предприятиеләрнең мөмкинлекләре арттырылган.
«Кластерлы ярдәм Сәнәгать һәм сәүдә министрлыгы тарафыннан 2016 елдан гамәлгә ашырыла. Бу вакыт эчендә 3,2 млрд сумлык 12 кластер проекты хупланды. Бу импортны алыштыра торган продукциянең 20 артык төрен җитештерүне оештырырга һәм әлеге максатларга бюджеттан тыш инвестицияләр җәлеп итәргә мөмкинлек бирде. РФ Хөкүмәте тарафыннан кабул ителгән үзгәрешләр яңа предприятиеләрне кластерга җәлеп итүгә тотрыклы гамәлдәге җитештерү чылбырларында кооперацияне тирәнәйтүдән дәүләт ярдәме фокусын күчерә, бу регионара кооперация элемтәләрен активлаштырырга һәм кластерларда производствоны локальләштерү дәрәҗәсен күтәрергә мөмкинлек бирәчәк», – дип аңлатты сәнәгать һәм сәүдә министры Денис Мантуров.
Бүген «Алабуга» махсус икътисадый зонасы территориясендә ПАН-прекурсор – углерод җепселләре алу өчен чимал җитештерү буенча яңа предприятиене эшләтеп җибәрү тантанасы узды.
Чарада Татарстан Республикасы Президенты Рөстәм Миңнеханов, Росатом дәүләт корпорациясе генераль директоры Алексей Лихачев, Росатомның Юматекс генераль директоры Александр Тюнин, «Алабуга» СҖТ МИЗ» АҖ генераль директоры Тимур Шаһивәлиев катнашты.
Җитештерү май аенда Италия компаниясенең технологик җиһазлары белән тәэмин ителгән иде. Росатом партнеры – «Алабуга» СҖТ МИЗ – предприятиенең автоматлаштырылган инженерлык инфраструктурасын югары дәрәҗәдә тәэмин итте. Мондый масштабта углерод җепселләре өчен прекурсор булдыру процессы Россиядә беренче тапкыр оештырыла.
«Юматекс» ПАН заводын булдыру буенча инвестицион проектны 3 ел эчендә гамәлгә ашырды. Проектның гомуми бюджеты 8,5 млрд. сум тәшкил итә: «Росатом» дәүләт корпорациясе – 5,2 млрд.сум, «Алабуга «СҖТ МИЗ» АҖ – 3,0 млрд. сум, РФ Сәнәгать һәм сәүдә министрлыгы – 0,3 млрд. сум куәтлелек елына 5 мең тонна полиакрилонитрил җепселләр тәшкил итә. Предприятиедә 167 яңа эш урыны булдырылган.
Татарстан Республикасы Президенты Рөстәм Миңнеханов яңа производство ачылуны, ил өчен әһәмиятле вакыйга, дип атады. Ул предприятиене булдыруга ярдәм итүчеләргә рәхмәт белдерде. Рөстәм Миңнеханов искә төшергәнчә, «Алабуга» МИЗның яхшы эше биредә беренче предприятие - Росатом белән хезмәттәшлектә булдырырга мөмкинлек бирде. Ул ассызыклаганча, генераль директор Тимур Шаһивәлиев җитәкчелегендәге «Алабуга» МИЗ кирәкле шартлар тудыра алды, шулай ук предприятиенең инвестордашы булды. «Безнең Росатом белән уртак кызыклы проектлар булыр дип уйлыйм, алар безнең республика территориясендә гамәлгә ашырылачак. Бу проектның барлыкка килүенә чын күңелдән шатмын, әгәр без тотынсак, дәүләтебез өчен кирәк булган теләсә нинди мәсьәләләрне хәл итә алачакбыз», - диде Рөстәм Миңнеханов.
Росатом дәүләт корпорациясе генераль директоры Алексей Лихачев ПАН-прекурсор җитештерүен ачу уңаеннан Россия Федерациясе Президенты Владимир Путин җибәргән сәламләү хатын укыды.
«Әлеге масштаблы югары технологияле проектны гамәлгә ашыру Татарстан Республикасы өчен генә түгел, ә бөтен Россия өчен дә мөһим. Яңа куәтләрне эшләтеп җибәрү транспорт, машина төзелеше, нефть-газ һәм ягулык-энергетика комплексларын, илебез сәнәгатенең башка тармакларын сыйфатлы композит материаллар белән тәэмин итәргә мөмкинлек бирәчәк. Һәм, әлбәттә, мондый зур производствоны гамәлгә кертү төбәк икътисадын үстерүгә, заманча эш урыннары булдыруга, кирәкле социаль проблемаларны хәл итүгә җитди этәргеч бирәчәк. Сезгә уңышлар һәм билгеләнгән планнарыгызның тормышка ашуын телим», - диелә Владимир Путинның сәламләү текстында.
Шулай ук Россия Хөкүмәте рәисе Михаил Мишустинның заводны ачу тантанасында катнашучыларга видео мөрәҗәгате күрсәтелде.
«Алабуга» махсус икътисадый зонасында мондый масштаблы проектны гамәлгә ашыру Татарстан Республикасы өчен генә түгел, бөтен ил өчен дә зур әһәмияткә ия. Әлеге заводны эшләтеп җибәрү композит материаллар – чималдан алып әзер эшләнмәләргә кадәр булдыруның технологик һәм җитештерү чылбырын формалаштыруны төгәлли. Бу технологияләрнең Россиядә эшләнүе аеруча мөһим. Углерод җепселләре җитештерүне үстерү Авиатөзелеш һәм башка базарларның югары сыйфатлы продукциягә булган ихтыяҗларын тәэмин итәргә ярдәм итәчәк. Композит материаллар өлкәсендә импортка бәйсезлекне ныгыту. Сыйфат һәм бәядән чит ил аналогларыннан калышмый торган продукцияне халыкара базарларга уңышлы чыгарырга итәргә кирәк», - диелә Михаил Мишустинның видео котлавында.
Росатом генераль директоры Алексей Лихачев, үз чиратында, яңа җитештерү углекомпозит материаллар буенча тулы технологик чылбырны формалаштырырга мөмкинлек бирә, дип ассызыклады. Инде үзебезнең ПАН-прекурсордан углерод җепселенең беренче сәнәгать үрнәкләре алынды, аларның сыйфаты дөньякүләм иң яхшы җитештерүчеләр дәрәҗәсендә, дип билгеләп үтте Лихачев.
Белешмә өчен:
Илебездәге заманча углерод җепселләрен җитештерү «Алабуга-Волокно» заводында («Юматекс» АҖ керә) 2015 елда «Алабуга» МИЗда җайга салынды.
Юматекс полиакрилонитрил сүс җитештерү буенча яңа заводны эшләтеп җибәрү белән чимал, углерод җепселләре, тукымалар һәм препреглар булдыруның тулы технологик һәм җитештерү чылбырын формалаштыруны тәмамлады.