ЯҢАЛЫКЛАР
"Татарстан Республикасының яшь рационализаторы һәм уйлап табучысы" конкурсы нәтиҗәләре буенча "Татнефть" компаниясе белгечләре иң яхшылары дип табылган.
Конкурста җиңүчеләр арасында – "Татнефтегазпереработка" идарәсе вәкилләре, "Технологик үсеш үзәге" хезмәткәрләре, "Җәлилнефть" НГДИ, "Әлмәтнефть" НГДИ, "Азнакайнефть" идарәсе һәм "Прикамнефть" НГДИ белгечләре, шулай ук "Түбән Кама механика заводы" АҖ предприятиесе ("Татнефть"нең KAMA TYRES шиннар бизнесына керә) вәкилләре бар.
Конкурсны Татарстан Республикасы Сәнәгать һәм сәүдә министрлыгы һәм Татарстан Республикасы Яшьләр эшләре министрлыгы ярдәмендә "Татарстан Республикасы Уйлап табучылар һәм рационализаторлар җәмгыяте" һәм "Татарстан Республикасы предприятиеләре һәм оешмаларының яшьләр берлеге" оештыра.
Конкурсның максаты – Татарстан Республикасындагы рационализаторларның һәм уйлап табучыларның, эшче һәм инженер белгечлекләренең абруен күтәрү, яшь рационализаторларның һәм уйлап табучыларның казанышларын пропагандалау, уйлап табучы һәм рационализаторлык хезмәтен хуплау һәм стимуллаштыру, Татарстан Республикасының фәнни-техник потенциалын ачыклау.
"Татнефть" ГАҖ матбугат хезмәте материаллары буенча
Россиядә "Татнефть" тарафыннан Neste ягулык ваклап сату бизнесын сатып алу буенча алыш-биреш эшләре төгәлләнгән.
2019 елның июлендә "Татнефть" ГАҖ Россиянең төньяк-көнбатышындагы 75 АЗСтан һәм Санкт-Петербургтагы терминалдан торган Neste ягулык ваклап сату бизнесын сату турындагы килешүгә кул куйган. Әлеге алыш-биреш Россия Федерациясенең Монополиягә каршы федераль хезмәте тарафыннан 2019 елның 4 октябрендә хупланган һәм 2019 елның 31 октябрендә тәмамланган.
"Татнефть" ГАҖ һәм Neste арасындагы аерым килешү нигезендә, ваклап сату челтәре Neste бренды белән 5 елга кадәр эшләячәк.
"Татнефть" ГАҖнең ваклап сату челтәре Россиянең иң эре биш челтәре арасында һәм 710дан артык автозаправка станциясен үз эченә ала. "Татнефть"нең ваклап сату стратегиясе "ТАНЕКО" компаниясенең заманча нефть эшкәртү заводында җитештерелгән югары сыйфатлы ягулыкны сатуга юнәлдерелгән. "Татнефть" ваклап сату челтәрен үстерүдә һәм эксплуатацияләүдә төп өстенлекләрнең берсе – әйләнә-тирә мохиткә йогынтыны минимальләштерү.
"Татнефть" ГАҖ матбугат хезмәте материаллары буенча
"Татнефть" компаниясенең сатып алулар үзәге җитәкчесе Рамил Мәннапов "Конкурентлы сатып алулар лидеры – 2019" премиясендә җиңүче булган һәм "Конкурентлы сатып алулар профессионалы" номинациясендә диплом һәм истәлекле билгегә лаек булган.
Премия лауреатларын бүләкләү ел саен Мәскәүдә Россиянең төрле тармакларыннан әйдәп баручы компанияләр, шулай ук контрольлек итүче һәм дәүләт органнары вәкилләре катнашында узган "Корпоратив сатып алулар" конференциясе кысаларында узган.
Конференциядә катнашучылар һәм кунаклар сатып алу процедураларын киңәйтү мәсьәләләре һәм аларның бизнес үсеше драйверлары сыйфатында роле, сатып алу эшчәнлегенең заманча нәтиҗәле инструментлары, тәэмин итү сыйфатын арттыру юнәлешләре, тәэмин итүчеләр белән озак сроклы мөнәсәбәтләрне ныгыту һ.б. турында фикер алышкан.
"Конкурентлы сатып алулар лидеры - 2019" һөнәри конкурсында Россиянең эре предприятиеләре, җәмәгать эшлеклеләре һәм эшлекле ММЧ катнашкан. Премиягә барлыгы 220дән артык эш тәкъдим ителгән. Номинантлар арасында шулай ук ЧТПЗ төркеме, "Северсталь" ГАҖ, ИТАР-ТАСС ФДУП, "МегаФон" ГАҖ, "СИБУР Холдинг" ГАҖ һ.б. бар.
Конкурсантларны бәйсез экспертлар – илебезнең эре предприятиеләренең сатып алулар буенча директорлары бәяләгән.
"Татнефть" ГАҖ матбугат хезмәте материаллары буенча
"Татнефть" компаниясе "Фән һәм инновацияләр" халыкара форумы кысаларында "Студент күзлегеннән бизнес" хакатонын оештыра.
Форумда катнашу өчен техник вузларның 3-4 курс студентлары һәм магистрлары чакырыла.
Хакатон 2019 елның 18 октябрендә компаниянең Әлмәттәге "Юность" җәйге савыктыру лагере базасында узачак. Анда катнашучыларга өч юнәлеш буенча – "Разведка һәм чыгару", "Нефть-газ эшкәртү", "Шиннар комплексы" технологик чакырулар нигезендә җитештерү кейслары тәкъдим ителәчәк.
Хакатон нәтиҗәләре буенча иң яхшы 7 студент "Татнефть" компаниясенең технологик үсеш үзәгендә түләүле стажировка узу мөмкинлеген алачак.
Хакатонда катнашу өчен гаризаны әлеге электрон почта аша бирергә мөмкин: BakeevRN@tatneft.ru.
Өстәмә
*Хакатон (ингл. hackathon, hackер (к.хакер) һәм marathon — марафон) — эшләүчеләр форумы, анда вакытта программа белән тәэмин итү буенча төрле өлкә белгечләре (программистлар, дизайнерлар, менеджерлар) нинди дә булса проблеманы билгеле бер вакыт эчендә бергәләп хәл итә. Гадәттә, хакатоннар бер көннән бер атнага кадәр сузыла.
"Татнефть" ГАҖ матбугат хезмәте материаллары буенча
Визит "Татнефть" компетенцияләр үзәгенең Корпоратив университеты эшчәнлеге белән танышудан башланды, анда кунакларга персоналны укыту һәм компания хезмәткәрләренең компетенцияләрен арттыру корпоратив системасы тәкъдим ителде.
"СИБУР Тольятти" делегациясе "Елховнефть"нең нефть-газ чыгару идарәсенең музей һәм җитештерү объектлары буенча экскурсия барышында нефть чыгару тарихы һәм Татарстан нефтьчеләренең заманча казанышлары белән танышты.
Эш программасы кысаларында кунаклар компаниянең Түбән Кама бизнес-секторында, аерым алганда, "Татнефть" төркемендәге КАМА TYRES шин ясау заводында булдылар.
Кунакларны тоташ металлкордлы, югары сыйфатлы йөк шиннары җитештерүнең тулы циклы белән таныштырдылар, шул исәптән әзерләү һәм җыю производстволарын, вулканизацияләү цехын һәм сыйфат инспекциясен дә күрсәттеләр.
КАМА һәм KAMA PRO маркалы тоташ металлкордлы шиннар "Кама" фәнни-техник үзәгенең халыкара белгечләр тәҗрибәсенә һәм казанышларына нигезләнеп эшләнгән. Натураль каучук һәм металлкордлы каркас нигезендә кулланыла торган резин катнашмасының составы шиннарның югары йөрешен, ныклыгын һәм ягулык экономиясен тәэмин итә.
Предприятие продукциясе куелган киң ассортиментлы күргәзмә экспозициясе кунакларның игътибарын аеруча җәлеп итте. "Түбән Кама тоташ-металлкордлы шин заводы" ҖЧҖ йөк машиналары өчен 110 төрдәге тоташ металлокордлы һәм катнаш шиннар чыгара.
"Татнефть" ГАҖ матбугат хезмәте материаллары буенча
"Татнефть" компаниясе Үзбәкстан Республикасы территориясендә флагманлы яңа автоягулык салу станциясен ачты.
"Татнефть"нең автоягулык салу станциясенә тантаналы презентация Ташкент шәһәрендә узды, әлеге чарада Үзбәкстан Республикасы энергетика министры Алишер Солтанов, "Татнефть" компаниясе генераль директоры Наил Мәганов һәм "Узбекнефтегаз" АҖ идарәсе рәисе Баһадирҗан Сидиков катнашты. Чарада шулай ук Үзбәкстан Республикасы министрлыклары һәм ведомстволары вәкилләре дә катнашты.
"Татнефть"нең флагманлы автоягулык салу станциясе иң заманча технологик җиһазлар һәм сервис хезмәтләре белән җиһазландырылган. Автомобильләргә ягулык салуның барлык төрләре дә тәкъдим ителәчәк – җирлектә җитештерелгән "Нормаль-80" башлап "ТАНЕКО" нефть эшкәртү комплексы җитештергән Аи-100 төренә кадәр.
Автоягулык салу станциясен тантаналы ачу кысаларында беренче килгән 5 клиентка 25әр литр бензин яки дизель ягулыгы бушлай бирелде.
"Татнефть" ГАҖ матбугат хезмәте материаллары буенча
"ТатНИПИнефть" институты һәм "Татнефть" компаниясенең югары үзле нефть чыгару идарәсе белгечләре тарафыннан югары үзле нефть ятмаларын эшкәртүнең нәтиҗәлелеген арттыру өчен технологияләр комплексы эшләнгән.
Технологик чишелешләр комплексы үз эченә өч технологияне ала:
- чыгару скважиналарында су үткәрү интервалларын блоклау өчен термогель композицияләрен куллану технологиясе;
- пычранган коллекторларда термогидродинамик элемтә булдыру технологиясе;
- углеводород эретмәсен куллану технологиясе.
Гомумән алганда, бу технологияләр парогравитация дренировкасы ысулын кулланып, югары үзле нефть чыгаруны интенсификацияләргә мөмкинлек бирә.
Технология "Татнефть" объектларында киң кулланыла башлаган һәм бер тонна югары үзле нефть чыгаруга парның чагыштырма чыгымын киметергә, продукциянең сулылыгын киметергә, нефтьнең тәүлеклек дебитын арттырырга мөмкинлек бирә икән.
Эшләнгән комплекс һөнәри сынаулар барышында үзенең югары нәтиҗәлелеген исбатлаган һәм сәнәгый кулланылышка кертергә тәкъдим ителгән. 2017 елдан 2019 елга кадәрге чорда йогынты ясауның яңа методларын кулланудан гомуми агымдагы икътисадый нәтиҗәлелек 2,05 млрд. сум дип бәяләнә.
Технологик чишелешләр комплексы шулай ук "Нефть, газ. Нефть химиясе-2019" халыкара махсус күргәзмәсендә "Катламнарның нефть бирүчәнлеген арттыру" номинациясендә Гран-прига лаек булган.
Тәкъдим ителгән барлык технологияләргә дә югары үзле нефть чыгару өлкәсендә "Татнефть"нең теоретик һәм практик тикшеренүләренең уникальлеген раслаучы уйлап табуларга Россия Федерациясенең тиешле патентлары алынган.
"Татнефть" ГАҖ матбугат хезмәте материаллары буенча
"ТАНЕКО" комплексы базасында нефть эшкәртү һәм нефть химиясе предприятиеләренең баш белгечләре советының күчмә утырышы узды. Чарада Россиянең эре нефть, химия һәм газ компанияләре метрологлары һәм экологлары катнашты.
Киңәшмәдә катнашучыларга комплексның төп җитештерү җайланмаларын күрсәттеләр, аеруча игътибар табигатьне саклау объектларына бирелде.
Делегация әгъзаларында "ТАНЕКО"ның чистарту корылмалары аеруча зур кызыксыну уятты. Бүгенге көндә алар Россиянең нефть эшкәртү өлкәсендә иң заманча технологияләрнең берсе булып тора. Агынты суларны чистартуның кайбер күрсәткечләр буенча нәтиҗәлелеге 99,9% тәшкил итә. Кунаклар экологик мониторинг системасын да югары бәяләде, аның кысаларында пычраткыч матдәләрнең стационар чыганаклары автоматик үлчәү һәм исәпләү чаралары белән җиһазландырыла.
Чараның секция дәресләрендә "Татнефть" компаниясендә нефть-газ эшкәртүне үстерү, шулай ук "ТАНЕКО"да цифрлы технологияләр кертү турында мәгълүмат тәкъдим ителде. Киңәшмә барышында баш экологлар һәм метрологлар эш тәҗрибәсе белән алмашты, проблемалар, шулай ук аларны хәл итү юллары турында фикер алышты.
"Татнефть" ГАҖ матбугат хезмәте материаллары буенча
3 сентябрьдә "ТАНЕКО" комплексы базасында "Химия һәм нефть химиясе комплекслары объектларын төзегәндә федераль күзәтчелекне гамәлгә ашыру үзенчәлекләре" дигән күчмә семинар-киңәшмә узды.
Киңәшмә эшендә Экологик, технологик һәм атом күзәтчелеге буенча федераль хезмәт җитәкчесе урынбасары Александр Трембицкий, Татарстан Республикасы сәнәгать һәм сәүдә министры Альберт Кәримов, Ростехнадзорның Идел буе идарәсе җитәкчесе Борис Петров, "Татнефть" ГАҖ генераль директорының капиталь төзелеш буенча урынбасары Николай Глазков, Россиянең кайбер төбәкләреннән Ростехнадзор җитәкчеләре һәм белгечләре һәм башкалар катнашты.
Семинар Ростехнадзорның Идел буе идарәсенең 65 еллыгына һәм Россиядә тау һәм сәнәгать күзәтчелегенең 300 еллыгына багышланган юбилей чаралары циклы кысаларында оештырылды.
Комплексның сәнәгать мәйданчыгында киңәшмәдә катнашучыларга "ТАНЕКО" АҖ авария-коткару формированиеләренең күрсәтмә күнегүләре күрсәтелде. Укыту-күнекмә бирү полигонында нефть эшкәртү һәм нефть химиясе производстволары өчен иң типик булган авария хәлләре модельләштерелде.
Кунаклар өчен "ТАНЕКО"ның гамәлдәге һәм төзелеш стадиясендә булган төп объектлары буенча күзәтчелек ведомствосы вәкилләре нефть эшкәртү чылбырын тәкъдим итә алсын өчен экскурсия оештырылды, "ТАНЕКО" комплексында эшли торган сәнәгый, янгын һәм экологик куркынычсызлык системасы белән таныша алсын өчен эшләнде.
Киңәшмәдә катнашучылар куркыныч объектларны төзегәндә һәм эксплуатацияләгәндә барлыкка килә торган проблемалар турында фикер алышты, шулай ук эш тәҗрибәсе белән дә уртаклашты. Аерым алганда, "Татнефть" ГАҖ РПС идарәсе башлыгы Альберт Нурмиев проект порталын – мәгълүмат ресурсын булдыру турында мәгълүмат бирде, анда бүген барлык проект һәм эш документлары, шулай ук подрядчы төзелеш оешмаларына эш досьесы туплана.
"ТАНЕКО" АҖ генераль директоры вазыйфаларын башкаручы Айдар Хисмәтуллин төзелеп беткән объектларны файдалануга кабул итү тәҗрибәсе белән уртаклашты. Ул билгеләп үткәнчә, "Татнефть" ГАҖ РПС идарәсеннән яңа төзелгән "ТАНЕКО" АҖ объектларын тиз һәм сыйфатлы итеп тапшыруны тәэмин итү өчен уртак эш төзелеш чорында ук башлана.
"Татнефть" ГАҖ матбугат хезмәте материаллары буенча
Казанга, Татарстанның нефть, газ, химия форумы кысаларында, Төрекмәнстанның дәүләт министры – "Туркменгаз" дәүләт концерны рәисе Мурад Арчаев килде.
2 нче сентябрьдә – форум ачылган көнне – Мурад Арчаев ТНФ-2019 тантаналы ачылышында, шулай ук "Нефть-газ химиясен нәтиҗәле үстерүнең инновацион чишелешләре" халыкара фәнни-гамәли конференциясенең пленар утырышында катнашты.
Бүген Төрекмәнстанның дәүләт министры "Татнефть" ГАҖ җитәкчелеге белән эшлекле очрашуда катнашу өчен Татарстан Республикасы Сәнәгать һәм сәүдә министрлыгына килде.
Очрашу кысаларында "Татнефть" ГАҖ генераль директоры урынбасары – баш геолог Рәис Хисамов "Татнефть" компанияләр төркеме эшчәнлегенең төп юнәлешләрен тәкъдир итте, шуннан соң яклар үзара файдалы хезмәттәшлек мөмкинлеге турында фикер алышты.