Татарстан Республикасы сәнәгать һәм сәүдә министрлыгында "Дәүләт оборона заказы турында" законының нигезләмәләрен гамәли гамәлгә ашыру хакында фикер алыштылар
2016 елның 7 октябрендә Татарстан Республикасы сәнәгать һәм сәүдә министрлыгында 2012 елның 29 декабреннән 275 номерлы "Дәүләт оборона заказы турында" Федераль законының нигезләмәләрен гамәли гамәлгә ашыру хакында фикер алыштылар.
Киңәшмәдә РФ Оборона министрлыгы дәүләт оборона заказының финанс мониторингы Департаменты директоры Ольга Осауленко, Россия Оборона министрлыгы финанс планлаштыру Департаменты директоры Максим Лоскутов, Россия Оборона министрлыгы дәүләт оборона заказының финанс мониторингы Департаменты директоры урынбасары Светлана Васина, Россия Оборона министрлыгы финанс яктан тәэмин итү Департаменты директоры урынбасары Олег Налимов, ТР сәнәгать һәм сәүдә министрлыгы җитәкчелеге һәм структур бүлекчәләре вәкилләре, ТР территориясендә урнашкан оборона-сәнәгать комплексы предприятиеләре һәм кредит-финанс учреждение вәкилләре катнашты.