Татарстан һәм Финляндия арасында машина төзелеше өлкәсендә хезмәттәшлек үсә
2016 елның 2 сентябрендә ТР Премьер-министры урынбасары – ТР сәнәгать һәм сәүдә министры Алберт Кәримов Fastems Oy Ab (Финляндия) һәм «Пумори-төньяк-көнбатыш» ҖЧҖ (Санкт-Петербург шәһәре) компаниясе делегациясе белән очрашты.
Очрашуда Fastems Oy Ab фин компаниясе вице-президенты Сеппо Лехтонен, «Пумори-төньяк-көнбатыш» ҖЧҖ генераль директоры Сергей Сухов, «Пумори-төньяк-көнбатыш» ҖЧҖ Региональ вәкиле Владимир Михайлов, ТР сәнәгать һәм сәүдә министрлыгы вәкилләре катнашты.
Узган очрашу барышында Fastems компаниясенең презентациясе үтте, Россия һәм Татарстанда компания тарафыннан гамәлгә ашырыла торган проектлар каралды, «Fastems Oy Ab» компаниясе һәм Татарстан Республикасының машина төзелеше комплексы предприятиеләре арасында эшләнүче «Юл картасы» кысаларында хезмәттәшлекне үстерү сораулары хакында фикер алышынды.
Fastems компаниясе – җитештерүне автоматлаштыру системаларын җитештерүче һәм дөньяның алдынгы интеграторларының берсе. Компания 4 заводка ия, бөтен дөнья буенча 11 вәкиллеге бар. Компания төрле киңәйтелүгә сәләтле һәм сыгылмалы җитештерү системасын, роботлар, программалар белән тәэмин итүне һәм җитештерүне автоматлаштыруның башка системаларын тәкъдим итә. Fastems компаниясенең продукциясе җитештерү белән комплекслы идарә итү бурычларын, диспетчер, планлаштыру һәм җитештерү процессларын оештыруны хәл итә.
«Пумори-төньяк-көнбатыш» компаниясе (Урал машина төзелеше корпорациясе "Пумори" составына керә) - инжиниринг компаниясе, Россия базарына металл эшкәртү өчен технологик чишелешләр һәм җиһазлар җибәрә, Fastems фин компаниясенең эшлекле партнеры булып тора.
Fastems Oy Ab һәм «Пумори-төньяк-көнбатыш» ҖЧҖ компанияләре делегациясе вәкилләре ТР сәнәгать һәм сәүдә министрлыгы җитәкчелегенә визит программасын эчтәлекле итеп оештырулары өчен рәхмәтләрен белдерделәр, визит барышында алар “С.П.Горбунов исемендәге Казан авиация заводы-Туполев АҖ филиалы”, "КАПО-Композит", "ОКБ им.Симонова","Казан Гипронииавиапром", "Горький исем. Яшел Үзән заводы", "ICL КПО” сәнәгать предприятиеләрендә булдылар.
Алар республика предприятиеләренең җитештерү процессларына интеграция өлкәсендә Fastems технологик чишелешләр Татарстан предприятиеләре җитәкчелеге һәм техник экспертлары белән очрашулар нәтиҗәләре турында сөйләделәр.