Татарстанда ярты ел эчендә сәнәгать җитештерү индексы өч проценттан артып китте
Татарстанда сәнәгать җитештерү индексы 6 ай нәтиҗәләре буенча узган елның шул ук периоды дәрәҗәсендә 103,2 процент тәшкил итте. Бу хакта бүген 2016 елның 15 июлендә “Татар-информ” МА биргән интервьюсында ТР Премьер-министры урынбасары-ТР сәнәгать һәм сәүдә министры Алберт Кәримов хәбәр итте.
Агентство әңгәмәдәше сөйләвенчә, билгеле бер үсеш энергетика, нефть табу, эшкәртү тармакларында, җитештерү һәм электр энергиясен, газ һәм суны бүлү тармакларында күзәтелә.
“Нефть табу дүрт процентка үскән. Эшкәртү тармагында үсеш 2,2 процент тәшкил итә. Электр энергиясе җитештерү һәм бүлү шактый арткан – 6 проценттан артык. Яхшы үсеш темпларын җиңел сәнәгать, күннән әйберләр җитештерү күрсәтте. Әгәр күләмле күрсәткечләр турында әйтсәк, лидер булып нефть, газ, химия комплексы кала бара, бүгенге көндә сәнәгый җитештерүенең гомуми күләме 60 проценттан артып китә", – диде вице-премьер.
"Инновацион проектларга акча кертү дәвам итә. Мәсәлән, шушы көннәрдә генә "Танеко"да тест режимында әкренәйтелгән кокслаштыру җайланмасы эшли башлады, аның чимал буенча куәте елына 2 миллион тонна", – дип өстәде ул.
Аның сүзләренә караганда, республикада нефть эшкәртү күләме тотрыклы рәвештә арта бара. Бүгенге көндә перерабатывается 15-16 миллион тонна нефть елга. "2018 елда әлеге күләме кадәр арттыру планлаштырыла 22-23 млн. тонна", – дип белдерде ул.
"Татарстанстат" мәгълүматларына караганда, гыйнвар-июнь айларында предприятиеләр тарафыннан 907,4 млрд. сумлык товар җитештерелгән. Иң зур чагыштырма авырлыкка гомуми күләмдә түбәндәге тармаклар ия: файдалы казылмалар чыгару (22,7 процент), нефть продуктлары җитештерү (18,4 процент), химия производствосы (15,7 процент), транспорт чаралары һәм җиһазлар җитештерү (10 процент), электр энергиясе, газ һәм су җитештерү һәм бүлү (7,1 процент).
Шул ук вакытта алты ай нәтиҗәләре буенча, сәнәгый җитештерү индексы кимүе билгеләп үтелде: транспорт чаралары һәм җиһазлар җитештерүдә (99,7 процент), машиналар һәм җиһазлар (98,1 проценты), башка металл булмаган минераль продуктлар (84,7 процент), нефть продуктлары (99,4 процент).
Гыйнвар-июнь айларында ягулык-энергетика файдалы казылмалар чыгарудагы төяп җибәрүләр 206 млрд. сум тәшкил иткән. Сәнәгый җитештерү индексы узган елның шушы чорына карата әлеге төр эшчәнлек буенча 104 процент саналган. Беренче ярты ел нәтиҗәләре буенча Татарстанда 17,3 млн тонна нефть чыгарылган. Татарстанның нефть эшкәртү секторы предприятиеләре тарафыннан 167,2 млрд. сумлык продукция төяп җибәрелгән, сәнәгый җитештерү индексы 99,4 процент тәшкил иткән.
Республиканың химия предприятиеләре тарафыннан ярты ел эчендә 142,2 млрд сумлык продукция төяп җибәрелгән. Сәнәгый җитештерү индексы 101,9 процент тәшкил иткән.
Видеорепортаж «Татар-информ» МА сайтында урнаштырылган: http://www.tatar-inform.ru/video/8543/
Интервью материаллары «Татар-информ» МА сайтында бастырылган:
http://www.tatar-inform.ru/news/2016/07/15/512423/, http://www.tatar- inform.ru/news/2016/07/15/512432/, http://www.tatar- inform.ru/news/2016/07/15/512469/, http://www.tatar- inform.ru/news/2016/07/15/512481/, http://www.tatar-inform.ru/news/2016/07/15/512475/.