III Республика социаль юнәлешле коммерциячел булмаган оешмалар форумы
2015 елның 19 августында Казанда III Республика социаль юнәлешле коммерциячел булмаган оешмалар (КБО) форумының пленар утырышы узды. Утырышта Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, республика министрлыклары һәм ведомстволары җитәкчеләре, муниципаль берәмлекләр башлыклары һәм башкалар катнашты.
Чара кысаларында социаль юнәлешле КБОларының иң әйбәт социаль практикалары күргәзмәсе оештырылган иде, шул исәптән “Президент белән бергә” иҗтимагый хәрәкәтенә кергән оешмалар тәҗрибәсе дә күрсәтелде.
Социаль юнәлешле коммерциячел булмаган оешмалар (КБО) форумы Татарстанда 2011 елдан уздырыла. Аның максаты –халык тормышының сыйфатын яхшырту һәм республиканың алга таба инновацион үсеше өчен гражданлык оешмалары институтларының һәм хакимият органнарының тырышлыгын консолидацияләү.
Республика җитәкчелеге фикеренчә, коммерциячел булмаган оешмалар Татарстанның социаль үсеш мәсьәләләрен хәл итүдә дәүләтнең мөһим партнеры булып торалар.