Казанда "Сакчыл җитештерү" технологияләрен кертү һәм хезмәт җитештерүчәнлеген үстерү мәсьәләләре хакында фикер алыштылар

2014 елның 18 декабрендә Казанда Татарстан Республикасы Сәнәгать һәм сәүдә министрлыгы Татарстан Республикасының мәгълүматлаштыру Академиясе, Татарстан Республикасы Фәннәр Академиясе белән берлектә “Җитештерүчәнлек һәм сакчыл җитештерү” халыкара фәнни–гамәли конференция үткәрелде.
Конференция хезмәт җитештерүчәнлеген үстерү, “Сакчыл җитештерү” принципларын һәм инструментларын нәтиҗәле куллану нигезендә җитештерү системаларын кертү, үзебезнең ил предприятиеләрдә һәм оешмаларында хезмәт җитештерүчәнлеген үстерүдә дәүләт, иҗтимагый һәм коммерция структураларның үзара эшчәнлеге мәсьәләләренә багышланган.
Конференция программасы кысаларында Россия Федерациясенең һәм Татарстан Республикасының эре сәнәгать предприятиеләре, республиканың укыту учрежденияләре, халыкара Лин–тренерлары катнашында пленар утырыш узачак.
Татарстан Республикасы Премьер–министры урынбасары –Татарстан Республикасы сәнәгать һәм сәүдә министры Равил Зарипов конференциядә катнашучыларны сәламләп, “Татарстан Республикасы җитәкчелегенең ярдәме предприятиеләрдә ”Сакчыл җитештерү” методикаларын оештыруда һәм кертүдә төп роль уйнады, максатчан программаларны уңышлы гамәлгә ашыру, предприятиеләрнең һәм оешмаларның Лин–технологияләрне кулланудан зур икътисадый нәтиҗә алуга ярдәм итте (“Сакчыл җитештерү” технологияләре)”,–дип әйтте ул.
Равил Зарипов билгеләгәнчә, бүгенге көндә Татарстанда “Сакчыл җитештерү” технологияләрен кертү 163 машина төзелеше, химия, нефть химиясе, энергетика, җиңел сәнәгать, авыл хуҗалыгы, транспорт һәм сәламәтлек саклау предприятиеләрендә тормышка ашырыла. Оператив мәгълүматларга караганда, 2014 елның 9 ае нәтиҗәләре буенча моның икътисадый эффекты 2,7 млрд. сум тәшкил итте. Бу күрсәткеч буенча лидерлар: «КАМАЗ» ААҖ, «ПО «ЕЛАЗ» ААҖ, «ПОЗиС» ААҖ, «А.М. Горький исем. Зеленодольск заводы», «КМПО» ААҖ, «КЭТЗ» ААҖ, «Карпов исем. химимя заводы», “Татнефть” ААҖ предприятиеләре (НГДУ «Джалильнефть», НГДУ «Нурлатнефть», «Нижнекамскшина» ААҖ, «Түбән Каманың йөкле машина шиналары заводы» ҖЧҖ, «Бөгелмә механика заводы» ААҖ) һәм башкалар.
Республикада уңышлы гына ике белем бирү учреждениясе эшләп килә – Чаллыда һәм “Камаарты” регионында КНИТУ–КАИда һәм сәүдә–сәнәгать палатасында укыту үзәкләре. Монда Менеджмент академиясе оештырылды. Соңгы 5 ел эчендә Татарстанда “Сакчыл җитештерү” технологияләренә алдан өйрәтү программасы кысаларында предприятиеләрнең 5 мең хезмәткәре өйрәтелгән.
“Сакчыл җитештерү” технологияләрен үстерү максаты белән 2009 елдан башлап ел саен Россия һәм чит илләр компанияләре катнашында Лин–конференцияләр үткәрелә. 2014 елның апрелендә Чаллыда Россия Федерациясе Хөкүмәте рәисе, Россия Федерациясе Хөкүмәте каршысындагы Хәрби–сәнәгать палатасы рәисе Д.О.Рогозин катнашында Лин–конференция үтте. 2014 елның ноябрендә Әлмәттә “Татнефть” базасы нигезендә “Эффектив процесслар – югары җитештерүчәнлек” 9 халыкара конференциясе үткәрелде.
Татарстан Республикасы сәнәгать һәм сәүдә министрлыгы җитәкчесе ассызыклаганча, “Әлеге юнәлештә алынган практик тәҗрибә “Сакчыл җитештерү” технологияләрен предприятиеләр дәрәҗәсеннән республиканың шәһәрләр масштабларына күтәрергә ярдәм итте”. Хәзерге вакытта “Чаллы – тотрыклы үсеш шәһәре” проекты гамәлгә ашырыла. Әлеге проектны томышка ашыру шәһәр предприятиеләрен үстерүдә нәтиҗәле системасын булдырырга ярдәм итә.

Конференция барышында катнашучылар сәнәгать предприятиеләрендә Лин–технологияләрне нәтиҗәле кертү тәҗрибәсе белән таныштылар («Трансмашхолдинг» ЯАҖ, «КАМАЗ» ААҖ, «ЕЛАЗ» ААҖ, «ПОЗИС» ААҖ, «Горький исем. Зеленодольск заводы», “Горбунов исем. Казан авиация заводы” ААҖ, «КМПО» ААҖ һәм башкалар).