Татарстан Республикасы территориясендә яшәүче халыкларның милли ашлар Көне узды

«2013-2015 елларда Татарстан Республикасында сәүдә, җәмәгать туклануын һәм көнкурешне тәэмин итүне үстерү” озак сроклы максатчан программаны кабул итү турында» 2012 елның 16 ноябренең 994 номерлы Татарстан Республикасы Министрлар Кабинеты карарын үтәү йөзеннән, 2014 елның май-июнь айларында республика муниципаль берәмлекләренең җәмәгать туклануы предприятиеләрендә Татарстан Республикасы территориясендә яшәүче халыкларның милли ашлар Көнен уздырдылар.
Милли ашлар Көне Казан һәм Чаллы шәһәрләрендә, шулай ук Әгердҗе, Актаныш, Алексеевск, Азнакай, Әлмәт, Апас, Арча, Баулы, Зеленодольск, Кайбыч, Кукмара, Лаеш, Лениногорск, Менделеевск, Минзәлә, Мөслим, Яңа Чишмә, Норлат, Саба, Сарман, Спасс, Тәтеш, Черемшән һәм Ютазы муниципаль районнарында оештырылды.
Әлеге проектның максаты – җәмәгать туклануы өлкәсендә хезмәт күрсәтү сыйфатын яхшырту, кулинария традицияләрен саклап калу, Татарстан Республикасы территориясендә яшәүче күпсанлы милләтләрнең үзара татулыгын ныгыту.
Муниципаль берәмлекләрнең бәйге комиссияләре тарафыннан җәмәгать туклануы предприятиеләре коллективларының иң яхшылары сайланды, алар Татарстан Республикасы Сәнәгать һәм сәүдә министрлыгының Мактау грамоталары һәм Рәхмәт хатлары белән бүләкләнәчәкләр.