Татарстан Республикасының Свердловск өлкәсе белән хезмәттәшлеге ныгый

2014 елның 20-21 июнь көннәрендә Свердловск өлкәсе губернаторы Евгений Куйвашев җитәкчелегендәге Свердловск өлкәсе делегациясенең Татарстан Республикасына визиты уза.
Делегация составында – Свердловск өлкәсе Хөкүмәт рәисе урынбасарлары Александр Петров һәм Азат Салихов, Свердловск өлкәсе закон чыгару собраниесе депутаты Альберт Абзалов, Свердловск өлкәсе икътисад министры Андрей Ноженко, Урал Сәүдә - сәнәгать палатасы президенты Андрей Беседин, Свердловск өлкәсендәге Татарстан Республикасының даими вәкиле Ринат Садриев, Свердловск өлкәсе хакимият органнары вәкиләре, Свердловск өлкәсе сәнәгать предприятиеләре җитәкчеләре.
Визит кысаларында Свердловск өлкәсе делегациясе «ИТ-парк» югары технологияләр өлкәсендәге Технопаркка, «Химград» Технополисына, «Казань-Арена» футбол стадионына, спортның су төрләре Сараена барачак, Татарстан Республикасының Сәүдә-сәнәгать палатасында узачак эшлекле элемтәләр биржасында катнашачак.
Мәртәбәле кунаклар Сабантуй бәйрәмендә дә катнашачаклар.
21 июнь көнне Татарстан Республикасы Президенты Рөстәм Миңнехановның Свердловск өлкәсе губернаторы Евгений Куйвашев белән очрашу кысаларында Татарстан Республикасы белән Свердловск өлкәсе арасында сәүдә-икътисадый, фәнни-техник, экологик, гуманитар, мәдәният өлкәсендә һәм башка өлкәләрдә хезмәттәшлек турында килешүгә һәм 2015-2017 елларга Килешүне гамәлгә ашыру буенча Протоколга имза салу планлаштырыла.
Мәгълүмат өчен:
Татарстан Республкасы белән Сверловск өлкәсе арасындагы регионара сәүдә әйләнеше 18,9 млрд. сум тәшкил итте.
Свердловск өлкәсе белән Татарстанның түбәндәге предприятиеләре хезмәттәшлек итә: «КОМЗ» ААҖ, «Булгарпиво» ААҖ, «ТГК Уруссинская ГРЭС» ЯАҖ, «Л. Я. Карпов исем. химия заводы» ААҖ, «Генерирующая компания» ААҖ, «Серго исем. завод» җитештерү берләшмәсе» ААҖ, «ЕлАЗ» җитештерү берләшмәсе» ААҖ, «Эластик заводы» ҖЧҖ, «Нижнекамскнефтехим» ААҖ, «Казанькомпрессормаш» ААҖ, «Татнефть» ААҖ, «Сантехприбор» ААҖ, «Татхимфармпрепаратлар» ААҖ, «Татнефть – Нефтехим» Идарә итү компаниясе» ҖЧҖ, «ТАИФ – НК» ААҖ, «Спартак» ААҖ, «Казаньоргсинтез» ААҖ, «Менделеевсказот» ҖЧҖ, «С.П. Горбунов исем. КАПО» ААҖ, «А.М.Горький исем. Зеленодольск заводы» ААҖ, «ИНВЭНТ» ҖЧҖ, «Алсу» ААҖ, «ПФМК» ҖЧҖ, «КАМАЗ» ААҖ, «Вакууммаш» ҖЧҖ, «Казан синтетик каучук заводы» ААҖ, «Кукмара тегү фабрикасы» ААҖ, «Бетар» ҖЧҖ, «Чаллының С.П.Титов исем. картон- кәгазъ комбинаты халык предприятиесе» ЯАҖ, «Кукмараның металл савыт-саба заводы» ААҖ, «Әлмәт торба заводы» ААҖ.