2030 елга кадәр Татарстан Республикасын социаль-икътисадый үстерү стратегиясе проектын эшләнү мәсьәләсе каралды

2014 елның 6 июнендә Татарстан Республикасы Президенты Рөстәм Миңнеханов катнашында 2030 елга кадәр Татарстан Республикасын социаль-икътисадый үстерү стратегиясе проектын эшләнү мәсьәләсе каралды.
2030 елга кадәр Татарстан Республикасын социаль-икътисадый үстерү стратегиясе проекты буенча фикер алышканда Татарстан Республикасы Премьер-министры Илдар Халиков, Санкт-Петербург дәүләт университетының ирекле сәнгатьләр һәм фәннәр факультеты деканы Алексей Кудрин, Татарстан Республикасы министрлыклар һәм ведомстволар, Леонтьев үзәге хезмәткәрләре катнашты.
Бүген эшләнгән эшләр турындагы нотыклар белән «Стратегия 2030» проекты экспертлары чыгыш ясады. Ирина Карелина хәбәр иткәнчә, проект буенча күп эш эшләнгән, аның төп максаты – республиканың киләчәген глобаль конкуренциягә чыдам, алга киткән регион буларак күрүне билгеләү, гамәлләрнең төп юнәлешләре буенча билгеләнгәннәрне гамәлгә ашыруны беркетү. Тикшеренү этабы тәмам, диде ул, хәзер стратегик анализ алып барыла. Экспертлар даими рәвештә Татарстан Республикасы территориясендә эшлиләр, дип белдерде Ирина Карелина, белгечләр белән очрашабыз, фикер алышулар, конференцияләр оештырабыз. Барлыгы 100 чара уздырылды – «түгәрәк өстәлләр», эзләнү конференцияләре, семинарлар, Татарстан Республикасы министрлыклары, ведомстволары, сәнәгать предприятиеләре, муниципаль районнары җитәкчеләре белән очрашулар.
Проектның төп приоритетлары турында җентекләп Борис Жихаревич сөйләде. Аның сүзләренчә, регион өчен иң беренче приоретитет – кеше капиталы, пространство һәм инфраструктура, шулай ук нәтиҗәле идарә булырга тиеш, диде. Ул 10 елдан соң булачак үсешнең төп тенденцияләрен – яңа технологияләр, яңа белгечлекләр һәм башкаларны атады.